Matthew 12:20 - ASII LAKDAP Bible (BSI) Apaiq raq wepuq weseti ka tiihai miichhai siakaq mak miraq, Kiimaq jehin noreti ka nanshan mak miraq. Apaiq raq tengteng Shiikeawe tri lam phan na mangjong maiqse kra mishpuq lot shaq wiiwii shiichaq wan ruq miraq. Hawa Naga Bible 2001 Vpiq rueq rul kvtawk kaz tueq gomx jungx tawk gay shuex rvmuq, raungluingx saz luic yaq wvrkok kuex tvmut muq. Vpiq rueq vrungx vraz tvrac rueq nyvmc wvnc laz juing shuimx kaz hunglaungx wvnc tuex. Muklom Akot langphung sha piq aa tuk chak moq angna, Umitko koq nalpang sha piq aa thamit moq angna. Etharin piq aa asing raaq sha thajin na. |
Ümniika Ejip mungti raq ümniika mikhrumkuq nguta kamrai tlaü kata. Shatmaq kriika tingjangkii ka nyeathi ma tiija ikhli miraq. Kriika angoq khoti mirki. Raüta asiiq raq ümjaq phi kra khoti mitram haü. Ejip mung hokhamwe ma kamti ka ara chongtiikai akhli michaphaq.”
Apaiq raq tsantsi mongtsiti thun ka, tiiheakuq wantlo, kiimaq tsangkhum wa ami atsi thun ka phum raüta job kuqto.
Ihonglu ka tsannin woknin honglu, O Shiikeawe lei, ümniiraq tsan nin woknin tsantsii nai mra tiidii wanti ka shishe maü,
Apaiq raq askukong ka sku riimti raq rümtlaq ikha miriim wan; apaiq raq sku ransetiim ka adam na mitriichum wan, raüta tsangshiq ka ajaq na mido wan; apaiq raq akaütiim ka chaosusu maq mishea wan.
“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.
“Rum na miikitaq thun skusetiim ka arit mirkiha. Lata jam na misheawan nongha. Ami atsi tiibuktaq thun kra tsiq maq aphum mirkuqha. Lata ami ba ka khea maq ajop mirkuqha. Kiimaq atsi asiti thun ka atiihea mirkuqha. Shatmaq piitatati thun kra kiimaq ahong alati thun ka atsea mirbaiqha. Jamkhano ngukla Ngi ka riikhaqli tri maq skusekong rümtiwe.
“Namshiq homa lai raq patrai lanta hunnii rai tlanti thun tarü, ana i phana warong ra. Ngi raq namshiq niitsi kra mitiitsak kuq kang.
Johan jaqshisetiim ka atiido wan awa wan she kiijaq, Jesuq raq kiijaq mungmaiqse phong thungrai tlaq kriima, Johan shomrasea wan bomtsi ka akha shomra bomto: “Namshiq raq Johan traho bomchong taikai nguta kumtsaiphii binjü na kilan akhing na, apaiq ka jamkhii we michhiki rong i ngutiiwa tiima lan? Tingjang dong ka rahai raq baiqrat tlaq ikha, tiibai miinge sha chhiki lan? Riimak.
“Tatiwe Wenyi ka i khum na asi. Ara jamkhano chongtiikang ngukla, apaiq raq ngi ka, miitsan miijan maiqse ma, tsütsa ahea chongke miitu shongto. Apaiq raq ngi ka kharü mong na siti ma, kharü diike tsütsa chongke kai tiikito. Di ama ikha chamchao maiqse sitlaq, kriiti ka dokda kai tiikito.
Shatmaq, Shiikeawe miili kechutum rong i! Jamkhano ngukla, Shiikeawe raq nashiq ara, Jesuq Khristo rai rekhat tang laita, rejang wa akong ada maq, arü ariiq wadam tiikai. Shiikeawe raq naishiq ara, Jesuq Khristo tsütsa ka barap se na phanchanke wan miitu lang wan tlo. Riita, arka ahomwiq phan, homseng raq barap binrii na nyamtlaq ikha, tiinyam kuqtlo.
Riita, ümchaü ka namshiq riimin apaiq mra ka diikuq rong liishe. Kiimaq bomhea maq, apaiq tsaiji ka dokuq ronglaq. Lanta, Phungtu na hali tiijang shea wan nong ronglaq. Kra riiman jiika, apaiq tsiim tiina mijüki.
Kra tai lata ngi raq liikang. Kiimaq, kiijaq kumrang kaü lüdiidii kaü ashi chhikang. Kriithaq na chaotiwe jaq niika, liq ashi sham raü chhikang. Kiimaq apaiq ma khuphok ashi tiiphok kuqto chhikang. Raüta, apaiq ka kumrang thaq na chao raüta srea jong we rekhat tangkai ikha mangjong hiq na rekhat kai kihoto chhikang.