Luke 19:12 - ASII LAKDAP Bible (BSI) Kriikha maq, apaiq raq tsangshiq ma akha phankuqto, “Akhing ashi na, welawe ashi asi riito. Apaiq ka luhea na maiq mung ashi kiijaq, hokham jaqsham jaükai kihoto. Apaiq ka hokham ma shongjai she, maiqmii mung na hali jang wan nong chang riito. Hawa Naga Bible 2001 Kvkhoc rvtueq vpiq rueq, “Lauk shiz muingc jungc vhttax miq washiz httax tueq, piq kuex lvmx luz mungtan vshiz nuex hokhvmx yaungc kay kaz dvnc tueq, kvruex yimaq piq yuimx nuex yek waungc tvkoc tvyoalc tueq. Muklom Req piq aa batta, “Ashey ajongwa angta bara alo haq náng lungwang angma kata etho him náng wey wel ma tathinta. |
Shatmaq akheng shamseati nok raq, ase saüwa kriishe chhi raüta, tsangshiq liipan na bom ka akhiishe riichongto, ‘Ara wakchongti we se she saü wato. Warong ra, apaiq arshe tsatbaiq rong i. Notsam apaiq arshe tsatbaiq hai jiika, awe tachong hupsam ka nashiq rii she miraq!’
Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.
Kiitiikaq Jesuq raq tsangshiq ma manphan shiiton maq chongkuqto: “Man na maiq weshi raq spiqtsi ro chhito. Raüta, kra spiqtsi ro ka trotam maq rukto. Kiimaq spiqtsi tsai tiikitchang longtham min ashi wat raüta tiihong thüto. Kiimaq wak khechang riirin min ashi hai thüto. Raüta spiqtsi ro ka maiq akheng na shamseati ma tiishiipto. Raüta apaiq ka maiqmung ahin na wanhiq khum kai kihoto.
Tati Jesuq ka tsangshiq rai riibom lot jai she, apaiq ka Shiikeawe raq ramungtan niishe shea wanto. Raüta, Shiikeawe ma jaqtsi nü niishe ngato.
Kiijiishe, Jesuq raq nokwe ma ara manphan shiiton arshe chongkuqto. “Akhing ashi na maiq weshi raq spiqtsi ro ashi chhito. Kra spiqtsi ro ka akheng na shamseati ma tiishiip kuqto. Raüta, apaiq ka wanhiq na luhea sikai she kihoto.
Apaiq raq tsangshiq ma ramram kerea lam miili she, apaiq ka ramungtan niishe shea wan nongto.
Kiijiishe, “O, ikhiijiika, ümniika hokham we dea kata nya?” nguta Pilat raq Jesuq ma bom ka wai nongto. Kiijiishe, Jesuq raq treto, “Ümniiraq ngi ka hokham we nguta ngutlaü kata. Ngi ka ara mangjong hiq na pokikang arka, ara tengteng bomtsi ara chong kekai miitu kikang. Jurwa tengteng bomtsi kra lang tlaq, kriiti riika, i bomchong arka phaqchii nichii maq taitlo.”
Ara jamkhano chongtla ngukla, apaiq raq mangjong maiqse kunli kha ka tingting maq phoke wan miitu akhing ranaiqshi ka atiihongthü wishe. Kriika, maiq weshi apaiq raq tsea raüta shongtaq, kriiwe lümaq mipho kuq. Riita, ara chongtlaq arka tengteng dea nguta, maiqse angu tarü ma hakhi tiichhike miitu, apaiq raq kriiwe ka amaa wa tiidong wanto!”
Khristo raq Hokham kam ka lang chang dang dongdii. Awe raq Khristo jaqti rewe ümchuwa sitlaq kriika wiita khat lot raütiishe, Khristo apaiq jichong na miphong kuq wan. Kiimaq Khristo raq ajaqti thun ka ahok maq nishishi she mini wan.
Arkha maq tiina, Khristo raq maiqse ngarai kra tiisiike miitu, klang maq lakshi wa niili panthit akhum ka Shiikeawe ma honglu na kuq raüta tsaitaq. Apaiq ka jai na lakshi hali misaüki nong. Kra saüki tlaq kriika, ngarai homa hokai miitu ka riimak she. Shatmaq, apaiq saükai kheti, maiqse ümchuwa sitlaq kra tiichhiike kai miituli she miki nong.
Apaiq ka ramungtan niishe wawanto. Raüta Shiikeawe ma jaqtsi nü niishe nga tlo. Kiijaq nga raüta, apaiq raq rasetiim thun tlotli khuthaq na, kiimaq ramungtan na siti arang hotibi thun khuthaq na, kiimaq ningkun hoti pahea sitlaq kra thaq na, arang ajong jonghea ho raütiishe mung rüm nga tlo.
Liirong laq, apaiq ka phum rai saühotlo she! Wiitarü raq apaiq kai rai ka michhi. Apaiq ka piq maq shukti riimin michhi. Apaiq saükai chhiwi raüta, mangjong maiqse wiita aho anyi miraq. Amen.