Matthew 21:39 - ASII LAKDAP Bible (BSI) Krai mren she, tsangshiq raq ase ka laphoto. Raüta phekam na hit ho raüta, apaiq ka tsat baiq kito.” Hawa Naga Bible 2001 Kvkhoc rvtueq tsuinghez rueq piq kuex lvp ruiux, sunc phic kox nuex shvlx wvnc vtueq thvt gay tueq. Muklom Ethirangma ning aa piq tha tánglo ta etho sutitong shiwang alo náng som chuwan eq tatik chakta.” |
Shatmaq akheng shamseati nok raq, ase saüwa kriishe chhi raüta, tsangshiq liipan na bom ka akhiishe riichongto, ‘Ara wakchongti we se she saü wato. Warong ra, apaiq arshe tsatbaiq rong i. Notsam apaiq arshe tsatbaiq hai jiika, awe tachong hupsam ka nashiq rii she miraq!’
“Riita ümchaü wakchongti we ka saüho raü jiika, akheng shamseati nok ka jamkhii she wa mir nya?” nguta Jesuq raq tsangshiq ma bom ka waito.
Kiijiishe, Jesuq raq treto, “Phuno we ümniiraq jamlai phan klo chang wa kra jaqlo klo tlo laq!” Kiijiishe tsangshiq raq Jesuq ka ranghoto. Kiimaq raü maq tep khato.
Jesuq lap wati raq Jesuq ka Ramwe Ajong Pinthum we Kaiaphas jam na sheahoto. Kiijaq Thungtri shrinketibi nai welabi thun ka adam na thung raüta kheshat she riito.
Kiijiishe Roman phentuwe nai asengi phenlabi, kiimaq Shomjam kheti Jehudi phan petanok raq Jesuq ka lapho raüta raü maq khato.
Kra raütiishe Annas raq Jesuq ka tiikhashat miili Ramwe Ajong Pinthum we Kaiaphas rung niishe tiishea wanto.
Arka Shiikeawe apaiq raq kongkhu miiphü tiihong wanje she dongdii. Apaiq raq tiihong wantaq kra phanphan, Jesuq ka namshiq jaqkhon mong na tiishaü kuqto. Kiimaq, namshiq riishe, apaiq ka ngarai maiqsetiim ma kiinong kuq lantiishe, pumsongkham na tiitü baiq lanta tiitsat baiq lan.
Riita, ümchaü min namshiq tarü raq, Israilnok mungmaiqse tarü raq, ara bomtsi ara tiitsangdada sap ronglaq. Arwe arka thawe kharü mong wa, ümchaü phintsaqtsaq she, arot la arot she heakito. Raüta, ümchaü namshiq tarü makki na, phintsaqtsaq hea she chap raü chhi tlan. Ara heakitaq arka, namshiq raq atsatbaiq han, Najareth hiqti we Jesuq Khristo mang na ningkun asi; kriiwe ningkun maq heakito. Jesuq ka namshiq raq pumsongkham na tübaiq lanta tsatbaiq lan. Shatmaq, Shiikeawe raq apaiq ka amaa wiishe tiidong wanto.
Namshiq raq Jesuq ka pumsongkham na tübaiq lanta tsatbaiq lan. Shatmaq, natitiim Shiikeawe raq apaiq ka amaa wiishe tiidong wan nongto.
Riita, namtitiim raq, shammibi ka wiitarü tiichamchao wan je siisaq riito. Shiikeawe raq apaiq kechu Kolise tiikitlaq kra tsütsa chongke miitu, man na rathup rapha ji niiphü, apaiq tsütsa chongke wanti shammibi ümchuwa tiikitaq thun kriika, tsangshiq raq wiita tsatbaiq wanto. Krai mren, ümchaü namshiq riimin, apaiq luqkhapse ka tiishaü baiq lan. Lanta, apaiq ka tsatbaiq lan.
Namshiq raq jam min sap makti, maiqsangti ka shaphaq baiq wan lan ihata. Kiimaq wiita atsea riibaiq wan lan ihata. Kiimaq tsangshiq raq namshiq jaq ka towan lot mak riito.