Matthew 5:22 - ASII LAKDAP Bible (BSI)

²² Shatmaq, ümchaü ngi raq namshiq ma chongpha: Jurwa phunaino ma khiq riq tlaq, kriiti ka rung na mitiichap. Kiimaq jurwa phunaino ma, ‘Ümnaq ara thiihü pinthum!’ nguta sontlaq, kriiti ka Rung na mitiichap. Kiimaq jurwa phunaino ma, ‘Ümnaq ara ralang bangbang li’ nguta sontlaq, kriiti ka wamungtan na dea wan nam nam she ikha miraq.

Hawa Naga Bible 2001

²² Yuq muinz majuiuc ngaz rueq jungx kuq ix, miqmac phuz vnox waz muex thuinkhvy jix waz ukhaq yuq muinz vphoc rvhumc tuex, miqmac phuz vnox waz muex “Mnoz yvmx vjux muinz vguez!” ngoc jix waz kuex Suingdaungx muingdaungx rvtuimx yaq maq htvp htaz aungx yaq, kvmaq miqmac phuz vnox waz muex ngoc “Vngauk vngaz” ngoc jix ukhaq yuq muinz ngarvyx wvr mungx nuex juiuz gay rvhumc tuex.

Muklom

²² Etharin nga nim ma bat phang, utang eq tho upho ni no ma kha ajo, piq aa khaphung kapna. Utang eq tho upho ni no ma ‘miqthom’ ta raaq ajo, rong miq jakho náng sol katna. Utang eq upho ni no ma manthun raaq ko ajo, piq sha wal mungtan náng thum chak na.

Matthew 5:22 Referencias Cruzadas

RAPHA HIQWA LAK 37:4

Aphutiim raq awe raq Joseph ka tsangshiq nam ma achan mangchantlo nguta chhito. Kra ningkhan tsangshiq raq tsangno ka pinthum ngenghoto. Raüta tsangshiq ka apaiq rai samhea min bomdam mak she riito.

RAPHA HIQWA LAK 37:8

Kiijiishe, “Riita ümniika hokham ma ja laüta naishiq thun ara mipengha ngutiisha tiima tlaü?” nguta aphutiim raq apaiq ma waito. Kra ningkhan tsangshiq raq apaiq rawa ma chhitaq kra miitu nai apaiq raq tsangshiq khuthaq na jamlai bom wa chonglaq kra miitu achan ana she hali ngengho nongto.

2 SAMUEL 16:7

Shimei raq Dawit ka akhiishe sonhoto, “Tiibin laq! Tiibin laq! Matwe! Showe!

2 SAMUEL 6:20

Kra jaqsham lot jai she Dawit ka ajam na achak asetiim ma ramtii-bokke wan she wato. Apaiq saü wan kiita Maikel ka tapmong maq kinphai na apaiq rai riihumkai dongkito. Raüta, “Israilnok hokhamwe raq ümchaü ranaiq apaiq mang ka jonghea tiidongto!” nguta kriinyung raq nguto. “Apaiq ka khuhü kheahü maq angok angiwe ikha, asengi jaqshisekong jechakse re man na wiinum neasiqto!”

1 HOKHVMX 21:4

Ahab ka ajam na munjuk mijuk wawanto. Kiimaq apaiq ka Naboth raq apaiq bom tlea kiita akhiq ariq she riito. Apaiq ka achang dü na bum wato, khechong nü na nyi raü. Kiimaq tü atsam min phaqsiq mak she riito.

2 KAÜWA WERAÜ 16:10

Ara ngukiita Asa ka pinthun shammiwe ma khiqto. Kiimaq apaiq ka thong na tiithii baiqto. Kiimaq kra akhing niisii she Asa raq maiq wiijamti ka jimaq nishi shi she tiicham chao wanto.

2 KAÜWA WERAÜ 19:5

Apaiq raq Juda mung na chela thun kiitelong maq rukje thun ka pengti phowebi shongto.

NEHEMIA 5:8

Latiishe, welabi ma, “Naishiq welabi raq Jehudinok phunai notiim, tsangshiq thüm alit tsi ma, maiq ümchu riiwa maiqmii khum ka pongmung maiqsetiim jaqkhon na, di ma tiisha wantaq, kriiti ka, naishiq raq atangtang dokda wan kai. Ümchaü namshiq riishea, maiqmii Jehudinok phan riilantiitiq, namphu namnotiim, Jehudinok kra namdisetiim ma tiija lanta rüm wan tlan!” nguta tsangshiq ka son kang. Kiimaq tsangshiq phukhu welabi ka poshi min bommak kaiqshak li riito.

