ISAIA 32:3 - ASII LAKDAP Bible (BSI)

³ Tsang mak thun nai tsangni thun ka mungmaiqse ma rongraatlaq thun kra chhi miitu tiipiiq shat miraq.

Hawa Naga Bible 2001

³ Tsuingshiq muik nuiyc nac htenc kuex kvkhic kvdaz wvnc vtueq miq htenc muex rax yaq lvmz htenc kuex khiz wvnc shuex.

ISAIA 32:3 Referencias Cruzadas

ISAIA 29:18

Kra ranaiq she saüwa raüla, nitangwe riika apaiq ma tiihong raüta lakdap ashi ka phatkuqtlaq kra mitai. Kiimaq makchuktitiim riimin, ranyaq tangtang mong na siwantibi riimin, tsangshiq mak ka apiiq she mirki. Krai mren tsangshiq raq phanrap ka michhi.

ISAIA 29:24

Angok angi kong riimin phanrap ka ahea she misap tsin wan. Kiimaq abot atsaü wali sitibi kiimin chochikhiq miishe shrinkuqtlaq ka mishrin wan.”

ISAIA 30:26

Jipi kaü ka rashe kaü kiitlaq ikha chaihea mili. Kiimaq rashekaü ka rahinjaq na litlaq kra thaq na jang miishe achan mili. Ranaiq miishi kiitlaq kriika ranaiqshi na rom raüjaq ümtinkhan wa kiijiiq kiitinkhan mikii. Arka Tatiwe raq asenginok dü na apaiq raq ümchuwa tiimitsi wantaq kra, ajop riikuq raüta ami thun ka tiiheakuqtlaq kiitiikaq miku wan.

ISAIA 42:16

“Ngi raq isengi makchukti thun mishun sheaha, tsangshiq raq jangshi min khum mak lam thun maq. Ngi raq tsangshiq ranyaq ka rawü ma mitiijaha, kiimaq tsangshiq khaki na rumtang lam thun ka, nyeadang danghea mitan kuqha. Arthun ara ikiqkham raüpot, kiimaq bom poshi min tiikhoi mang maq mitiiku wanha.

ISAIA 54:13

“Ngi raq ipumsii maq ümsenginok ma mishrinkuq wanha, lata tsangshiq ka chiithe lüwanok ma mitiija wanha, kiimaq hansang maq mirüm wanha.

JEREMIA 31:34

Tsangshiq phong wa jurmin akongtiwe ma Tatiwe ka sap wan laq nguta shrinke wan ngomin rarai mak she miraq. Jamkhano ngukla, tsangshiq wiitarü raq Ngi ka misap. Nosese maq phawan raüta nolajong pinthum na saüli, tarü raq ngi ka misap wan. Ngi raq tsangshiq ngarai thun ka wiita midii kuq wanha. Krai mren, Ngi raq tsangshiq shutphit thun kra itsan na tiitsang mang she mirha. Arka Ngi, Tatiwe raq toqtan tiikang.”

Matthew 13:11

Kiijiishe Jesuq raq treto, “Ramungtan sap wan anyan phaqchi apaü raüta athü kra namshiq miika kuqto she. Shatmaq tsangshiq miika tiichhikuq mak dea.

Mark 7:37

Krai mren, kra tsütsa taiwanti bi tarü ka, pinthum amao riiwanto. “Apaiq riika jaqsham ahea, awang chang siisaq shamtlo!” nguta rin ra wanto. “Apaiq raq nitangti nai nütangti thun dea min wiita she tiihea kuqtlo!” ngutiishe tsaki wanto.

Acts 26:18

Ümniiraq tsangshiq mak ka mitiipiiq kuq wan haü. Kiimaq tsangshiq ka ranyaq nyang mong wa rawü lam phan niishe mishun shea wan haü. Kiimaq tsangshiq ka Thupkaü Thawe jaqkhon mong wa, Shiikeawe wokhong niishe mishun shea wan haü. Krai mren, tsangshiq raq ngi ma kamtsantsii thü tlaq kra lii miishetiq, tsangshiq ngarai ka midii kuq wan. Raüta tsangshiq ka Shiikeawe sengi maiqsetiim rai she shongnga wan dam miitu tsangshiq ma chapchang ngachang she mitiihong thaq kuq wan.’

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.