ASHICHONG 2:3 - ASII LAKDAP Bible (BSI)

³ Shepe chong ikha langmong nyang na. Lungwii kongtiwe sham tsomhea jerobi phong na. Kra chong nyam maiqnga seachang. Kra tsi ka ngi ma sumhea.

Hawa Naga Bible 2001

³ Ngaz rueq lungwawc hvlc sanx waz kuex, vganc miqwaz rulx rulc tv-ngvlc lawc ruiux yuq, piq kuex pulx rox wawc pulx jungx htenc mungx nuex kemz yaq apple jungx ikhoc rvtueq. Ngaz kuex piq luimc khung nuex httaz tvkoc raungc raq vshaungx, kvruex thuey saq ruiux ruimc hvlc rvtueq.

ASHICHONG 2:3 Referencias Cruzadas

Tvtsvmc 45:2

Ümniika maiqwere phong na tsomhea pinthum; ümniika traho bomchong tsinhea. Shiikeawe raq ümniika wranaiqshe shiimanto.

Tvtsvmc 45:3

Ümnepja hi ka wilaq, ningkun jonghea hokhamwe lei; ümkhushü ka jonghea kiimaq ümngao ka jonghea.

Tvtsvmc 57:1

Ngi tiihangkuq laq, O Shiikeawe lei, tiihangkuq liidea, jamkhano ngukla ngi ka ümtiiwong na nyapwan tiikang. Ngi tiiwongchang ka ümrakhong kra rathaiq henghea kra mitsaq shaq wiiwii.

Tvtsvmc 89:6

Ramungtan na ümniikhan ka ahin jumin ahü, Tatiwe lei; ramungtan na siti winji kong wa ümniikhan jumin ahü.

Tvtsvmc 91:1

Juwa Tatiwe tiiwong na watlaq, juwa Ajong Pinthum wokhong na sitlaq,

ASHICHONG 1:16

Ümsham pinthum tsomhea, roriiwe lei, Ümniika ngi chochi tsanhea! Nanai changdü rensang phiirü waijuju.

ASHICHONG 2:5

Petsi nyamtu phong na konpha. Ichangdü ka petsiro chong ji na, Ngi ka lungwii ro raq ahaü.

ASHICHONG 4:13

Kiijaq phanphan pe chamtlo pero, Pechong thun ka pomegrenet ro ikha chamtlo, atsi ango ahea tsitlo. Kiijaq henna nai nard homseng pahea asi.

ASHICHONG 4:16

Shekhu rahai lei, tiido laq. Shemai rahai lei, samlaq. Ara isonruk mong wan tlo peohea, Iroriiwe ka apaiq sonruk na mikilaq, raüta sonruk wa, ahea petsi ka ümpan siq laq.

ASHICHONG 5:16

Apaiq nübok ka lungwii nüshup sea sumhea. Apaiq miitu tiima kang la, itsan mong na peohea. O, Jerusalem nyungre lei, Itawe tsaki ka ngi ma rahea kata, O Jerusalem nyungre lei, Kra ningkhan tsaki tiikang ahata.

ASHICHONG 7:13

Tsairai pü homtsang hea ikha, nanai kilü tho na petsi wiqtsam phan phan pahea, achü anye ümniirii na ngi raq jethü tiikang, ita-nyung lei.

ASHICHONG 8:11

Solomon hokham spiqro asi, Kra hiq mang ka Baal Hamon, Wakshiip seati raq kra shamsiq tlo, Loweatek raq kampho hinghing kuqtlo.

ASHICHONG 8:12

Solomon lei hingshi ka ümrii, kiimaq shinai ka ningchangti rii, Ara spiqro ka ngi rii!

ASHICHONG 8:5

Iniikra juwa warai tla, kumtsaiphii ram lam maq? Akongtinyung tsangnai jaq maq, riikhaiq riikhaiq warai tlo? ümniika shepe chongji na akon wa tiisam kang. Kriika ümnaq chhü chang ba.

ISAIA 25:4

Miitsan maiqse thun nai ümkhii ijasiqtibi ka ümwokhong na tiipaü jutrangto, krai mren tsangshiq ka chamchao akhing na tiichhii wanto. Ümniiraq tsangshiq ka rathaiq wa tiiwongkuq laü kiimaq rashekii tsihea wa ra tiinyam kuq laü. Abi pinthumti maiq raq tsangshiq ka diwin rathaiq ikha longliiqto.

ISAIA 32:2

Tsangshiq thun loweatek ka longkhong kaütiim ikha miraq. Rahai wan raüjaq nai rathaiq wan raüjaq tiipaü chang miraq. Tsangshiq ka kumtsaiphii rumnyangkhi binjü na jüserai setiim ikha miraq. Kiimaq tsangshiq ka hiq siirairai pechong ahü ba na longkaü jonghea, akhong asi ra nyam mong na maiq nga sea ma aheawiq ikha miraq.

ISAIA 4:2

Akhing ashi misaü wan, kra saü wan raüla, armung na nai pechong aweatek ka Tati raq aheawiq jonghea luhea kiimaq alüsea chang tsomhea mitiijonglu wan. Israil mungti ümchuwa re jaq song tiichongtaq kriithun ka tsangshiq raq wak shamsiqtlaq kriiwa tü atsam thun rongboq tsosiq wantlaq kra chhi raüta pinthum khoqriiq shishiiq miraq. Kiimaq maiqmii hüko phok hihi she midoqsiq. Raüta misrasiq wan.

ISAIA 4:6

Apaiq khushü ngao jonglu raq chela ka nyamshat she raüta ranaiq rashekiitsi wa mikhup wongkuq. Raüta ranaiq na rashekiitsi heng tlaq kriiwa chela ka atiinyam mirkuq wan. Raüta maiqsi maiqnga ma hansang rakhang miraq. Raüta maiqse ka rajun nai rathaiq rahai saü tlaq kiiwa mitii wongkuq wan.

EJEKIEL 47:12

Ara jürai kii siimhap nai ri niika, pero phanrap phanrii atsi aphaq asea chang phan siisaq pahea asi miraq. Kra pechong jaq nüm tlaq kriika, ümtiikiimin jungki mak phan miraq. Kiimaq kra pechong thun na atsi ango wan ka ümtiikiimin tsaqki mak phan, tsi ngo wan ruq miraq. Ara pero thun na jipi lütek na atsi ka anye tsi wan ruqli miraq. Jamkhano ngukla ara pero thun ka Shomjam maq adong khamrai kiiwa kham ki raü raüta dungtlo. Ara pechong thun raq aphaq sea chang atsi mikuq. Kiimaq ajaq thun kriika maiqse ma atsi asi tiiheake wan chang tsiq miraq.”

Yoel 1:12

Spiqraü tsung thun wiita shinriiqriiq. Phupmup tsi thun wiita roktito. Pomegrenet tsi, taitsi tsi, apel tsi, petsiro angu wiita shinriiqriiq shinkito. Krai mren maiqse tsantsii na chochi ahü. Khamrai rükitlaq ikha shinriiqriiq she sükito.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.

PHOWEBI 9:15

Kiijiishe shuktam chong raq treto, ‘Namshiq raq ngohea dea, ngi ka nam hokham ma shong rotlan jiika, ahea namshiq ka iwokhong na sironglaq, Kra riiman han la, ikü iko shuktam rong kiiwa, wa phok raüta namshiq ka, wiita mikhiim chaq laq. Raüta Lebanon pum wa sedar chongro kiimin, wiita mikhiim laq.’