Revelation 1:7 - ASII LAKDAP Bible (BSI)

⁷ Liirong laq, apaiq ka phum rai saühotlo she! Wiitarü raq apaiq kai rai ka michhi. Apaiq ka piq maq shukti riimin michhi. Apaiq saükai chhiwi raüta, mangjong maiqse wiita aho anyi miraq. Amen.

Hawa Naga Bible 2001

⁷ Lawc shuinz, vpiq kuex phuemx htauk nuex ngaungc vtueq httuiuc kaz yaq! Vpiq kuex paq maq shuy jix htenc rueq nuiyc miq lotlaz rueq vpiq khiz wvnc lvp shuex. Ghaq htauk wawc miqphvnx lotlaz muinz vpiq ningkhvnc nuex thuinbac yonzyex wuez tuex. Kvrulc rv-ngvlc m-yaungx wvnc kueq!

Muklom

⁷ Siin inn, piq phun tang jamoq kapha; thaji miik eq piq sha khina, utang eq piq tasam ta, ning aa tho piq tha ukhi eq na, etho mingkang thaji miqtang ma piq tungkang o tin tashit na. Irimal hun cham ang aa! Amen.

Revelation 1:7 Referencias Cruzadas

YOBA 33:26

ümtiikiiwa apaiq raq achu jaü jiiq, Shiikeawe raq apaiq ma mitrekuq; apaiq raq Shiikeawe ka chochi khiq maq mishomnoq; Shiikeawe raq apaiq miitu phanrap ka riikhaqli mitiihong kuq nong.

Tvtsvmc 22:16

Abi kiimungti kong ka ngi tro na; hikong raq akaq ma tam wantlaq ikha ngi tam wanto, tsangshiq raq ijaq wiinai kiimaq ihok wiinai ka chaiphaq wanto.

Tvtsvmc 68:1

Shiikeawe chaptlo raüta ajaqtinok tiipin jobaiqtlo. Apaiq ngengti wiita rekhat tangmak raüta pinto.

Tvtsvmc 97:2

Phumthup nai ranyaq raq atro maq pangtlo; apaiq raq mung ka kechu maq nai tingting kappe maq shin raüta pengtlo.

ISAIA 19:1

Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

DANIEL 7:13

Kra rawa ma riishammak maq chhitiikang liipan niili, Ngi raq maiqse ikha, apaiq ka phumda mong na, ngi phana akai rai chhikang, raüta apaiq ka pattup pat-sa sitiwe phana wato, kiimaq apaiq ka kriiwe phana shea wanto.

NAHUM 1:3

Tatiwe ka mokhiq khiqmak phan, shatmaq apaiq ka ningkun jonghea rümti, Krai mren ashut aphit we ka, apaiq raq ümtiikii min tiijoq mak phan. Tatiwe ümbano khum tlaq, kiijaq rathaiq saü tlo. Ra na phum pong wan tlaq kra, apaiq jini chong wa, botkhulai akhuk!

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

JEKERIA 12:11

Kra akhing na, Jerusalem na ashi ari ajon ajü watrang ka Megiddo hiq thung tan na Hadadrimmon hiq na maaho majü hoqtrang taq ikha miraq.

WEAWEA 24:17

Ngi raq rawiichii akhing chhitiikang, Kiimaq Israilnok mung kra chhitiikang. Hokham weshi, raiqsaiq ikha chhai hea, Kra mung na midong. Komet raiqsaiq po ikha apaiq ka Israil mung wa midong. Apaiq raq Mob mungti welabi thun mibuk. Kiimaq Seth mungti tlotli mitiiq baiq.

Matthew 16:27

Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Matthew 16:28

Ngi raq namshiq ma chongtiikang arka tengteng. Ümchaü namshiq sitlan phong arwa maiq wiijamti raq Maiq Se ka mangjong maiqse kunli langkai Hokham jakai akai rai chhi mak wiiwii tsai mak miraq.”

Matthew 24:30

Kiijiishetiq Maiq Se saükai akhing ka saüto she dea nguta rawang win na phanrap ka mitiiji shi. Kiimaq kra tiiji shi tlaq kriishe mangjong maiqse wiita raq michhi. Kiimaq mangjong maiqse kunli raq rawang win na Maiq Se ka phumda mong na Shiikeawe ningkun ajong kra ho raüta kiimaq achhai anyii khushü liliim kra horaüta apaiq saüho kra michhi. Kra chhi raüta, mangjong maiqse kra maaho manyi she mihoqsii trang.

Matthew 25:31

“Ümra akhing niiwa Maiq Se ka Hokham ma jaraüta rasetiim rai she saüho tlaq, raüta apaiq ka ahokham ngachang ngacho kiijaq minga,

Matthew 26:64

Kiijiishe Jesuq raq, “Ümniiraq ümnü maq ngu tlaü kata. Shatmaq ngi raq chongtiikang arka tengteng: Ümchaü armiiphat she namshiq raq Maiq Se ka Ningkun Ajong Pinthumwe ma jaqtsi nü na nga raü michhi han. Kiimaq apaiq ka phumkhu thaq nga raüta mangjong hiq na satkai akai rai she michhi han!”

