ISAIA 32:2 - ASII LAKDAP Bible (BSI)

² Tsangshiq thun loweatek ka longkhong kaütiim ikha miraq. Rahai wan raüjaq nai rathaiq wan raüjaq tiipaü chang miraq. Tsangshiq ka kumtsaiphii rumnyangkhi binjü na jüserai setiim ikha miraq. Kiimaq tsangshiq ka hiq siirairai pechong ahü ba na longkaü jonghea, akhong asi ra nyam mong na maiq nga sea ma aheawiq ikha miraq.

Hawa Naga Bible 2001

² Tsuingshiq vshiz maq vshiz kuex raungguil kvtuing juing baung nuiyc raunghtiq raungguil wawc kvwungx juing baung vshiz ikhoc yaungx tuex. Tsuingshiq kuex kumtsvy tvnx maq kaz yaq yuix saz ruilx htenc ikhoc, sawc riric hvlc ghaqsawc htungx nuex httax yaq lungkuiux buingc ikhoc yaungx tuex.

ISAIA 32:2 Referencias Cruzadas

Tvtsvmc 143:9

Ngi ka ümtiiwong na watiikang, Tatiwe lei; ijaqtinok jaqkhon wa ngi tiichhiilaq.

Tvtsvmc 32:7

Ümniika ngi tiipaükai chang ba; ümniiraq ngi ka chamchao wa mitiichhii haü. Ngi raq tiihong lata shinge tiikang ümniiraq ngi chhiikuq laü kra, jamkhano ngukla ümniiraq ngi tiiwongkuq tlaü.

Tvtsvmc 63:1

O Shiikeawe lei, ümniika i Shiikeawe, kiimaq ngi ka ümniima rantiikang. Ngi ka ikhum wiita kuqlata ümniirai sirohea; shinriiqriiq, hiqsiithung, kiimaq kham ahü hiq ikha, itsaiji ka khamnyang tsihea maq ümnaq rittlo.

Tvtsvmc 91:1

Juwa Tatiwe tiiwong na watlaq, juwa Ajong Pinthum wokhong na sitlaq,

ISAIA 12:2

Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.

ISAIA 16:3

Tsangshiq raq Juda mungti ma akha nguta chongtlo, “Naishiq ara jamkha jachang wa chongkuq ronglaq. Naishiq ka namshiq wokhong na, rashekii henghea na pechong raq anyam mong na kaiqshak shakhea tiiwongtlaq ikha tiiwongkuq ronglaq. Naishiq ka munglu wanshanok. Naishiq ka jurmin chhiha mak chang ba na paükuq ronglaq.

ISAIA 25:4

Miitsan maiqse thun nai ümkhii ijasiqtibi ka ümwokhong na tiipaü jutrangto, krai mren tsangshiq ka chamchao akhing na tiichhii wanto. Ümniiraq tsangshiq ka rathaiq wa tiiwongkuq laü kiimaq rashekii tsihea wa ra tiinyam kuq laü. Abi pinthumti maiq raq tsangshiq ka diwin rathaiq ikha longliiqto.

ISAIA 28:17

Kra jamkhü longkaü ka tingting khapho tri raütu miraq. Kiimaq tsantsii khangriri maq jaqsham kriika khamchong shongtaq kra ra nü na tru shin chang raülo miraq.” Rathaiq nai tsakhiiqrok henghea saü raüta namshiq kamtsantsii ransea chang arot jamthun ka wiita hiq maq hutse mitsuqbaiq. Kiimaq jüchhang lüm wan raüta namshiq tiiwongchang peruk thun kra wiita mitsuqbaiq.

ISAIA 41:18

Ngi raq kin thun shinriiqriiq na jürai phong mitiikiha, kiimaq hiqthungtan thun na jüse raisetiim mitiidongha. Ngi raq rumnyangkhi kumtsaiphii na thamchum tonglong mitiidongha, kiimaq shinriiqriiq binjü ka tsiimserai tonglong mitiijaha.

ISAIA 43:19

Ngi raq anye jamlai wa kiimung tiikang kra shrira liilaq. Arka hongtha rai wanto she- ümniiraq ümchaü min michhi haü! Ngi raq kumtsaiphii binjü maq lam ashi mitanha, lata ümniima jüseraisetiim mitiidong kuqha.

ISAIA 43:20

Rum ngamsekong raq dongdii min Ngi mishreng; miikakoi kong nai wuthon kong raq Ngi mitiitsam; Ngi raq kumtsaiphii binjü na jurai thun tiidong wan hajaq; Ngi raq atsea wanha isenginok ma tiinyang wan miitu.

ISAIA 44:3

“Ngi raq khamnyang tsitlaq mung na kham mikuqha, kiimaq shinriiqriiq hiqraikhü na jüseraisetiim mitiikiha. Ngi raq iwenyi ümsetiim khum na miraükuqha, kiimaq ümsaütiim ma ram miramkuqha.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

JEREMIA 33:14

Tatiwe raq nguto, “Akhing misaü wan; kra saü wan raüla, Ngi raq Israilnok mungti ma nai Juda mungti ma ikiq khamkuq kang kra mitiiku wanha.

AJONJÜ 4:20

Tsangshiq raq nashiq tsitsü raüchong laphoto, Tatiwe raq ashong na hokhamwe laphoto, nashiq khup wongketi, nashiq kamsea chang laphoto.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

John 7:37

Poi thum wan ranaiq ka poijong pinthum. Kra ranaiq Jesuq ka nokwe man na chap raüta, tiihong raüta kholam kholiiq akha trahokuqto, “Juwa kham nyangtsi, kriiti ka ngi phana warong ra. Lanta, i jaq wa kham ara nyang wa rongkiq.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

Revelation 22:1

Rase raq ngi ma atra rilung tsitsü khamrai kiimin tiichhikuqto. Kra khamrai ka longseng chhai rai tlaq ikha wüjangjang hea achhai anyii. Kiimaq kra khamrai dong chang kuk kriika, Shiikeawe nai Skuse hokham ngachang ngacho takiq na.