Luke 7:46 - ASII LAKDAP Bible (BSI) Ümniiraq i khu na nyat miitu olip tai min kuqmaü dea. Shatmaq, arnyung riika, i hokphi na ahom phan tai maq jutkuqto. Hawa Naga Bible 2001 Mnoz rueq ngvy khux nuex vhomc tix maq shvy kuq muq doc, vruex nyuiuz vraq kuex ngvy yaz nuex vhomc tix maq nyvt kuq phuex. Muklom Nang aa ikho na naman jik kopha mu angtaphu etharin piq rey ija o atim angam chi jik ko taphang. |
Kiijiishe Dawit ka wiithung kiiwa tiidoto. Raüta ajü heto. Kiimaq akhu ka thaito. Raüta akhu akhea ka klaito. Raütiishe apaiq ka shomjam na waraütiishe Tatiwe ka shomnoq wato. Raüta apaiq ka ahokham jam na kito. Raüta tü adung she jaüto. Kiimaq phaq sea kra keri li she apaiq raq phaqsiqto.
Kra ningkhan, Joab raq jechak nyung ashi pinthum khonglaq, Tekoa hiq na siti nyung kra tiiheakai tiikito. Kriinyung ka saüwa kiitiishe, apaiq raq akha chongkuqto, “Ümniika maaho majü shiri rai tlaq nyung ikha jashalaq. Ümkhu ümkhea ka maaho manyi miirii khea kra samlaq. Ümkhu kiimin naqthaikiq. Ümniika rahiq luhea she maaho manyi shiri raitlaq nyung ikha tiihonjalaq.
raüta atsan shiipeo ma spiqtai klotlo, kiimaq oliptsi tai ka apaiq tiikhoqriiq ma klotlo, kiimaq aningkun shoqke ma winsii kuqtlo.
Ümniiraq ngi miitu phaqsea poi jonghea tiihonglaü, kiiwa ijaqtinok tlotli raq ngi ka michhi; ümniiraq ngi ka akiwe ikha taolaü kiimaq ikok na asho awo thiikuqlaü.
Ngi raq asum atsu phaq nai sea ka inü na thii mang. Kiimaq ngam min phaq mang, che min nyang mang. Kiimaq liipan tsam kra mithum shaq wiiwii, ikhu kiimin thai mang maq sikang.
Che piikhaü toshat maq riingea tlan. Lanta ahom pinthum homseng chü maq, tiinyat lanta siwan tlan. Shatmaq Israil mung then wan tlaq kra, miitu tsanbi hosi jammin ahü sitlan!
Ümniiraq tsam ka mijang haü, shatmaq jutsiq lumaü mirhaü. Ümniiraq olip tsi tai mitiikit haü, shatmaq phaqsiq lumaü mirhaü. Ümniiraq spiqtsi tai misohaü, shatmaq nyanglu maü mirhaü.
Ümtiikiiwa ümniiraq amang maq achu jaü tlaü, kra akhing na khuthai thea mai laüta achu ka jaü lili riilaq.
Riita, ümchaü ngi raq ümniima bom poshi chongpha, tailaq. Apaiq raq ngi ma lungwii tsii ka tsaühea maq tiichhi kuqto riimak sha. Arka, apaiq ngarai ka jonghea sitaq li jiimin, diikuqto she dea nguta, tiichhike hakhi ashi she. Shatmaq, ümriiti ngarai wa atsapse li diikuqtaq, kriiti riika lungwii tsii min, atsapseli rümtlo.”
Riita ümchaü min, ümniika ümtum ümjü ka helaq. Laüta ümkhum ka homseng maq tiijut laq. Kiimaq ümkhea ka ahea pinthumti kra tsea laüta sam laq. Laüta apaiq wak na tsambuk chang ba kiina kilaq. Shatmaq apaiq ka tsambuk lot jai phaqsea khsmnyang awok phetaktak miphaqsiq shaq wiiwii, ümsham ka apaiq ma naq tiichhikiq.