DUNGWVNC 8:32 - ASII LAKDAP Bible (BSI) Shatmaq arlak niimin hokhamwe ka wanshak shak hali ngiimkito. Kiimaq apaiq raq Israilnok ka tiiwa mak ningtangho nongto. Hawa Naga Bible 2001 Yuq muinz vruex vkhing nuex httuiuc laz hokhvmx waz piq khux tvtsanc laq yek vtueq, miq htenc kuex tvkaz muq. |
Kiimaq Tatiwe raq Mosheq mahali nguto, “Riita ümchaü min, ümniika Ejip mung niishe jangho nongtlaü. Kiimaq Ngi raq ümniima awang chang jaqsham thun klo miitu ningkun kuq kang kra hokhamwe makki na klo miitu khekham riilaq. Shatmaq Ngi raq hokhamwe tsan tsü ka lanlaqlaq mitiija baiqha. Kiimaq apaiq raq Israilnok ka tiiwa mak miningtang.
Kiimaq hokhamwe raq makphang thun jiimtaq kra chhito. Kiimaq apaiq ka wanshak shak hali tsinki nongto. Arka Tatiwe raq chongtaq kra phan phan wankito. Kiimaq hokhamwe raq Mosheq nai Aron bom ka taimak hali lanki nongto.
Kiimaq Mosheq raq achu jaütaq kra phan phan Tatiwe raq jaq ka shamto. Shekong longtlaq kriika hokham phawa, asengi ajong alabi phawa, kiimaq asengi mungmaiqse phawa alaü she riiwanto. Shekaü kaüshi se dongdii min tiichong mak laü wanto.
Kiijiishe hokhamwe raq Mosheq nai Aron ka tiiheakito. Raüta nguto, “Tatiwe jaq wa achu jaü ronglaq, apaiq raq makphang longtlaq kra wiita mitsuq wan laq. Kiimaq ngi raq namshiqnok ka mitiiwa kang. Krai mren tsangshiq raq Tatiwe ma honglu thun ka mitaa kuqlot.”
Hokhamwe raq kra mra ka jamkho pinta nguta waito. Kiimaq Israilnok nyamse kong wiika ashira min tsaimak dea nguta tsangshiq raq apaiq ma chongto. Shatmaq apaiq ka wanshak shak li riito. Kiimaq apaiq raq Israilnok ka tiiwa mak dea riito.
Naishiq ka üm lamphan wa jam nguto lamjiq na tiikibaiqho laü? Ümniiraq naishiq ka jam nguto nilannok ma tiijabaiq laüta, ümwokhong wa kinphai na tiidong baiqholaü? Ümniika jang wa nongkiq, ümnaq shiililiitibi kra miitu, kiimaq ümsenginok ümwokhong na wranaiqshe siwanti kra miitu.
Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.
Namshiq ka Ejip mung hokhamwe nai asenginok wanshakshak tsiitaq ikha, jaram tsin rai wea? Tsangshiq raq Israilnok ka Ejip mung wa mitiiwa baiq shaq wiiwii, Shiikeawe raq tsangshiq ka anginok tiijataq kra namshiq raq naq laq rongkiq.