Mark 9:47 - ASII LAKDAP Bible (BSI) Kiimaq, ümmak po raq, ümkam tsantsii ka tiichhan baiq kiiphaü la, alat li riibaiq laq! Maknai wiita maq, wamungtan na dea wan nam miika, makko miili jiimin, ramungtan na atra siwan ka ahea. Hawa Naga Bible 2001 Mmuik rueq mnoz kvmluimx lvmx tvyaq kuq ruiux yuq, vluc rvgay shuiuz! Muik vnueyc rac maq ngarvyx mungx nuex tvdvy gay rvhumc ngoc mvnx, muik kox maq Tishox Mungtan nuex nyuip wvnc ruiux kuex vhvlx pinhtumc rvtueq. Muklom Etho bamiik ashey eq nang ma ngarey jaksom lot tasom lo phu ta ang ajo, eshi miik shi lat eq baychak u! Miik ashey ahung ang eq Shkewa Mungtan náng wang sha, miik ani hol eq walmungtan náng wang ajo ba rangma aqhal. |
Kiimaq jechak nyung raq pechong ka kai tsomhea chhito kiimaq atsi ka asea ma kai aheawiq miraq nguta liito. Kiimaq apaiq raq phaqchi maiqse ma jawan ka kai pinthum ahea miraq ngutaq atsan mong na shiweato. Krai mren apaiq raq petsi wiijam ka pan raüta siqto. Raüta petsi wiijam ka tsangwe miishe kuqto. Kiimaq apaiq riimin she siqto.
Khanhü hupsam thun na itsantsii tiitsi mang chang miitu ngi ara tiiwongkuqlaq; ngi ma tsantsii ahea thülaq, kiqkham kuqlaü kra phanphan.
Kiimaq üm makpo raq üm kamtsantsii kra tiijam kiiphaü la, alatli riibaiq laq! Maknai wiita maq wamungtan na dea wan nam ma khoti, makko ma li jiimin pattup pat-sa rilung lap wan raüta siwan riiwe ka ahea miraq.”
Shatmaq, ümchaü ngi raq namshiq ma chongpha: Jurwa phunaino ma khiq riq tlaq, kriiti ka rung na mitiichap. Kiimaq jurwa phunaino ma, ‘Ümnaq ara thiihü pinthum!’ nguta sontlaq, kriiti ka Rung na mitiichap. Kiimaq jurwa phunaino ma, ‘Ümnaq ara ralang bangbang li’ nguta sontlaq, kriiti ka wamungtan na dea wan nam nam she ikha miraq.
Riita, ara chongtiikai arai mren, ümjaq jaqko raq ümkam tsantsii kra tiichhan baiq kiiphaü la, atap khoti riibaiq laq! Jaqnai wiita maq, wamungtan na pattup pat-sa matki mak phan wa na khiim wan nam miika, jaqko miili jiimin, ramungtan na atra siwan riiwe ka ahea.
Kiijaq, ‘tsangshiq phaqti ajong phong ka ümtiikiimin tsaimak phan, kiimaq tsangshiq khiimtlaq wa kiimin ümtiikiimin mat mak phan.’
“Juwa i jaqshi ma jawan ro tlaq, kriiti raq ngi ka anyung nai awe, achak nai asetiim, aphu nai anotiim, ashea nyungtiim, kiimaq apaiq khum thaq niimin, ngi ka apa lungwii mak jiila, apaiq ka i jaqshise ma jawanlot mak.
Kiijiishe, Jesuq raq treto, “Ngi raq chongtiikang arka tengteng: Maiqse raq rawü thong nai chhi mak wiiwii, jurmin Shiikeawe Mungtan ka chhiwan lot mak.”
Kiijiishe, Jesuq raq treto, “Ngi raq chongtiikang arka tengteng: Kham nai Asii Wenyi maq rawü chhihü wiiwii miika, jumin Shiikeawe Mungtan na nyap wa lot mak.
Kiitiikaq, namshiq ka pinthum khoqriiq shishiiq riilan ihata! Riita, ümchaü ka, namshiq ma jamlai she wa raki tiita? Kiitiikaq, namshiq ka, ngi ma namshiq makpo dongdii min, pankuq wan lili chang khan, ngi lungwii lan ihata.