Raütiishe Shiikeawe raq akha aming kuqto, “Ra na walütu thun donglaq. Ranaiq ka rawa wa pong na raibaiq miitu. Kiimaq ümtii'kiiwa ranaiq thun, rawii thun, kiimaq kamasham poi thun klophaho chang akhing kra tiichhike miitu;
Matthew 15:2 - ASII LAKDAP Bible (BSI) “Ümjaqshisetiim raq richü we raq achong kuqthü thungtri ka lang wan mak, jam nguto jin wan tla? Jam nguto tsangshiq jaq ka thungtri na chongtlaq kiikha riikhaqli maq hemak miili tü adung ka phaqsiq tla!” Hawa Naga Bible 2001 “Msangac hez rueq yvmx ngoz tueq lac jix vwaz htungx vlayx phvnx muq rvyaq nguinx? Tsuingshiq rueq vlvmz rvkhauk laz phvnx muq, yauk hoal muq maq phauk saq yaq,” ngoz tueq jungx wuez tueq. Muklom “Ba jiphantey tang aa hiqtang tey aa wa tang aa tatal koshing taphi ri, chamlang ma dan aa? Ning thongaley na bat aa thimal phaksat ma jak khol moq.” |
Raütiishe Shiikeawe raq akha aming kuqto, “Ra na walütu thun donglaq. Ranaiq ka rawa wa pong na raibaiq miitu. Kiimaq ümtii'kiiwa ranaiq thun, rawii thun, kiimaq kamasham poi thun klophaho chang akhing kra tiichhike miitu;
Kiijiishe hokhamwe kilü na ngati aphan amaq thun raq, “Ümniiraq hokham tri ka jam nguto lilam tlaü?” nguta nguto.
Kiijiishe Jesuq raq treto, “Riita namshiq raq kiiha, Shiikeawe aming kra jin lanta, namshiq maiqmii raq athü han thungtri kra jaram wa lang tlan?
Tsangshiq raq Jesuq jaqshisetiim phong wa, wiijamti raq tsangshiq jaq ka thungtri na chongtlaq kra phanphan hehü, jaq ka apii, ashe miili tsangshiq tü adung ka phaqsea kra chhito. Tsangshiq jaq ashe ngutlaq kriika, Phorisinok raq thungtri chongkuq tlaq kra tiiphan phan hemak nguta ngo nangnga ngutlo.
Kra ningkhan, Phorisinok nai Thungtri shrinketibi raq, “Ümjaqshisetiim raq jam nguto, richü we raq akuq thü Thungtri na chongtlaq kra phanphan, tsangshiq jaq ka hehü, ashe miili, lairap ka phaqsiq wan tla?” nguta Jesuq ma waito.
Jesuq raq ajaq ka thungtri riikhaqli maq hewan mak miili, dungsea rea kra chhi raüta, Phorisiwe ka ahang rai riito.
Ngi ka naishiq nok, Jehudinok thungtri maq, Shiikeawe lamphan niika, i ri i rümti thaq na atsin maq lang lata siwan kang. Kiimaq, naitititiim thungtri ka, tsantsii wiita kiinong kuq lata, lang wan kang.
Riita ümchaü ka namshiq maiqmii tsii lamshat maq sirong laq. Mangjong maiqse phaqchi taksma, athii arii min ahü manphan jüche, ashi ra raq chongphanke wan tsütsit kra tai lanta, naq shonbiiho rongkiq. Kra tsangshiq raq phanchan kuq tlaq manphan ka, rawang win na siti abi winji hokhambi, ara ra nai hiq ara jamshati raq rom wan raüta achongkuq bomtsi jo. Kriika Khristo raq achongkuq manphan ka riimak.
Jamkhano ngukla, namshiq raq asap han, namrilung ka namtitiim raq akuq thü thiihü rilung kra daa wan miitu athii kuq wantaq kra asap han. Kriika atiithen baiq chang phan kampho riimakla chaq ikha hupsam ka riimak.