Matthew 21:12 - ASII LAKDAP Bible (BSI)

Jesuq ka Jerusalem chela mong niishe saü wanto. Raüta Shomjam ruk mong niishe wato. Raüta kiijaq wang mong na maiq hup asam shatibi nai ari athiittibi thun kra wiita jobaiqto. Apaiq raq kampho chak chang chamrii thun nai haütaü shati raq, haütaü thü chang nai tsangshiq ngachang ngacho thun kra wiita, akap atsea tsit baiqto.

Hawa Naga Bible 2001

Yesu kuex Shomc Yuimx nuex nyuip wvnc vtueq, taungshaungc taungrez jix htenc lotlaz kuex yurc gay tueq. Kuimphox tvlap httungx jix hez humpanx htenc nuiyc hituiuc shaungc jix hez ngaungc juing htenc kuip ruiuc gay ruiux,

Muklom

Jesu aa rangnuk him náng ka eq, ethina chamtan takot kang chey ta ning tha latchak ta, etho ngin sangtang tey karatheng etho wotopin sangtey tong ching tha dang bichak ta.

Matthew 21:12 Referencias Cruzadas

DUNGWVNC 30:13

Maiqwea na tlomdamtlaqti maiq loweatek raq mung raq langtlaq tok maq shin raüta apaiq tri kampho ka ke ratlo. Maiq loweatek raq ara apaiq tri ka Ngi ma honglu na ke ratlo.

LEWI 1:14

Kiimaq kriiwe raq chaqtlii-honglu ka wushi la kuq raüla, kriika haütao kaü keraatlo. Riimakla paro kaü riichang.

LEWI 12:6

Riita ümtiikiiwa apaiq khuim tiisii wan akhing kra thumjiiq, ase maiqwese lo jechakse lo chiijai na, apaiq raq ramwe ma Tatiwe asi Tombutiip kilam chong na skuse arawii wiishi she kra chaqtlii- honglu kra mikuq wan. Kiimaq paro kaü riimakla haütaü kaü ashi ka ngarai-honglu miitu mikuq wan.

LEWI 12:8

Kiimaq jechak nyung raq skuse kuq wan lot mak jiika, apaiq raq haütaü kaünai riimakla paro kaünai, kaüshi ka chaqtlii-honglu miitu kiimaq kaüshi kra ngarai-honglu miitu kewan chang. Kiimaq ramwe raq kriinyung khum tiisii wan pii tiishi jaqsham kra miklo kuq wan. Kra raütiq apaiq ka asii she miraq.

LEWI 14:22

Kiimaq apaiq raq haütaü kaü nai kri milam wan. Riimakla paro kaü nai milam. Ashi ka ngarai-honglu miitu. Kiimaq ashi ka chaqtlii-honglu miitu.

LEWI 14:30

Kra raütiishe, apaiq raq haütaü kaü ashi kra riimakla, paro kaüshi kriishe honglu na mikuq.

LEWI 15:14

Ratiichat ranaiq angu niishe apaiq raq haütaü kaünai, riimakla paro kaünai lam wan raüta, Tatiwe asi Tombutiip kilam chong na wachang. Raüta kriithun ka ramwe jaq na kechang.

LEWI 15:29

Kiimaq ratiichat she angu ranaiq na, apaiq raq haütaü kaünai riimakla paro kaünai kra lam wan raüta, ramwe phana Tatiwe asi Tombutiip kilamchong kiina wachang.

LEWI 5:11

Kiimaq maiq weshi ra raq haütaü kaünai riimakla paro kaünai kriimin kuqlot mak she raüla, apaiq raq bunwong win kilogram shi ka ngarai-honglu miitu lam wan chang. Apaiq raq kiijaq olip tai ka thii mai mak. Riimakla homseng min thii maimak. Jamkhano ngukla arka ngarai-honglu. Wong-honglu riimak.

LEWI 5:7

Kiimaq maiq weshi ra raq sku kaü lo kiimaq chhechhi lo kriimin kuqlot mak raüla, apaiq raq apaiq ngarai tham miitu Tatiwe ma haütaü kaünai riimakla paro kaünai ka honglu na kewa ratlo, kaüshi ka ngarai-honglu miitu kiimaq kaüshi ka chaqtlii-honglu miitu kewan ratlo.

Mark 11:11

Jesuq ka Jerusalem niishe saüto. Raüta, Shomjam wang mong na wato. Shatmaq, kiitiikaq ka rashe acha she kha maq, apaiq ka ajaqshisetiim roqshi ri anai rai Bethani hiq na janghoto.

Luke 2:24

Kiimaq, tsangnai raq Tatiwe Thungtri na chongtlaq kra phanphan sii hali, haütaü kaü anai riimak la, paro aresenai anai kriimin lamho raüta, honglu na kekai nguta kito.

John 2:13

Kra bala ka Tiichhii Wan Poi ho nini she riito. Kriikha maq, Jesuq ka Jerusalem na kihoto.