James 5:5 - ASII LAKDAP Bible (BSI)

⁵ Namrilung ka ara mangjong hiq maq, wok phetaktak, tiipong tiipii, namwok triim lanta siwan lan. Namkhum ka minsaü pongsetiim apü wiq, ataa phaq ma rüm tlaq ikha, Phangthum Khapho Ranaiq na, Shiikeawe rung na chap wan miitu she tiije thü wan lan.

Hawa Naga Bible 2001

⁵ Vruex ghaq htauk vyuq nuimshiq rullungx tvraungx lvmx kuex gvnngvmx thuinz tvlenc lauk juing hup vsvmx vhvlx phvnx htenc maq piauc liauc lvmx dvyx mvrc yaq. Nuimshiq kuex vthvy gay rvhumc raungnuiyq laung nuex nuimshiq shauk vgvnz kuex tvyungc ghaq vshuinx.

Muklom

⁵ Nim mingkang ro uphan kalaptey etho rapney sungrangtey; nim duk saal ma nim ni nim shi tachiin inn.

James 5:5 Referencias Cruzadas

Tvtsvmc 17:14

Ngi ka mangjong rilung na jamlai wa lungwiitlaq kra laptibi jaq wa tiichhiilaq. Tsangshiq ma chamchao mo tiiho chang ümniiraq tiihong laü kriimaq tsangshiq mo ka tiiholaq; kra mo homa ka tsangsetiim miitu min honglu mirlaq kiimaq mo wiijam ka tsangsaütiim miitu mitiichonglaq!

Tvtsvmc 73:7

tsang tsan tsii ka shotsan waitsan, tsang khutsai ka abi kiimung süriili sitlo.

TAKSU LAK 17:1

Poijong klo raüta, riitsak riikaq lam maq phaqsea nam miika, tsan sanglili maq, dungkaiq dashi phaqsea riiwe ka ahea.

TAKSU LAK 7:14

“Ngi raq honglu min kuq kang she; kiimaq honglu ngamrea min lam wan kang she.

THARC TVLUINGC 11:9

Jerowe lei, peokhiq maq rilung ka tiisung laq. Jero bala chojong chise maq silaq. Tsan raq aroro kra sham laüta silaq. Ümtsan raq jamlai wa jaütlaq kra phanphan polokhiq maq silaq. Tsan na tiitsangshat maq silaq. Ümniiraq jamlai wa sham wan laü, kra wiita Shiikeawe raq kappe maq shin raüta kha ka mipho wan.

ISAIA 22:13

Shatmaq kra rii na namshiq ka anai riilan kiimaq polokhiq peo wan lan. Namshiq raq sku nai minsaü taphaq lan. Kiimaq namshiq ka chenyang chamtraq riilan. Namshiq raq akha ngulan, “Nashiq ka chenyang dungsea phetak butja sirong i na! Anap nashiq ka amaa phong li she miraq.”

ISAIA 3:16

Tati raq nguto, “Liironglaq, Jerusalem nyungre ka kai shiikonghea pinthum! Tsangshiq ka chii heawea lam na khum lam maq tsangkhü ka ra na tiinga raqraq maq khumtlo. Tsangshiq ka wranaiqshe tiibaimiinge raütli sitlo. Tsangshiq ka chaosususe miili khumtlo. Raüla tsangshiq jidang na patlaq tükom thun kriika kang rang kong ra trangtlo.

ISAIA 47:8

“Ara tiitsang tailaq, ümnaq chamtraq peoseati nyung raq, ümniinga ümniika rahai raq chhemak ngiimra sitiikang nguta tiimasiqtlaü. Ümniika Shiikeawe rai riingea riingea ajong nguta tiimatlaü, ümnaq khan maiq ahin ka ahü nguta sitlaü. Ümtsan na ümniika ümkhiiriitii jiimin manti nyung miika jamang mirhaü nguta srasiqlaü, riimakla ümsetiim ka ümkhiiriitii jiimin tsaimak nguta srasiqlaü.

ISAIA 56:12

‘Che ka abiri nyang rong i na,’ nguta ara cherop kong raq ngutlo. ‘Laita nashiq raq atangtang bak nyang rong i na! Anap ka ümchaü ranaiq nam ma ahealin miraq!’”

JEREMIA 12:3

Shatmaq, Tatiwe, ümniiraq ngi ka asap haü; ngi raq jamlai wa shamtiikang kra ümniiraq achhi haü, kiimaq ngi raq ümniika jamkho lungwiitiikang kra achhi haü. Ara abi kloti maiq thun ka, skukong ataaphaq chang ikha hitbaiqlaq; tsangshiq ka ataabaiq akhing misaü shaq wiiwii, ümniiraq tsangshiq kheshat thülaq.

JEREMIA 25:34

Hoqtrang ronglaq, namshiq welabi thun ka, isenginok rümti mungtubi lei, tiihong lanta hoqtrang ronglaq! Maaho majü hiq na bot khulai thaq na akap atsea phelanta hoqtrang ronglaq. Namshiq jiipbaiq wan akhing she saü wato. Namshiq ka sku aresekong ikha mitaabaiq.

EJEKIEL 16:49

Apaiq nai asetiim jechakre ka kai kumrong kumraqli siwanto. Jamkhano ngukla tsangshiq ka chiithe lüwa, arong awin. Kiimaq hansang maq siwanto. Chiqse rewe ahü riito. Shatmaq tsangshiq raq miitsan maiqsetiim nai naolaq naosangti ka khrum kuqmak riito.

