JOSHUA 22:33 - Hawa Naga Bible 2001

³³ Israel miqsaz htenc kuex thuinhvlx wuez vtueq Tishox muex tvtsvmc kvmc wuez tueq. Ruben nuiyc Gad miqsaz htenc httax yaq mungx kuex khvt tvbac gay tvkoc mkaq muinz jungx muq shex.

ASII LAKDAP Bible (BSI)

³³ Kra tai raüta Israilnok ka mitsi mitsaq she riito, kiimaq tsangshiq raq Shiikeawe ka tiitsamto. Tsangshiq raq arkhat kai chang, raüta kra Reuben phan nai Gad phan hiqshong ka shiithen baiq kai bom ka riichong mak she riito.

JOSHUA 22:33 Referencias Cruzadas

1 KAÜWA WERAÜ 29:20

Kvruex yimaq Dawid rueq miq htenc muex, “Yehowa nuimshiq Tishox muex tvtsvmc wuez shuinz!” ngoz tueq nvr tueq. Kvkaq rvtuimx jex yaq wvtaungx rueq Yehowa tsuingshiq jix vwaz tamx Tishox muex tvtsvmc wuez vtueq, Yehowa muex muinz, hokhvmx waz muex muinz tsuingshiq bumx vtueq tvtsanc nganc kuq tueq.

TAKSU LAK 25:25

Lvmx luz mungx wawc tay shix kokez juing thuix thaungx lvp shix kuex, khvmx sac hvlc nuex yuix kuiyq kokshiz nuingx shix ikhoc rvtueq.

DANIEL 2:19

Kvruex raungyac dvyx vhttuiyq vpuiuc vruez maung kuex Daniel muex romzyac maq tvkhic kuq tueq, piq rueq raungmungx Tishox tvtsvmc kvmc tueq.

Luke 2:28

Simeon rueq vyauk maq nox kuex tenz pvmx vtueq Tishox muex vyungx ngoz kuq ruiux;

Acts 15:12

Barnaba nuiyc Polu kuex miqmac htauk maq Pungnuk miqsaz htenc nuex Tishox rueq shuimx wvnc tueq vwangc juing htenc nuiyc romzyac htenc kuex jungphvnx kuq yaq nuex, rvtuimx ngaungc yaq jix miq lotlaz kuex suinglix lix hvlc maq tay wuez tueq.

Acts 15:31

Luik kvruex wvllawc koq tueq tsuingshiq muex hungc vlaungc kuy bomjungc ningkhvnc nuex tsuingshiq nuex kokez juing mvrc wuez tueq.

2 Corinthians 7:7

Titu httuiuc kay ningkhvnc nuex dvyx muinz rvmuq, Titu muex nuimshiq rueq honc jungx kuq tuit lvmx kuex tay ningkhvnc nuex muinz nuiyshiq rueq thuinz hvlc juing lvmx lvp wvnc wuez tiq. Piq rueq jungc nuimshiq kuex ngaz rulc pinhtumc rvhumc roc yaq lvmz, nuimshiq tharc humc wvnc tuit lvmz, nuimshiq rueq ngvy tvwungx kuy roc lvmz kuex piq rueq jungc kuy ningkhvnc nuex ngaz pinhtumc kokez thuinhvlx vtaungx.

Ephesians 1:3

Naungshiq Taungjix Yesu Christu Waz Tishox muex kejux vyungx ngoz kuq ix! Yvmx khoc lac ngoz ruiux lec naungshiq kuex Christu rulc vshiz dvyx yaungc ningkhvnc nuex vpiq rueq raungmungx htauk wawc siyac nuex seng yaq ruimrix kejux phvnx ruip kuex kuq phuex.

JOSHUA 22:30

Shomc waz Phineha nuiyc shalx nyuip kox wawc miqphvnx vtaungx htenc wawc yuimx taungx walaungx yaungx yaq kung kuex shunshvlc jix miq waz rokshiz rueq Ruben, Gad nuiyc Shaldungc Manase phvnx hez rueq jungphvnx kuq yaq kuex tay vtueq tsuinghez thuinhvlx wuez tueq.

JOSHUA 22:32

Kvruex yimaq Phineha nuiyc vshunc vshvlc jix hez kuex Gilead mungx nuex httax yaq Ruben nuiyc Gad miqsaz htenc kox maq Kanaan mungx nuex yek waung wvnc vtueq, Israel miqsaz muex tvtay jungphvnx kuq wvnc tueq.