Tvtsvmc 109:3

Kiimaq tsangshiq raq ikhuthaq na abi ati bomtlo, raüta khühü lamhü na ngi ka longliiq wanto.

Tvtsvmc 14:1

Maiqjiq kong riika maiqmii nai maiqmii tiingotlo, “Shiikeawe ka ahü.” Tsangshiq tsantsii ka anamkai kun she, kiimaq tsangshiq raq abi pinthum klo wanto; riikhaqli athuk atsom jaqshamti ka jumin ahü.

Tvtsvmc 25:3

Ümniima kamtibi ka re raq tang mak, shatmaq jurwa maiqmii wela shongho tlaqti ma saütlo.

Tvtsvmc 35:19

Ijaqtinok ma, arot kong ma, ngi ka tang raüjaq nguta doqdit raütlaqti ma ngi ka naq tiitangkiq. Kha ahü na ngi ngengti ma ngi kaidi kra chhi raüta biiraito she nguta naq tiinaisiqkiq

Tvtsvmc 37:8

Tsankhiq wokkhiq miika naq tiitangkiq; kra riika mintsa khoti mitiipa.

Tvtsvmc 49:10

Ra na tiiweshat ka chiithe maiqse thun min tsaitlo, kiimaq maiqjiq kiimaq angi kong min tsaitlo. Tsangshiq tarü raq tsang tsiiq tum ka asaü asetiim ma baiqthütlo.

Tvtsvmc 69:4

Ngi ka khahü na ngengtibi ka ikhubin thaq niimin pahea wealot mang. Ijaqtinok raq ikhu thaq na arot bom pahea chongtlo; tsangshiq ka ahong alakong kiimaq ngi tseabaiq tantlo. Ngi raq hukmang kiimin huklaü nguta tsangshiq raq ngi ma tiithamtlo.

Tvtsvmc 92:6

Arka angok angiti raq saplot mak; maiqjiqwe raq taklot mak;

TAKSU LAK 14:16

Taksu maiqse ka honkamshat maq sitlo, shatmaq maiqjiq ngamphiqti ka, taülaükhiq mophiim phiim shamkitlo.

TAKSU LAK 18:6

Maiqjiqti bom chhechhi daiq rok, araikhü na sintsang hak-hot.

JEREMIA 17:11

Jurwa maiq laolii raüta chiithe ma jatlaq; kriiti ka wushi kaü ashi raq apaiq raq atai riimak, atai phong wokuq raüta asetiim thütlaq ikha. Arilung ka shethungpii niili atsiiq tum ka misumphaq, atiisup na apaiq ka angiwe miili she mija.

AJONJÜ 3:52

“Ngi ka re raq, wushi chiiq na atiimin ikha, tiiminto. Ngi ka khahü na, ngeng wanto.

DANIEL 3:13

Kra tairaüta, hokhamwe tsankhiq ka wak chaq walüwa ikhiishe phok wanto. Kiimaq apaiq raq tsangtsam ka apaiq phana tiiheakai miitu aming kuqto.

DANIEL 3:19

Kiijiishe Nebukadnejar tsankhiq ka, amok riidungli phokto. Kiimaq Shadrakh, Meshakh, kiimaq Abednego ma atsankhiqtsi ma atheaphi ka ashiila anyaq liishe riito. Krai mren, asengi ma watum ka rahinjaq chaq tlaq kriithaq na lakmiishi achan aheng tiike chaq ronglaq nguta aming kuqto.

Obadia 1:10

“Jamkhano ngukla ümniiraq, Jakob saüse thun ka khat laüta, jiipbaiq laü. Ümniika mitiijiipbaiq, raüta pattup miitu jea mingaü haü.

