Matthew 13:19 - ASII LAKDAP Bible (BSI)

¹⁹ Maiq ümriiti riiwa Ramungtan ka saükito nguta tsütsa ahea bomtsi chongkuq tlaq kra tai tlaq, shatmaq tak mak maq sitlaq, kriiti ka tsamlai lamjong mong na arok kiikha nguta chongtlo. Abi Thawe wa raüta, bomtsi ka tsangshiq tsan mong wa tsunhit lishe tsunsiq tlo.

Hawa Naga Bible 2001

¹⁹ Lvmx nuex vdvy vlix kuex raungx Mungtan lvmx bomjungc tay wvnc ruiux muinz, tuiuz tay muq jix rulc rv-ngvlc yaq. Honc vbac waz httuiuc kaz vtueq tsuingshiq nuex vwuinc vlix kuex lvmz gay tueq.

Muklom

¹⁹ Lam na qhat aa uli sha iri miq mal, bara rangmungtan raaq tat aa, etha otho sam moq. Thangwa thu eq ning tin mong na chamli kheyta tha, som chuwan na.

Matthew 13:19 Referencias Cruzadas

TAKSU LAK 1:7

Tatiwe ma haisong tsantsii thüwan kata, anyan phaqchi tsin wan kilamchong. Angi nolakong raq taksu bomtsi ka ashipoq riitlo, hon atsii chhiwan lungwii mak riitlo.

TAKSU LAK 17:16

Maiqjiqti raq phaqchi tsin miitu, laktlang kai kampho wanbaiq ka atuli. Jamkhano ngukla atsii sintla ahü.

EJEKIEL 31:18

“Kra chong ka Ejip mung hokhamwe kiimaq asenginok wiita tlotli. Eden sonruk wa pero thun min archong akha diiluhea kiimaq tsomhea ka riimak. Shatmaq ümchaü sanha, Eden sonruk wa pero ikha, wulum mung niishe mikiho. Raüta ra sapmakti kiimaq re na tsaitaqti kong rai she mipong wan. Arka, Ngi raq ngutiikang,” nguta Tati Rakaü Hiqwe raq toqtantlo.

Matthew 12:26

Kiimaq, kiikhiisii hali Thawe hokhambi liipan niimin, nokshi raq nokshi rai wesang ralii jaraüta riilong liiq tlaq jiika, Thawe mungtan ka thenkito she ngushat!

Matthew 13:20

Tsamlai longpen kaü raikhü na roktaq kriika, maiq ümriiti riiwa Shiikeawe bomtsi ka tai raüta chojong chise maq lang tlaq kriiti ka ngutlo.

Matthew 13:38

Wak ngutlaq kriika mangjong hiq ara nangnga ngutlo. Tsam lai ahea kriika Shiikeawe sengi maiqse sitlaq kra. Sang ngutlaq kriika Thawe rii maiqse mangjong hiq na sitlaq kra chongtlo.

Matthew 4:23

Kra raütiishe, Jesuq ka Gelili wang hamli na barap se na wato. Raüta, sinagok thun maq shrinkuqto. Kiimaq Shiikeawe raq mangjong maiqse kunli asengi ma tiija wan akhing ka saüto she nguta Tsütsa Ahea kra tra hokuq wanto. Kiimaq maiq atsi asiti phanrap phanrii thuptsi thatsi raq chamchao rai tlaq thun kra wiita tiihea chhintsii kuqto.

Matthew 5:37

Arkha maq, namshiq raq jamlai wa misham han kriika, ‘Üm misham ha,’ ngulaq, kiimaq sham maü chang jiika, ‘Naq sham mang,’ ngutli bom lili ronglaq. Kriiwa chan raütiishe bom tlan kriika, Abi Thawe nübok wa dong tlo ngushat.”

Mark 4:15

Maiq wiijam ka tsamlai lamjong na arok kiikha, tsangshiq raq Shiikeawe bomtsi ka tairili, Thawe ka waraüta, tsangshiq tsan mong wa, Shiikeawe bomtsi kra tsunsiq tlo.

Luke 10:9

Lanta, kra chela na maiq atsi asiti sitlaq kra tiihea kuq ronglaq. Lanta tsangshiq ma, ‘Shiikeawe Mungtan ka namshiq thoniishe,’ nguta chongkuq ronglaq.

Luke 9:2

Raütiishe, apaiq raq tsangshiq ka, Shiikeawe Mungtan bom tra hokekai thaüto. Kiimaq atsi asititi thun kra tiiheake kai miitu tiikito.

