JOSHUA 22:33 - ASII LAKDAP Bible (BSI) Kra tai raüta Israilnok ka mitsi mitsaq she riito, kiimaq tsangshiq raq Shiikeawe ka tiitsamto. Tsangshiq raq arkhat kai chang, raüta kra Reuben phan nai Gad phan hiqshong ka shiithen baiq kai bom ka riichong mak she riito. Hawa Naga Bible 2001 Israel miqsaz htenc kuex thuinhvlx wuez vtueq Tishox muex tvtsvmc kvmc wuez tueq. Ruben nuiyc Gad miqsaz htenc httax yaq mungx kuex khvt tvbac gay tvkoc mkaq muinz jungx muq shex. |
Raütiishe Dawit raq mungmaiqse ma, “Namshiq Tatiwe Shiikeawe ka tiitsam ronglaq!” nguta aming kuqto. Kiimaq ngongthun tlaq mungmaiqse kunli raq tsangtitiim Tatiwe, Shiikeawe ka tiitsamto. Kiimaq tsangshiq ka hiq na bumtlii raüta Tatiwe shrengto kiimaq hokhamwe min shrengto.
Maiqmung luhea maq, tsütsa ahea tai ka, khamnyang tsihea bala, khamsangkok atsüm kuq ikha, tsan na washasha hea.
Krai mren, kra rawali kra amao chang bomtsi ka riisham mak maq, Daniel ma tiichhikuqto. Krai mren, apaiq raq ratsan ramong nyang na siti Shiikeawe ka akha tiitsam kamto:
Krai mren, Barnabas nai Paul raq tsangnai lümaq, Shiikeawe raq Pongnok phan maiqse ma ümtinkhan wa awang chang nai amao chang jaqsham kuqtaq, kra tsütsa ka tiitai phanchan chongkuq wan kiita, ngongthunti kiimwebi nai phukhu welabi thun tarü raq bom ka sanglili maq tiitsang taito.
Tsangshiq raq kra lak ka phatto. Krai mren, kiijaq tsaido jido bomchong tsütsa waiq wantaq kra tai raüta, tsangshiq ka kai khoqriiq shishiiq she riito.
Naishiq chochi ka, apaiq saü wan raüta lamlamli ka riimak. Shatmaq namshiq raq apaiq ka pinthum shiikumpan lan nguta, kra tsütsa ka tai laita chochisiq kai. Apaiq raq naishiq ma, namshiq raq ngi rai riihum haijaq nguta, pinthum tsan na atsi ma thenge tlan nguta tsütsa ka chongto. Kiimaq namshiq raq, I tsan tiibi kai sham, nashiq ka jiqkai dea nguta tsii chhi wan lan she nguta chongto. Riita namshiq raq tsii chhi wan lanta, ngi rai reraüshi miishe chap tlan nguta chongto. Riita ara chong tiikang, namshiq raq tsii chhi lan she nguta kra tsütsa ka tai lata, man na chochi wankang kra nam ma, ümchaü chochi si ka achong lot mang miishe sitiikang.
Riita, ümchaü sanha, nashiq wiitarü raq, Shiikeawe, Tati Jesuq Khristo ma Awejong Shiikeawe ma, kechu tum rong i! Ara jamkhano chongtiikang ngukla, nashiq ka Jesuq Khristo rai pumshi hanshi she tiipum wan kai krai mren, Shiikeawe apaiq raq, nashiq ma ramungtan na ümchuwa achu shiiman sitlaq kra, wiita kuqto she.
Ramwe Phinehas nai apaiq rai akidam mung welabi weroqshi kriiraq, shenyap mung na siti aweraü khuthaq wa welabi raq, Reuben phan, Gad phan, kiimaq Shedong nü na siti Manase phan shiilangbi raq tsangshiq ma bom tru chongkuqtaq kra tai raütiishe, tsangshiq ka mit si mitsaq, tsansang she riito.
Kra raütiishe, Phinehas nai apaiq rai akidam welabi ka, Reuben phan nai Gad phan ka Gilead wang na baiqthü raüta, Kanan mung na, Israilnok phaniishe jang wanto. Raüta tsangshiq ma tsütsa ka chongkuq wanto.