Obadia 1:12

Namshiq raq süram rai man chang wa, Ümphunonok Juda mungti thenjen wantaq kra chhi lanta, chochi wan man chang chochi wan lan, namshiq khoqriiq man chang chochi dam lan, Tsangshiq then wan chhilanta, namshiq ka naisiq man chang wa,

Matthew 10:17

Honkamshat rong laq. Namshiq ka maiq raq shumraü kharü maq mikha. Raüta rung na mitiichap wan. Kiimaq tsangshiq raq namshiq ka sinagok thun maq sintsang maq mitsat.

Matthew 10:28

Maiqse riika han-ngam khum kli mitsat lot; shatmaq wenyi ka tsatlot mak she. Tsangshiq miika naqhai rongkiq. Shatmaq han-ngam nai asak tsitsü kra wamungtan na tiikai lotti we Shiikeawe miili haisong tsantsii ka rüm lanta siwan lili ronglaq.

Matthew 12:24

Shatmaq, Jesuq raq abi winji raq akaq atsi we kra tiihea kuqto nguta tairaüta, Phorisinok riika, “Apaiq raq ara tsak amii tha jobaiq wantlaq arka Tha Lüwa We Beljebul ningkun maq jobaiqtlo,” nguta treto.

Matthew 17:5

Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Matthew 18:21

Kiijiishe Petar raq Jesuq ma waito, “Tatiwe, riita i phuno we raq ngi ma ashut klo ruqruq raü jiika, ngi raq apaiq mra ka ümchu jang na saüli diike chang wa miraq? Jang miishi niitaq sha?”

Matthew 18:35

Kra chongkuq raütiishe, Jesuq raq bom ka akhiishe shatto, “Ngi raq chongpha. Namshiq tarü loweatek raq, namphuno we mra ka namtsan mong maq diikuq man wiiwii, ara chong tiikang akhiisii hali, i We ramungtan na siti we riimin, namshiq kha ka mipho.”

Matthew 23:15

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq maiq weshi ka namshiq Jehudi nok kamasham lamphan phung kiina tiishang wan miitu sammoktra jü jin lanta, kiimaq maiqmung pahea kiina khum lanta, trahoke khum tlan. Krai mren, maiq weshi kra tiishang han jiila, namshiq raq apaiq ka namshiq jamkhiiwa siwan tlan kiikha tiinamtok chongkuq lanta, mannai rii chamchao homa kra howan raüta wamungtan na kaiho miitu tiijethü tlan!”

Matthew 23:33

Namshiq ka paüsang nyiqla setiim kiimaq paüsang nyiqla phan! Wamungtan na tiidea wan tlaq kra wiika jamkhii mitiichhii rong i nguto tiima tlan?

Matthew 25:41

“Kra chongkuq lot raütiishe, apaiq raq apaiq ma jaqpha nü na ngati mungmaiqse kra miishe akha nguta mison, ‘Namshiq ka Shiikeawe manson hotibi ara ngi tho arwa tiibin tlo ronglaq! Khiim wan tlo ronglaq Thawe nai apaiq rasetiim miitu atiihong pattup pat-sa thumki mak phan wamungtan mong kiijaq!

Matthew 26:59

Ramwe jongbi nai Jehudinok Rung wa ajong alabi raq Jesuq ka tsea baiq miitu, Jesuq ma arot akiq kha nyanti arot hakhi kewanti maiq ritto.

Matthew 3:17

Kiijiishe ramungtan wa bomtsi ashi akha saüto, “Arka i Se. Ngi raq apaiq ka kai lungwii tiikang. Ngi ka apaiq ma pinthum khoqriiq tiikang.”

Matthew 5:34

Shatmaq ümchaü ngi raq namshiq ma chong pha: Shiikeawe mang chong laüta min kongphiq naq kha kiq. Ramungtan mang chong laütiimin kiq naq khamkiq. Arka Shiikeawe ngachang ngacho.

Matthew 5:44

Shatmaq ümchaü ngi raq namshiq ma chongpha: Namjaqti thun ka lungwii ronglaq. Kiimaq namshiq tiichamchaoti ma achu jaükuq ronglaq.

Mark 14:55

Ramwe jongbi nai Jehudinok Rungjong Phowebi raq, Jesuq ka atsea baiq ma nguta, apaiq shutphit kha raü kra ritto. Shatmaq, tsangshiq raq apaiq dii na jamkha min hum mak riito.