EJEKIEL 39:17

Tati Rakaü Hiqwe raq ngi ma nguto, “Maiqse lei, tlotli wushi kong nai rum ngam kong thun ka barap binrii wa, Ngi raq tsangshiq miitu honglu take ma tiije tiikang kra ngam phaq wa miitu healaq. Kra phaqsea poi ka jonghea pinthum Israil mung na pum thun na miklo wan. Kiijaq tsangshiq raq ngam miphaq wan. Kiimaq tiijai minyang wan.

AMO LUIK DVP (AMOS) 6:1

O, namshiq Jajon chela na polokhiq siti ma, phiiptsi chang asi. Kiimaq namshiq Samaria na ümtum ümmai, haihü songhü siti ma haisi chang asi. Namshiq Israil mung jong na siti, namshiq phukhu wela ajong alabi!

Luke 16:19

“Man na maiq weshi ka chiithe pinthum riito. Apaiq ka athii atsin pinthum miirii maq tiimiikhiiq raüta sito. Kiimaq wranaiqshe chamtraq tiipao tiipii raüta sito.

Luke 16:25

“Kiijiishe, Abraham raq treto, ‘I se le, tsan na tiitsang laq. Ümrilung na ümniimiika phanrap phanrii chamtraq ake wan kun she. Kiimaq, Lajaras ka pinthum abi chamchao riihum raütli, arilung ka lea wanto. Shatmaq, ümchaü ka apaiq arjaq, chojong chise miishe sitlo. Kiimaq ümniika chamchao walü mong niishe khiimtlaü.

Romans 13:13

Riita, ümchaü sanha rawü maiqse jamkho sitlaq, kiikha athuk atsom miishe shongnga rong i. Ümchaü sanha, hi-awaq ikha kiijoq kiicham, cherop tsampii riinyatshat ka raa mak she. Kiijoq kiicham maiqtsai ngamhai riinyatshat, tatso wawo maq, kiimaq makshu rashe maq siwan ka raa mak she.

1 Timothy 5:6

Shatmaq, juwa ango nang ka manti-nyung ngu raü, ngarai rilung peo lam phan niili sitlaq, kiikhiiti ka atra li siraü min, amaa ikhli.

2 Timothy 3:4

Tsangshiq ka joksaü liiqse miraq. Akhü thot hü ngi lepong we pherai tlaq ikha, maiq raq peng chang riimak miraq. Kiimaq tsangshiq ka tsangkhü tiingaraq maq siwan tili she miraq. Tsangshiq ka han-ngam peo lam ritti li she miraq. Shiikeawe ka rit mak she miraq.

2 Peter 2:13

Tsangshiq raq nanok ka jamkho tiichamchao wantaq, kiikhiisii Shiikeawe raq tsangshiq min Phangthum Khapho Ranaiq mitiichamchao wan. Ranaiq shethungpii na che nyang tsamsea butja haisea nai junshüm riirüm riipo nasia kli tsangshiq miika apeo pinthum. Tsangshiq ngarai han-ngam ramho raq jamlai wa jaü tlaq, kra dunghea wan kli lungwiitlo. Tsangshiq ka namshiq Phungmaiqse rintii dungsea riitam nga tlan kiijiimin lom dam tlo. Tsangshiq raq akha biitsaüki lam maq namshiq rai lom dam tlaq kriika namshiq li tiisheshi dam tlo. Tsangshiq ka akha laopha kiimung raüta siwan kli peosiq tlo.

Jude 1:12

Tsangshiq arka namshiq Phungmaiqse rintii riitam nga tlan na, shakaq sükhatam kong. Maiqmii wok triim phaq miituli sitlo. Tsangshiq arka phumlü da, rahai raq rawang win na pan rai tlaq ikhli sitlo. Tsangshiq arka rajun kham ahü, phumlüda tam ikhli. Tsangshiq ka atsi ahü pechong ikhli. Atsicho niimin tsihü li siwan tlaq ikha. Tsangshiq arka, pechong arang chong maq babaiq jeshe ikha, atsai kaikun she.

Revelation 18:7

Arilung na pilipiilii achhai anyii, chamtraq wok phetaktak tiipongpii wanto. Ümchaü sanha riitsi tsaitsiiq she tiichamchao wan laq. Among jii na tiishomrato, ‘Hokham nyung ka ngi la, manti-nyung ngi riimak la, maaho maajü jümii ngi raq sap mang la.’

1 SAMUEL 25:36

Krai mren, Abigail ka Nabal phaniishe jang wanto. Kra akhing na apaiq ka jam na hokhamwe raq tiipongpii phaqsiq tlaq ikha, peokhiq maq poi klo polosea riito. Apaiq ka chephe makaiq. Kiimaq polokhiq maq awok-hai. Kriikha na tsangnyung raq apaiq ma anap ranap na saüli, jam bom min chongmak dea riito.

1 SAMUEL 25:6

Apaiq raq tsangshiq ma Nabal ma akha chongwa rongkiq nguta tiiwato: “Ikongtiwe lei, Dawit raq ümniima khusang tsütsa tiiho wantlo, apaiq raq ümniima, ümjamtitiim ma khusang maq silaq, kiimaq ümniirii jamlai wa sitlaq kriima achu shiiman jonghea misi laq nguta tiichong wanto.