Kiijaq apaiq ka longkhong bok na rawa na akon wa nyap wato. Tiihanghiiq miili Tatiwe raq apaiq ma akha bomto, “Elija ümniika arjaq jamlai wa riitlaü?”
DUNGWVNC 33:22 - ASII LAKDAP Bible (BSI) Kiimaq ümtiikiiwa Ngi asi makse chathit chhainyii liliim kra lea wantlaq akhing na, Ngi raq ümniika longkaü mong na apuse asi kriiba kiijaq mitiichap kang. Lata Ngi ka milea wanha shaq wiiwii Ngi raq ümniika ijaq maq apang mirbaiqha. Hawa Naga Bible 2001 Ngvy ngauz vngax phelez kaz wvnc tuex yuq, ngaz rueq mnoz kuex lung kuiux hvlwvl nuex tvjvp ruiux, ngaz lvy kaz wvnc taungx nuex httuiuc laz mnoz kuex ngvy yauk maq puingc phaungx. |
Kiijaq apaiq ka longkhong bok na rawa na akon wa nyap wato. Tiihanghiiq miili Tatiwe raq apaiq ma akha bomto, “Elija ümniika arjaq jamlai wa riitlaü?”
Tatiwe ka ngi tiiwongti; apaiq ka ngi ma peruk weshaü jonghea. I Shiikeawe ka ngi tiiwong chang, kiimaq ngi ka apaiq rai ngi ka tiikhup wongshat. Apaiq raq ngi ka liiq ikha tiiwongkuqtlo; apaiq raq ngi tiichhiitlo kiimaq ngi ka khusang thütlo.
Apaiq raq ümniika arakong maq mipang; ümniika awokhong na tiiwong kuqshat mirüm; apaiq tsapkapkap wokhong maq mitiiwongkuq kiimaq mitiichhiikuq.
Shepe chong ikha langmong nyang na. Lungwii kongtiwe sham tsomhea jerobi phong na. Kra chong nyam maiqnga seachang. Kra tsi ka ngi ma sumhea.
Ümtiikiiwa Tati ka mangjong hiq ka naübaiqkai saühotlaq, kra akhing na maiq thun ka apaiq tsankhiq walü kiiwa kiimaq apaiq ningkun jong nai apaiq khushü jonglu kiiwa tiiwong miitu maiq thun ka hiqkho bok thun na kiimaq longraq kam na longkhong bok thun na juraüta mitiipaü wa.
Tsangshiq thun loweatek ka longkhong kaütiim ikha miraq. Rahai wan raüjaq nai rathaiq wan raüjaq tiipaü chang miraq. Tsangshiq ka kumtsaiphii rumnyangkhi binjü na jüserai setiim ikha miraq. Kiimaq tsangshiq ka hiq siirairai pechong ahü ba na longkaü jonghea, akhong asi ra nyam mong na maiq nga sea ma aheawiq ikha miraq.
Apaiq raq ibomtsi ka jasai ikha siraüraü tiijato. Apaiq jaqkhong maq ngi ka tiikhup wongkuq wanto. Apaiq raq ngi ka liqsinkii ikha tsaito, sihea kiimaq ahiip homa tiijeje thütlo.
Ngi raq ramungtan thun ka tiikha chan kang, lata hiq tiichap wan chang jamkhü kra phongkang; Ngi raq Jerusalem ma ngutiikang, ‘Namshiq ka isenginok! Ngi raq namshiq ma itri raütu kuqkang she, kiimaq Ngi raq namshiq ka ijaq maq khupwongkuq tiikang.’”
Kiimaq kamasham kham kok kiimin khapshi wa siili nyang wanto. Kriika tsangshiq rai kongshi maq khum wan damtaq kamasham longkaü kiiwa nyang wanto.
Ngi raq chongrat tiikang arka, ara ngo nangnga ngutiikang: Khristo pum lümaq Shiikeawe raq mangjong maiqse angu lotli kra apaiq ma akhi alu miishe tiija wan shiichaq tlo. Apaiq raq tsangshiq ngarai raüpot thun ka phe miili she diikuq tlo. Kiimaq apaiq raq mangjong maiqse angu wiita ka akhi alu ma tiija wan lungwiitlo nguta, kra tsütsa chongke jaqsham ka naishiq kiimwebi ma arang kuqto.
Apaiq raq Benjamin phan miitu akha nguto: “Arnok phan ka Tatiwe raq lungwiitlo kiimaq tiiwong kuqtlo; Apaiq raq tsangshiq ka ranaiq minru tiiwongtlo, Kiimaq apaiq ka tsangshiq rai adam sitlo.”