Mark 15:1

Ranap chu miili ramwe jongbi ka taülaükhiq maq welabi nai Thungtri shrinketibi, kiimaq Jehudinok Rung Jong phowebi thun kunli rai, ngongthun ngato. Raüta, tsangshiq raq kha ka tiihong phoje she thüto. Raütiishe, tsangshiq raq Jesuq ka jinraü kharü maq kha raüta, Pilat rung niishe hithoto. Raüta, Pilat jaq niishe kiinong kuq baiqto.

Luke 12:5

Namshiq ka ju ma hai chang wa kriika ngi chongpha, taironglaq. Namshiq ka Shiikeawe miili hai chang. Shiikeawe riika, han-ngam khum kra tsea baiq lot jai min, wenyi rilung kra wamungtan na michaq baiq. Ara i bomchong arma kam ronglaq. Namshiq ka Shiikeawe miili hai chang!

Luke 22:66

Rawü wan kiitiishe, ngongwebi phong wa welabi, ramwe jongbi, kiimaq Thungtri shrinketibi thun kriika ngongthun nga wanto. Raüta, Jesuq ka tsangshiq Rung na tiichapto.

John 11:47

Krai mren, Phorisinok nai ramwe jongbi ka welabi rai ngongthun raüta bom ka akhiishe riiwaito, “Riita, ümchaü nashiq raq ara jamkhii riichang wa? Liimanta, apaiq raq atinkhan she awang chang jaqsham tlaq ara!

John 15:25

Riita, ara chongtiikai tsangshiq raq ngi ngeng tlaq arka, ümsiimiiwa tsangshiq Thungtri lakdap na chongthü je she dongdii riito. Kra, bomtsi tiithai mai thütaq kra tiiku wan miitu she tsangshiq raq ngi ka ngeng tlo. Tsangshiq Thungtri lakdap na, ‘Tsangshiq raq ngi ka kha ahü na ngengsiqto,’ nguta waiqto.”

John 7:20

Kra tai raütiishe, “Ümnaq ara aru kha na! Ümtsia tan khan wanti ka juwa?” nguta nokmaiqse raq Jesuq bom ka treto.

John 8:48

Kiijiishe, Jehudinok raq Jesuq ma waito, “Naishiq raq ümniika Samaria phan, kiimaq ümkhum na abi winji asi ngutiikai arka tengto dea ahata?”

Acts 17:18

Kiimahali, Epikuria phung sengibi raq nai Stoik phung sengi shrabi rai min Paul ka manphan bom chong maq riikhettot wanto. Kiimaq tsangshiq phong wa maiq wiijamti riika, “Riita ara barop we arka, jamlai saptsin tiikang nguto tiitsangpii tsantsu rai tla nya?” nguta apaiq ma naikü sherü li riito. Nanok ahinti raq hali ka, “Arwe raq ara pongmungti phra manphan chongphan kuq tlaq ngo chang chang nya?” nguta riibomto. Tsangshiq raq akha riibomtaq arka, Paul raq Jesuq manphan kra nai maiq ka amaa wa dong wan lam bomtsi khuthaq na traho kuq wantlaq kra tai raüta riibomto.

Acts 22:30

Phentujong we raq Jehudinok raq Paul ma jamlai phan khü akha wa nyan tlaq kra riikhaqli tiishang rii ro riito. Kriikha miishe, apaiq raq anap ranaiq miishe, Paul khachang jinraü kharü thun kra atiidii she riibaiqto. Raüta, Jehudinok Rungjong kra nga wan miitu ramwe jongbi thun ma ngongthun ronglaq nguta aming kuqto. Raüta apaiq raq Paul ka Rung na tiichapto.

Acts 23:1

Krai mren, Paul riimin Rung na ngati welabi pha nü na tiqtiq lii raüta, apaiq khum tiikhe wan bom ka akha bompha hoto, “I phan i maq Jehudinok singmung maiqse lei! Shiikeawe maklii na i rilung arka ümchaü ranaiq niitaq saüli i tsan i tsii khangriri maq siwan tiikang.”

Acts 24:20

Kiimaq riimak la, ümchaü arwetiim ngi shoktibi raq, tsangshiq maiqmii raq michong wan liina. Ngi ka Jehudinok Rung Jong na tiichap wantaq ranaiq na, tsangshiq raq i dü na jamlai phan mrong mra wa humta.

