James 5:6 - ASII LAKDAP Bible (BSI)

⁶ Namshiq raq jam min sap makti, maiqsangti ka shaphaq baiq wan lan ihata. Kiimaq wiita atsea riibaiq wan lan ihata. Kiimaq tsangshiq raq namshiq jaq ka towan lot mak riito.

Hawa Naga Bible 2001

⁶ Nuimshiq rueq mvrax vguez miqsaz htenc muex phox kuq vtueq thvt gay tuit, tsuingshiq rueq nuimshiq muex khawx lvlx muq.

Muklom

⁶ Nim aa jamoq tang tha aja ta raaq eq tatik chak tin; ning nim ma jashit raaq moq.

James 5:6 Referencias Cruzadas

ISAIA 5:23

Shatmaq khapho rung miishe ka ashutwe raq tsiiqlap kuq raüla, namshiq raq ajiqwe ka atiidong riibaiqtlan. Lantea maiqsangwe ka nanshan shan tiishut baiqtlan.

ISAIA 53:7

“Apaiq ka notshot haihü wanto, shatmaq apaiq raq kaiqshak miili nin wanto; apaiq raq bom poshi min bom mak riito. Skuranse ataa phaho ma hitho tlaq ikha, skuse abin sima hithotlaq ikha, apaiq raq bom poshi min bom mak riito.

Matthew 21:38

Shatmaq akheng shamseati nok raq, ase saüwa kriishe chhi raüta, tsangshiq liipan na bom ka akhiishe riichongto, ‘Ara wakchongti we se she saü wato. Warong ra, apaiq arshe tsatbaiq rong i. Notsam apaiq arshe tsatbaiq hai jiika, awe tachong hupsam ka nashiq rii she miraq!’

Matthew 27:20

Kra liipan bala, ramwe jongbi nai welabi raq mungmaiqse ma Pilat jaq wa Barabas ka tiidongke ra. Kiimaq Jesuq ka atsea riibaiq ra, nguta jaü ronglaq nguta, raikao ka atat wishe riito.

Matthew 5:39

Shatmaq, ümchaü ngi raq namshiq ma chongpha: Jurwa namshiq ma shuttlaq, kra phuk ka naq lam rongkiq. Ashi ra raq namthea theatsi nü na riisiiq tsat raüla, theako nü kri chiim kuq ronglaq.

Acts 22:14

Kiijiishe, Ananias raq ngi ma bom ka akha chongto, ‘Natitiim Shiikeawe raq ümniika apaiq tiima tsantsii kra khon wan miitu tsea wanto. Kiimaq apaiq Tingting dise krai sham riichhi miitu, kiimaq apaiq raq ümniima pumsii maq, bom chongkuq tlaq kra taiwan miitu she tsea wanto.

Acts 7:52

Riita, namtitiim raq, shammibi ka wiitarü tiichamchao wan je siisaq riito. Shiikeawe raq apaiq kechu Kolise tiikitlaq kra tsütsa chongke miitu, man na rathup rapha ji niiphü, apaiq tsütsa chongke wanti shammibi ümchuwa tiikitaq thun kriika, tsangshiq raq wiita tsatbaiq wanto. Krai mren, ümchaü namshiq riimin, apaiq luqkhapse ka tiishaü baiq lan. Lanta, apaiq ka tsatbaiq lan.

Acts 8:32

Apaiq raq phattaq asii bomtsi ka ara riito: “Apaiq ka skuse ataaphaq ma hitho tlaq ikha, aho ariiq min ahü sheahoto. Skuse abin sikiijaq phephiiq mak ikha, apaiq raq bom poshi min bom mak riito.

Hebrews 10:38

I sengi, asii maiqsetiim sitlaq thun riikla, kamtsantsii mithü, raüta atra misi. Shatmaq, tsangshiq phong wa ashira raq, I jai phan mak she tsaqki raü jiika, Kriiti miika, I tsan hea mak miraq.”

James 2:6

Namshiq riitiq nya, miitsan maiqse angu ka, ashummii riiho! Rung awang na namshiq hit-rottibi thun ka juwiita? Chiithe maiqse raq riimak sha!

James 4:2

Namshiq raq phanrap hup asam ka laphai jiilei nguta, khutaüphei tin rit tlan. Shatmaq lap man. Kriikha miishe namshiq liipan na jasam piqsii she riise tlan. Namtsan mong na hup nai sam, tsiiq nai nyam lap hai jiilei nguta pinthum süram tlan. Shatmaq rit tlan ta awii thun ka lap man. Kiijiishe, namshiq liipan na tatso wiinyi she riilong liiq tlan. Namshiq raq Shiikeawe jaq wa achu jaü lam maq rit man kha maq, namshiq raq rit tlan tsiiq nai nyam ka lap man.

1 Peter 4:18

Asii bomtsi na akha chongtlo: “Kechu maiqse santla, Shiikeawe raq tsangshiq chhiijii kewan jaqsham kra, minyi wan shaq liipan na, pahea chamchao wan chang dong tlaq, ikhiijiika, Shiikeawe sapmakti ngarai maiqse ka, phiiptsi jiiptsi, achong lot mai she micham chao wan ngushat!”