Luke 21:10 - ASII LAKDAP Bible (BSI) Jesuq raq akha chongkuqto, “Maiq mung thun sitlaq kra liipan na, re ka midong wan dongdii. Hokham nai hokham liipan na, re riikhat matdong tsadong wan kriika misi dongdii. Hawa Naga Bible 2001 Kvmaq vpiq rueq jungx tueq kuex, “Miq phvnx phvnshiz maq phvnshiz, mungshiz maq mungshiz rvkhvt wvnc tuex. Muklom Piq aa batchey ro hun eq ta, “Phan ajat jaktungna takhat jan na etho mung ni mung jaktung o takhat jan na. |
Tatiwe raq ngutlo, “Ngi raq Ejip mungti liipan na re mitiidongha. Lata mung ka mibrak baiqha. Siphu sino liipan na atriingeng mirha. Hiqshongti liipan niimin tatso mitiidongha. Chela ashiti raq chela ashiti rai arkhat miraq. Kiimaq hokhambi liipan na hokham riinyea ta mitriitsoha, raüta mirkhat.
Kra akhing na Tatiwe raq tsangshiq ka mok raüta mi tiituru baiq. Kiimaq ahai miraq. Raüta tsangshiq nai tsangshiq liipan niishe riikhat raüta mirtsat.
Mangjong hiq na siti maiq mung thun kra liipan na arkhat mirwan. Hokhambi nai hokhambi liipan na, weshi raq weshi ka mikhat. Mungkang tlotli na, hiqjong mimu. Kiimaq maiq mung barap se na song aram pahea she midong. Arthun mra pin tlaq arka, nowüchhi tsi phaho ikha miraq.”
Kiimahali, barap binrii na, phiiptsi jiiptsi hiqjong mimu. Kiimaq, barap binrii na, song aram ka midong. Kiimaq barap binrii na tha ka midong. Kiimaq, maiq wang chang nai phiiptsi chang pahea, rawang win na saükai michhi han.
Namshiq raq chiq are dong nai hokham riinya redong tsütsa ka tai han jiila, naqhai song rongkiq. Akha mung aman brak shaq wan, mra thun arka kongkhu na pin wan chang dongdii. Shatmaq, kra chhi lanta, phangthum wan miika ajeli she dea sham nguta tiima wan chang ka riimak.”
Tsangshiq kongti weshi, amang ka Agabas nguta kriiwe ka Asii Wenyi raq ama riito. Apaiq ka chap hiiq raüta, mangjong tlotli na ram jonghea midong lii nguta, Antiok na siti phungmaiqsetiim ma riisham bom maq tiithai chongkuqto. (Kra ramdong ka Klaudias raq munglang Roman Hokham jataq bala dongto.)
Riita, arjaq bomtsi “lakshi ri hali,” nguta bomkham thütaq arka, ara ra nai hiq na ümchuwa atiiq arwan diim tlaq, phanrap ka lakshi ri hali mibrak baiq nong nguta chong tlo. Kiimaq asiiq mirbaiq nong nguta tsangriri hea maq chong nong tlo. Kra jai miishe tiq, jamlai phan wa atiimeshi chang riimak phan sitlaq, kriishe jai na mitiichong.