Acts 4:15

Kriikha miishe, mung welabi raq tsangtsam kriika, Rungkhok mong wa, kinphai na heashi tiiki baiqto. Raütiishe, tsangshiq mungwelabi liipan niishe, bom ka akha riiwaisoto,

Acts 5:21

Krai mren, kiimwebi raq rase aming kra taito. Raüta, ranap na Shomjam na kiraüta, mungmaiqse ma trahokuqto. Ramwe Ajong Pinthum we nai akongtibi raq Jehudinok Rung welabi thun ka ngongthun rong i nguta Rung na tiiheato. Raütiishe, tsangshiq raq kiimwebi ka Rung na tiichap miitu, phaqtek mong wa sheaki rongkiq nguta peta siihiipbi ma aming kuqto.

Acts 5:27

Petanok raq kiimwebi ka Rung khok na shea wanto. Raüta, Ngong welabi man niishe tiichapto. Kiijiishe, Ramwe Ajong Pinthum we raq kiimwebi ma,

Acts 6:12

Tsangshiq raq akha lule klo raüta, mungmaiqse, welabi kiimaq Thungtri shrabi thun kra tiishai baiqto. Raüta, tsangshiq raq Stephen ka lap raüta, Rung na hit wanto.

Acts 6:15

Kra tai raüta, kiijaq Rung na ngongthun wantibi maiq ümchuwa sitaq kra raq, Stephen theaphi na tiqtiq liito. Kiimaq, tsangshiq raq apaiq theaohi ka rase theaphi ikha chhito.

Acts 7:37

Kiimahali, Israilnok ma, ‘Shiikeawe raq ngi ka namshiq phana jamkho tiikitaq kiikha, apaiq raq namshiq phana, shammi weshi hali mitiiki nong. Kiimaq apaiq ka namshiqnok phan wa mishong,’ nguta tsii chongke wantiwe ka Mosheq riito.

Romans 12:10

Phungmaiqse ka jamkhii riilungwii raüta siwan chang wa, kiikha riilungwii lanta shongnga ronglaq. Kiimaq ashi raq ashi ka shreng lanta si ronglaq.

1 Corinthians 6:10

jurwa ahuk arot ma ja tlaq lo, juwa shakaq ma ja tlaq lo, juwa cherop ma jatlaq lo, jurwa maiq chongsiq tlaq lo, jurwa alao riitlaq ara chongtiikai akhnok maiqse ka Shiikeawe sengi ma jalot mak.

1 Corinthians 6:6

Kra riiman maq khoti, namshiq Phungmaiqse nai Phungmaiqse liipan na kha dong tlaq kra miitu, namshiq ka thatsang maiqse rung na kilanta kha riiphokai riishuk shaqki tlan nya!

TRI CHONGKE 15:11

Israilnok phong wa miitsan maiqse ka siruq miraq. Kiimaq athüm alitti ka siruq miraq. Kra ningkhan Ngi raq ümniima tsangshiq ka jaqchii jichii maq khrum kuqlaq nguta aming kuq tiikang.

TRI CHONGKE 16:18

Mosheq raq Israilnok ma mung ka riikhaqli peng ra nguta chongto, “Tatiwe namshiq Shiikeawe raq namshiq ma mung kuqtlaq kiijaq chelatek na tuwebi nai siihiipbi ka mung peng wan miitu shong ronglaq. Ara welabi thun raq mungmaiqse ka tingting kappe maq shin raüta peng wan ratlo.

1 Thessalonians 4:6

Riita, ara chongtiikai ata awii liipan na shongnga lam phan na, jurmin phungmaiqse phunaino ma, ashut klo raa mak. Kiimaq kongti nansea raa mak. Ara bomtsi ara khuthaq na, naishiq raq namshiq ma kongkhuji niimin, namshiq ma tsii chongkuq kai she. Kiimaq ümchaü min, asiq areng maq chongkuq nong tiikai. Ümriiti riiwa, ara tri jinjiiq, Tatiwe raq kriiti ma mo mitiiho.

Titus 3:2

Tsangshiq ma tsii ka chongkuq wanruq riilaq. Tsangshiq raq nanok mungmaiqse jumiimin abi bomke ka raa mak. Shatmaq, nanok tarü rai ari aram, kiimaq sobsob bombom maq si ronglaq.

