Luke 8:11 - ASII LAKDAP Bible (BSI) “Riita, manphan liichum ka ara: Tsamlai ka Shiikeawe bomtsi. Hawa Naga Bible 2001 “Bomc tv-ngvlc vlvmz kuex vkhoc rvtueq: vlix kuex Tishox bomc poz ngoc rvtueq. Muklom “Iri raaqshiton raa irimal: uli sha Shkewa raaq. |
Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”
“Ikhla tairong laq. Lanta, ara tsamlai wanti manphan shiiton maq chongkuq wantaq bomtsi liichum ara tak wan ronglaq.
Maiq ümriiti riiwa Ramungtan ka saükito nguta tsütsa ahea bomtsi chongkuq tlaq kra tai tlaq, shatmaq tak mak maq sitlaq, kriiti ka tsamlai lamjong mong na arok kiikha nguta chongtlo. Abi Thawe wa raüta, bomtsi ka tsangshiq tsan mong wa tsunhit lishe tsunsiq tlo.
Kra phanke jai she, Jesuq raq tsangshiq ma akha waito, “Namshiq raq ara bom shiiton liichum arka tak man dea sha? Ikhiijiila, ahin bom shiiton liichum ka jamkho mitak han?
Tsamlai lamjong na arokti ka ara; Kriika maiq ümriiti riiwa Shiikeawe bomtsi ka tai tlo; shatmaq tsangshiq raq Shiikeawe ma kam raüta tiichhii wan jiiq nguta, Thawe raq Shiikeawe bomtsi achongkuq kra, tsangshiq tsan mong wa akhot riibaiq tlo. Raüta tsangshiq ka Shiikeawe bomtsi ma tiikam mak, tangta baiq tlo. Raüta tsangshiq ka tiichhii wan lot mak she riitlo.
Arkha maq, namshiq tarü raq, maiqmii tsan mong na abi, ashe ashi tiima tsantsii sitlaq kra, kiimaq abi ati rong arai sitlaq thun kra, wiita tsuqsaiqsaiq riilanta, arang chong maq ba lanta, phai baiq ronglaq. Lanta, Shiikeawe wokhong na, phaqchii nichii maq nyap wan lanta, si ronglaq. Lanta Shiikeawe raq, apaiq asii bomtsi lai namshiq mongjii na chhi jang wan tlaq kra, lang lanta si ronglaq. Kra bomtsi raq, namshiq rilung ka tiichhii wan raüta tiichhan chhi wan tlo.