ISAIA 32:1 - ASII LAKDAP Bible (BSI)

¹ Akhing ashi misaü wan, raüla hokham weshi midong. Apaiq raq mung ka tingting tri raütu sham raüta mipeng. Kiimaq mungtubi raq mung ka riikhaq tri raütu sham raüta mirüm wan.

Hawa Naga Bible 2001

¹ Raungnuiyq shiz nuex tsuingrux thuinz maq guimz lawc jix hokhvmx washiz nuiyc tvrac vlvmz maq guimz jix walaungx bix dung tuex.

ISAIA 32:1 Referencias Cruzadas

2 SAMUEL 23:3

Israilnok Shiikeawe raq chongto; Israilnok tiikhup wongketiwe raq, ngi ma akha chongto: “Tri kappe tingting shamti hokhamwe ka, Shiikeawe aming phanphan, mung peng wantiwe ka,

Tvtsvmc 45:1

Bomtsi sumhea ikhutsai na asho awo dongtlo, ngi raq ara hokhamwe shomra shi waiq lam maq. Lakwaiq atsinti lakkii ikha itili na ashi bomtsi adong sumhea.

Tvtsvmc 99:4

Ajong Pinthum Hokhamwe lei, ümniiriika riikhaqli jaqsham lungwiitlaü; ümniiraq Israil mung na tingting tri raütu shonglaü she; ümniiraq kha ka tri maq phokuqtlaü kiimaq makliishi maq photlaü.

ISAIA 11:4

Apaiq raq miitsan maiqse kha ka tingting miphokuq. Kiimaq ümkha ijasiqti maiqse arang ka mitiiwongkuq. Apaiq aming maq mungmaiqse ma mo mitiiho, krai mren abi maiqse thun ka mitsai.

ISAIA 11:5

Apaiq raq asengi ka tingting tri maq mipeng, kiimaq tsantsii siirairai maq miriim wan.

ISAIA 16:5

Kra akhing na Dawit saüse phan phong wa weshi ka hokham ma mishong wan. Raüta apaiq raq mung ka tsapsaü kapse maq nai lungwii tsantsii maq mirüm wan. Apaiq riika tingting kappe tri maq mung mipeng wan. Kiimaq apaiq raq tri khaqkhaq sham raüta mung mipeng wan.)

ISAIA 28:6

Apaiq raq phowebi ma kha ka tingting tri raütu sham raüta phoke miitu phaqchi mikuq. Kiimaq chela tro ruk kilamchong thun ka re jaq wa tiiwongti phenlabi ma nola ningkun mishoqkuq.

ISAIA 33:5

Tatiwe ka pinthum jonglu! Apaiq raq phanrap kunli pengtlo. Apaiq raq Jerusalem ka tingting jaqsham kaiwa maq nai athuk atsom jaqsham maq mitiima wan.

ISAIA 4:6

Apaiq khushü ngao jonglu raq chela ka nyamshat she raüta ranaiq rashekiitsi wa mikhup wongkuq. Raüta ranaiq na rashekiitsi heng tlaq kriiwa chela ka atiinyam mirkuq wan. Raüta maiqsi maiqnga ma hansang rakhang miraq. Raüta maiqse ka rajun nai rathaiq rahai saü tlaq kiiwa mitii wongkuq wan.

JEREMIA 33:14

Tatiwe raq nguto, “Akhing misaü wan; kra saü wan raüla, Ngi raq Israilnok mungti ma nai Juda mungti ma ikiq khamkuq kang kra mitiiku wanha.

JEREMIA 33:15

Kra akhing na, Ngi raq Dawit saüse phan wa, kechu hokhamwe ashi mishongha. Kra hokhamwe raq tingting kappe sham raüta mung tlot li ka mipeng wan.

EJEKIEL 37:24

Hokham weshi, ijaqshise Dawit ikha kra tsang hokhamwe miraq. Tsangshiq wiita ka hokham weshi wokhong na adam niishe misi wan. Raüta i thungtri raütu ka tsapkapkap maq milang wan.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

Romans 5:21

Riita, ija, ara chong tiikai arai mren, maiqse ka ngarai ningkun raq atsai kharü mong na shaq raüta, jamkho jamsha wantaq, kra jai tiijo she hali, Shiikeawe raq kaphap mangchan jonghea maq, maiqse ka, apaiq rai wehea miishe tiija wantlo. Raüta kechu maiqse she nguta, ajam na tiidii wantlo. Raüta, nashiq ma pattup pat-sa rilung tsitsü raü ka, nashiq Tati Jesuq Khristo pum lümiishe kuqtlo.

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”

Revelation 19:11

Kiijiishe, ngi raq ramungtan ka atiidi raü chhikang. Kiimaq kiijaq kumrang alü kaü ashi chap raü chhikang. Kriithaq na chaoti we mang ka Tsapkapkap nai Riikhaqli nguta ngutlo. Apaiq riika tingting maq kha pho tlo. Raüta re ka khattlo.