Mark 7:2 - ASII LAKDAP Bible (BSI)

² Tsangshiq raq Jesuq jaqshisetiim phong wa, wiijamti raq tsangshiq jaq ka thungtri na chongtlaq kra phanphan hehü, jaq ka apii, ashe miili tsangshiq tü adung ka phaqsea kra chhito. Tsangshiq jaq ashe ngutlaq kriika, Phorisinok raq thungtri chongkuq tlaq kra tiiphan phan hemak nguta ngo nangnga ngutlo.

Hawa Naga Bible 2001

² Yesu vpiq sangac wvyvmc kuex nawk palx htungx maq sawc muq vshuy vshac ngoz yaq yauk htenc maq tsuinghez rueq dungc saq yaq nuex, nuk miqsaz htenc rueq phvnx yaq Pharise nuk rueq vjungx htungx rulc rv-ngvlc yauk hoal muq ngoc ngoz tueq.

Muklom

² Etho Jesu jiphantey tang aa ning thong aa ley thimal phaksat tok tho jak khol moq angta tha ning aa khita.

Mark 7:2 Referencias Cruzadas

Matthew 15:2

“Ümjaqshisetiim raq richü we raq achong kuqthü thungtri ka lang wan mak, jam nguto jin wan tla? Jam nguto tsangshiq jaq ka thungtri na chongtlaq kiikha riikhaqli maq hemak miili tü adung ka phaqsiq tla!”

Mark 7:5

Kra ningkhan, Phorisinok nai Thungtri shrinketibi raq, “Ümjaqshisetiim raq jam nguto, richü we raq akuq thü Thungtri na chongtlaq kra phanphan, tsangshiq jaq ka hehü, ashe miili, lairap ka phaqsiq wan tla?” nguta Jesuq ma waito.

Luke 11:38

Jesuq raq ajaq ka thungtri riikhaqli maq hewan mak miili, dungsea rea kra chhi raüta, Phorisiwe ka ahang rai riito.

Acts 10:28

Kiijiishe, Petar raq tsangshiq ma akhiishe chongkuq phahoto, “Jehudinok thungtri na Jehudi phan maiqse raq, Pongnok phan maiqse rai jam riidükai maimak kiimaq wa riinyiim min maimak, apii riiqkhiq nguta chongtlo. Arka namshiq tarü raq aheawiq asap han siisaq. Shatmaq, maiqse ngusaq wiika, jumin ashe ashi phan nai tsangshiq rai wa ka adam na nyiim maimak nguta naq tseatsiiqkiq nguta, ngi ma Shiikeawe raq tiichhikuqto.

Acts 11:8

Kiijiishe, ngi raq akha trekang, ‘Tatiwe lei, akhiiwiqwiq kla naq ngukiq! Ngi raq ümchaü niitaq, apii ashan chang phan kra lo, kiimaq ashe ashi phan nguta chongtlaq kriiphan ka, i nü na thü mang shaq. Thung khata ahü,’ nguta trekang.

Romans 14:14

Ngi ka Tati Jesuq rai she pumshi hanshi tiipum lata sitiikang. Kriikha maq, ngi raq ara sap wan tiikang, aphaq asea chang phan sitlaq kriika, apii ashan wan chang ngutiika ahü. Shatmaq, jurwa arphan arka apii chang phan, aphaq asea maimak nguta tiima tlaq jiika, kriiwe miika kra phan ka ashe miraq.

Hebrews 10:29

Ikhiijiika, Shiikeawe Se ka ji maq nishishi raüta saisi tlaq, kriiti ma kiiha? Shiikeawe tongshong khamchong ram chang tiijai kok, apaiq maiqmii ngarai khum ka tiisii he chang tiijai ka, apii ashi min ngu mak, shishe tlaq, kriiti ma kiiha? Tiima rong liita, akhnok maiqse miika, Shiikeawe raq ümtinkhan heng mo tiihoke chang she wa miraq!

Revelation 21:27

Ashe ashi ngarai thun ka ara chela na tiinyap mak she miraq. Kiimaq, jurwa jeasi chang sham tlaq kiimaq jurwa arot akiq chong tlaq, kriiti thun ka ara chela na walot mak she. Ju mang wa Skuse atra rilung lakdap na waiqje asi, kriiti thun kli she ara chela mong na miwa lot.