ISAIA 32:4 - ASII LAKDAP Bible (BSI)

⁴ Tsangshiq ka maiqbom ninlot mak tsutsakhiq ka riimak she miraq. Shatmaq tsangshiq raq jaqsham wantlaq kriika taksu tsü maq misham wan. Kiimaq tsangnü maq jamlai wa chongtlaq kriika tingting bomtsi kli michong.

Hawa Naga Bible 2001

⁴ Tsuingshiq kuex mkaq muinz nanx lot yaq hez rvmuq, yuq muinz tsuingshiq rueq vtuiuz vtay tharc maq yauk shuimx ruiux, tsuingshiq rueq jungx roc shuex vlvmz kuex jungphvnx kuq shuex.

ISAIA 32:4 Referencias Cruzadas

DUNGWVNC 4:11

Kiijiishe Tatiwe raq apaiq ma nguto, “Maiqse ma anübok keti ka juwa? Kiimaq apaiq ka juro nibii ma tiijabaiqtla? Riimakla apaiq ka juro nütang ma tiijabaiqtla? Apaiq ma amakpo ka juro kuqtla? Riimakla juro amak ka tiichukbaiqtla? Arka Ngi, Tatiwe raq klo tiikang.

ASHICHONG 7:9

Kiimaq ümnii shup ka, spiqtsi tai sumkhan riito, Kra spiqtsi tai ka ikongtiwe raq nyang ma sumhea, Anüshok maq ajea alea sa tlo.

ISAIA 29:24

Angok angi kong riimin phanrap ka ahea she misap tsin wan. Kiimaq abot atsaü wali sitibi kiimin chochikhiq miishe shrinkuqtlaq ka mishrin wan.”

ISAIA 35:4

Tsaiji aranti loweatek ma akha chonglaq, “Ningkun shoq ronglaq, naqhai rongkiq! Shiikeawe ka namshiq tiichhiikai kitlo, namshiq jaqtinok ma mo tiihokai kitlo.”

ISAIA 35:5

Makchukti raq min michhi she, kiimaq nibiiti riimin mitai she.

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

Matthew 16:17

Kiijiishe, Jesuq raq, “Kechu jonghea, Johan se Simon le!” nguta treto. “Riita ara tengtlaq bomtsi chongtlaü arka ümniima maiqse raq achongkuq ka riimak. Shatmaq i We ramungtan na siti we raq ümniima tingsang atiichhi arkuq.

Acts 4:13

Ngongwebi thun welabi raq, Petar nai Johan ka thungtri saptsin wanti, tsüwe tsitwe min riimak, shatmaq ahai asong jam min ahü maq, tsangshiq man na, bom chongke kra chhi raüta, amaorai li she riito. Kra taksma bomtre kra chhi raütiishe, tsangshiq raq tsangnai ka Jesuq rai kongshi maq siwan damti kha maq, kiitin khan asung saptsin wantlo nguta bom ka tak wanto.

Acts 6:7

Krai mren, Shiikeawe bomtsi ka maiq pahea raq taiwan wan she riito. Raüta, maiq pahea raq Shiikeawe bomtsi ma kamwanto. Krai mren, Jesuq ma kamwanti maiqnye kong ka, Jerusalem na pahea riiwan wan she pa wanto. Kiimaq ramwe weraü phan wa maiq pahea raq, Tsütsa Ahea ma kamwanto.

Galatians 1:23

Tsangshiq raq i tsa ka nanok ahinti nü wa: “Man na nashiq Phungmaiqsetiim ngeng raüta, nashiq tiichamchaoti we irka, ümchaü sanha apaiq riishe, Jesuq ma kamwanto raüta, apaiq raq nanok ma kamasham lamphan kriishe tra hokuq tlo!” nguta riichongsea kriili taito.