John 18:38

Kiijiishe, “Riita, ikhiijiika, tengteng bomtsi ka jamlai wa?” ngutiishe hali Pilat raq Jesuq ma wai nongto. Kra ngu raütiishe, Pilat ka rintsii na hali kiho nongto. Raüta, mungmaiqse thungrai tlaq kriima hali bom ka akha chongkuqki nongto, “Ngi raq arwe dü na, apaiq tiishut chang kha jam min ahü chhi mang.

John 8:43

Riita, ngi raq namshiq ma bom chongkuq tiikang arka jamkhii riito namshiq ni na wamak? Arka namshiq raq i bom chong ara tai wan roman riitlan kra kha maq, namtsan mong na wamak.

Acts 17:32

Riita Paul raq maiq ka amaa wa dong wan bomtsi chongke kra tsangshiq raq tai raüta sanha, tsangshiq phong wa maiq wiijamti riika, Paul ka anaiküli she riito. Shatmaq, maiq wiijamti riika, “Naishiq ma ara bomtsi arka jangshi ri tiq chongkuq nonglaq,” ngutli treto.

Acts 18:15

Shatmaq, ara chongtlan mra asi nguta ngutlan arka, namshiq nai namshiq liipan na, amang araa ngutlaq, kiimaq namshiq maiqmii thung alai wa bomtsi kra shun lanta, riikhii lea tlan kra bomtsi. Akhnok kha arka ngi raq phokuq mang. Kriika namshiq nai namshiq liipan riipho tsiimho ronglaq!” ngutiishe tsangshiq bom ka treto.

Acts 20:25

“Ngi raq khumshkhum maq, namshiq wiitarü ma, Shiikeawe Mungtan tsütsa kra chong kuq kang she. Riita ümchaü sanha, namshiq phong wa jurmin, i sham ka chhi nong man she mirhan nguta ngi raq asapha.

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

Romans 1:28

Tsangshiq raq, riikhaqli Shiikeawe tiima tsantsii ka, tsangshiq tsan na thü mak maq, shishe tlaq kriikha niishe, apaiq raq tsangshiq ka ashe ashi tsantsii walü tlaq kra miili she likuq baiqto. Kra likuq baiqtaq kriika, tsangshiq raq sham mak chang phan thun wiita misham laq, nguta ngo maq likuq baiqto.

Romans 14:17

Shiikeawe sengi ma jawan rilung ngutlaq kriika, phaqsea khamnyang tiitsak khok wan khuthaq na seng raüta siwan rilung ka riimak. Shatmaq, ating arai, khusang rakhang, kiimaq chojong chise maq siwan rilung, kra chong tlo. Riita, arthun arka maiqse rilung na, Asii Wenyi riitiq, tiitsi ngo wan phan.

Romans 2:8

Shatmaq, maiq wiijamti riika, tatso niq wan kli, kiimaq tsangshiq raq tingting lamphan kra baiq thü raüta, ajiq lam kli phantlo. Tsangshiq thaq na Shiikeawe raq, atsankhiq walü wa miishe mishe chaq wan. Raüta mitiikhiim chaq baiq.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

2 Thessalonians 2:12

Ara lamjiq phan wan kha niishe, tsangshiq ngarai peo lam na siwan tlaq kra. Tengteng bomtsi ma kam makti ümchuwa sitlaq kra, Shiikeawe raq tsangshiq ka ashut dea nguta kha mipho kuq wan.

Hebrews 2:1

Ara chongtiikai arkha maq, nashiq raq tai kai tengman tlaq bomtsi ka, tsan na tiitsang shat maq rüm laita lang rong i. Akha si riihai jiika, nashiq rilung na jamlai phan rathaiq rahai saü raü min, nashiq ka tiimeshi lot mak miraq.

1 John 3:12

Nashiq ka Kain ikha siwan ka raa mak she. Apaiq ka aphaji miiphü Abi we kra ngam napti we dongdii. Kriikha miitiina, apaiq raq achhüthiq ano shaq, Abel ka tsat baiqtaq. Kain raq ano ka jamkhano tsat ta? Kain raq ano Abel tsattaq kriika, apaiq jaqsham ka ashut, ano jaqsham ka tingting. Kriikha maq, apaiq makshu tsi ninlot mak kha maq, ano ka tsat baiqto.

1 John 5:18

Nashiq raq asap i, Shiikeawe Se riika ngarai tang wan ruq ka tang mak she. Jamkhano ngukla, Shiikeawe Se raq apaiq ka khupkhe shat maq rüm tlo. Kiimaq Abi Thawe raq apaiq ka shiithen baiq lot mak she.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.