Hebrews 12:25

Ümchaü sanha, phaq tiitsii ni tiitsii lantiishe, tai ronglaq. Shiikeawe bom chong ka, naq tlea rongkiq she. Shiikeawe tsütsa achong kuq, tai mak, shishetibi, ara mangjong hiq na siti maiqse ka, tiihang mak maq tsat wanto. Riita, ikhiijiika, ümchaü nashiq raq, ramungtan maq ki raüta, tsiichong keti we bom kra, tlea hai jiika jamkhii riita jiimin, hangki lot mai she miraq!

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

James 2:20

Ai, angi we loi! Kamtsantsii ka jaqsham maq tiichhikuq wan mak raü ka, shaqmii nguta chongtlaq kra ümniiraq sapmaü sha?

James 3:6

Ara chongtiikai akhiisii, maiqse nü na atili sitlaq kiimin, wanii tu ikha. Maiqse khum na tili sitlaq arka, abi hokham weshi raq, mung langtlaq ikha. Ara abi hokham tili arka nashiq khum na sitlo. Raüta, nashiq khum ara wiipumtam na, abi kiimung maq mia raüta tiinyam wan tlo. Ara na tili armaq abi bomtsi bom laita, wamungtan wa wapü pan tlaq kra niq wan tlo. Raüta, nashiq rilung lam ara wiita wa maq tiikhiim chaq baiqtlo.

1 Peter 2:23

Shatmaq, maiq raq apaiq ka kai shummiito. Li jiimin apaiq raq tsangshiq ka shummii mak. Tsangshiq raq apaiq ka kai tiichamchaoto. Shatmaq apaiq raq tsangshiq ma atham mirkuq ha nguta tiiphiipjiip mak. Shatmaq apaiq raq arilung ka Tingting Phowe, Shiikeawe jaq na wiita apkuq raüta, anin li riito.

1 Peter 3:9

Bombi ka bombi maq naq songkuq rongkiq. Kiimaq manson ka manson maq naq songkuq rongkiq. Kra rii na manson ka achu shiiman ramram maq songkuq ronglaq. Jamkhano ngukla, Shiikeawe raq namshiq hea wantaq akhing na, namshiq ma achu shiimanke miitu hea wanto.

1 John 2:9

Jurwa anü miika rawü na siti nguta tiingo tlaq, shatmaq phunaino Phungmaiqse ka ngeng tlaq, kriiti ka ümchaü niitaq ranyaq mong niili sitlo.

1 John 3:10

Ara chongtiikai arhata, Shiikeawe setiim nai Thawe setiim liipan na atrai chang trai longshong kaü ikha tiishong shat sitlaq ara. Jurwa athuk atsom jaqsham chang kra sham mak riitlaq, lo aphu ano ka lungwii mak sitlaq, kriiti ka Shiikeawe se ka riimak.

1 John 5:16

Namshiq raq namphuno we ka ngarai tangrea michhihan. Kiitiina kra ngarai ka apaiq tsaili chang wiqwiq kla riimak miraq. Kra chhihan jiila, Shiikeawe jaq wa apaiq miitu achu jaükuq ronglaq. Kra riihan jiila, Shiikeawe raq apaiq mra ka adii mirkuq. Ara achu jaükuq ronglaq nguta chongtiikang arka, ju ngarai wa tsangshiq miisaq thumli chang ka riimak, kriiti miituli chongtiikang. Shatmaq jurwa apaiq miisaq thumli chang ngarai she tang tlaq, kriiti miitu ka namshiq raq Shiikeawe jaq wa achu jaüke ka raa mak she.

Jude 1:9

Riita, ara tsangshiq phephiiq wan tlaq akhiika, Rase jong Maikel raq san tla, atinkhan ka bom mak riito. Mosheq maa ka ju raq lapshe chang wa nguta, Thawe rai riitsotaq akhing niimin, apaiq raq Thawe ma ason ka son mak dea riito. Shatmaq, apaiq raq Thawe miika, “Tatiwe riitiq ümniika mison kiiphaü!” ngutli bomkuqto.

Revelation 20:14

Kra raütiishe atsai arkiti nai wulum mungti thun ka, walü tum mong kiiniishe tiidea baiqto. (Ara chongtiikai walü tum lo, wamungtan arka thongnai tsai ngutlaq kriishe.)