Mark 13:26

Kra akhing na Maiq Se ka ningkun ajong ho raüta kiimaq apaiq khushü jonghea kra ho raüta ali aliim wahea liishe phum thaq na akai rai she michhi han.

Mark 14:62

Kiijiishe Jesuq raq, “Üm,” nguta apaiq bom ka treto. Raüta apaiq raq, “Riita ümchaü sanha namshiq wiitarü raq Maiq Se ka, Ajong Shiikeawe ma jaqtsi nü na nga raü she michhi han. Kiimaq apaiq ka phum thaq na nga raüta, mangjong hiq na akairai she michhi han!”

Luke 21:27

Kra ra nai hiq thun kra brak shaq wan jai shetiq, Maiq Se kriika phum mong na, apaiq ningkun ajong pinthum kra ho raüta nai achhai anyii khushü ngao jonghea kra ho raütiishe misaüho.

John 19:34

Shatmiitiina, phenlanok phong wa kongti weshi raq, apiq maq Jesuq siimpii na shukto. Kra shuk ri li she, piq mi kriimaq tiijai nai kham ka ajia lili she dongto.

John 19:37

Kiimahali, Asii Lakdap bashi niimin, “Tsangshiq raq piq maq asiimpii na shuk tiiwe sham kli tsangshiq raq milii nong kata,” nguta chong tlo.

1 Thessalonians 1:10

Kiimahali, Ase ramungtan maq kitlaq We saükai khe ka, maklii khamthii maq khe lanta sitlan. Ase ka Jesuq Khristo, Shiikeawe Apaiq raq amaa wa atiijang wan we. Kiimaq apaiq ka nashiq ara, Shiikeawe tsankhiq manson walü saüho tlaq mong wa Chhii wanti we.

1 Thessalonians 4:17

Kra jai niishetiq, kra akhing na nashiq ümchuwa atra sitiikaiti thun kra, tsangshiq rai adam maq, phum rai mishea wan dam. Raüta, Tatiwe rai rawang win na mirhum rong i. Kiimaq nashiq ka Tatiwe rai pattup patsa she misi wan dam rong i.

Hebrews 10:29

Ikhiijiika, Shiikeawe Se ka ji maq nishishi raüta saisi tlaq, kriiti ma kiiha? Shiikeawe tongshong khamchong ram chang tiijai kok, apaiq maiqmii ngarai khum ka tiisii he chang tiijai ka, apii ashi min ngu mak, shishe tlaq, kriiti ma kiiha? Tiima rong liita, akhnok maiqse miika, Shiikeawe raq ümtinkhan heng mo tiihoke chang she wa miraq!

Hebrews 6:6

Kiitinkhan ningkun rilung sum kra tei jai shetiq sha, tsangshiq raq Shiikeawe ma kamwan lam kra miimbaiq thü tla! Akhiiti raq, tsangshiq mra ka thongshi hali ka tiidii wan lot mak she miraq. Jamkhano ngukla, tsangshiq raq Shiikeawe Se ka pumsongkham na thongshi ri hali, tübaiq nongtlo. Raüta tsangshiq ngarai lümaq, Jesuq ma nokwe man na jea tiingaü nong tlo.

1 John 3:2

Lungwii phunainotiim le, nashiq ka ümchaü Shiikeawe setiim she. Shatmaq ümchaü jamkho sitiikai, arthaq na jai miika ümtinkhan chhai nyii rilung she wa milap rong i riila, kriika ümchaü nashiq raq tak lot mai shaqli. Shatmaq nashiq raq bomtsi poshi ka asap i. Khristo ka ümtiiko saüho jiiq, kra akhing na nashiq min apaiq la apaiq she miklai rong i. Ara jamkhano akha ngutiikai ngukla, nashiq raq apaiq ka, apaiq riikhaqli jamkho sitlaq kiikhiishe michhi rong i.

Jude 1:14

Tsangshiq miitu ka Enokh, Atam pat maq pha raüta pattrok wa shammi we raq tiitthai thü je she. Apaiq raq, “Tatiwe ka ahing amun, apaiq rasetiim rai misaüho.

Revelation 22:20

Jurwa arthun bomtsi thaq na, hakhi kuq tlaq, kriiwe raq ngutlo, “Tengto! Ngi ka jaqloli misaüho ha!” Amen. Kira, Tati Jesuq lei!

Revelation 22:4

Tsangshiq raq apaiq sham ka michhi. Kiimaq apaiq mang ka tsangshiq khakam na miwaiq.

PHOWEBI 5:31

Riita ümjaqtinok thun ka, kiikha siisaq mitsai laq, O Tatiwe lei, shatmaq ümkhi ümlubi thun ka, rashekaü dong wan tlaq ikha, ali aliim michhai wan laq! Kiimaq mung na wiiroqblai mung atsing maq sito.