DUNGWVNC 29:14 - ASII LAKDAP Bible (BSI) Shatmaq minsaü pongwe angam thun, akhü thun, kiimaq apukji thun, ka piitiip phai na lamho laüta wa maq chaqbaiqlaq. Arka ramwebi ngarai thun kra tiisiiwan miitu honglu. Hawa Naga Bible 2001 Yuq muinz manx vngvmx, vkhuix nuiyc vpuk vyiz htenc kuex ke-phic kvyuq wvr maq juiuz gay rax. Vkhoc shomc kuy lvmz vruex kuex shomc waz bix mvrax kvdawc rvtueq. |
Raütiishe ramwebi raq chhechhi kong kra tato. Raüta kra ngam tiijai ka berong-wacha na nyukto. Arka mungmaiqse ngarai tiisiibaiq miitu riito. Jamkhano ngukla hokhamwe raq wiipumtam maq wa na chaqtlii nai Israil mungmaiqse tlotli ngarai miitu honglu keraa nguta aming kuqto.
Kra lot jaishe, munglu wansha asiwa wa ajang wanti thun raq, Israilnok Shiikeawe ma, wa na chaq chang honglu thun kriishe kuqto. Tsangshiq raq Israilnok miitu ka, minsaü pongwetiim 12 kuqto. Kiimaq, sku apongsetiim ka 96, kiimaq sku aresetiim ka 77 kuqto. Kiimaq tsangshiq maiqmii ngarai tiisii miitu chhechhi 12 kuqto. Ara nyamse thun arka Tati ma honglu na wa chaq tlii kuqto.
Wiishi na jangshi Aron raq berong-wacha ara tiisii wan miitu ngarai miitu honglu na ataakuq ngam tiijai ka arongblai kiijaq nyatlili riichang. Arka rawiitek pattup pat-sa miitu klo wanruq riichang. Ara berong-wacha arka pinthum asii, Ngi, Tatiwe ma akiinong kuq.”
Ümniiraq minsaü pongwe ngarai honglu na ataakuq kra lamho laüta shomjam maq kinphai na alu na, hiq bashi dadüdü atsea thü hiq ba kriijaq wa na michaqbaiq haü.
Riita ümtiikiiwa saüla pongwe kra apaiq miitu nai ajamtitiim miitu ngarai-honglu na tatlaq,
Kiimaq minsaü pongwe nai chhechhi kaü ngarai-honglu miitu ataakuq, kra ngam tiijai ka ngarai tiikhoi miitu Asii Pinthum Khok na bat wantaq kra ngam maa wiinai ka, piitiip thun phai na lamho raüta wa maq chaq baiq kai chang. Ngam khü thun kra, angam thun kra kiimaq apukji thun kra wiita wa na chaq baiq chang.
Apaiq ka apaiq raq minsaü pongwe ashi ka ngarai-honglu miitu kiimaq skure pongse ashi ka chaqtlii-honglu miitu kra lam wan jaitiq, Asii Pinthum Khok na nyapwa mimai.”
Kra raütiishe apaiq raq minsaü pongwe maa kra piitiip phai na milamho. Raüta apaiq raq apaiq maiqmii ngarai miitu minsaü pongwe honglu na akuq chaq kitaq kiikhiisii wa na chaqbaiq kai chang. Arka mungmaiqse raq ngarai tangtaq kra tiisiibaiq miitu akuq honglu.
Ramwe raq ajaqshi ka ngam tiijai kiijaq mitsam. Raüta berong-wacha siimblai ri na arong blai kiijaq minei. Raüta kiiwa chantlaq abung ngam tiijai ka berong-wacha jichong kiijaq minyuk.
Raüta apaiq raq ajaq ka chhechhi kaü khupo na misham. Raüta kra nyamse thun chaqtlii-honglu thun take chang berong-wacha maq shekhu nü siim kiijaq mitaa.
Kiimaq Ramwe Ajong Pinthumwe raq ngarai tang raüla mung khuthaq ashut klo raüla, apaiq raq minsaü pongwe are, akhum nyeajokjok ami atsi jam min ahü kra lam wan raüta apaiq ngarai miitu Tatiwe ma honglu na take chang.
Kiimahali maiq weshi raq apaiq ngarai honglu na ke ma sku lam wan raüla, kriika akaü riichang kiimaq nyeajokjok akhum na jamlai ami atsi ahü riichang.
Kiimaq apaiq ngarai kra tham miitu apaiq raq Tatiwe ma sku kaü ashi, riimakla chhechhi kaü ka honglu na kewan ratlo. Raüta kriiwe ngarai miitu ramwe raq nyamse ka honglu na mitaa.
Apaiq raq kra wushi kaü nai ka ramwe ma kewan chang. Raüla ramwe raq ngarai-honglu ma kechangti wushi kaü kra kongkhu honglu na mikuq. Apaiq raq adangkong ka attiingoq miraq shatmaq akhupo ka pantlii ka panbaiq mak miili mitsat.
Aron nai asetiim ma ngarai-honglu thungtri arthun ara kuqlaq nguta chongto. Ngarai-honglu ma akuq nyamse ka berong-wacha maq shekhu nü siim na wa na chaq chang nyamse honglu thun takuqtlaq kriiba na ta chang. Arka asii pinthum honglu.
Raütiishe apaiq raq minsaü pongwe maa abung tiichongtlaq, akhü kra, angam kra, kiimaq apukji thun kra lamhoto. Raüta piitiip phai na lamhoto, raüta wa na chaqbaiqto. Arka Tatiwe raq aming kuqtaq kra phan phan kloto.
Raüta apaiq raq Aron ma nguto, “Minsaü pongwe are ashi kiimaq sku pongwe arese ashi akhum nyeajokjok jamlai ami atsi ahü kra lam wan laq. Laüta kra Tatiwe ma honglu na takuqlaq. Minsaü pongwe ka ngarai-honglu miitu kiimaq sku pongwe kriika chaqtlii-honglu miitu.
Liirong laq. Ngi raq namsetiim ka mitsat wanha. Kiimaq namtheaphi ka, nyamse honglu atakuq han daiq maq mimoq wan pha. Kiimaq namshiq ka nyamse daiq raübaiq kai chang hiq ba kiijaq mihit thüki ha.
Raütiishe kra ngam ka wiipumtam maq, akhü thun min nong nong maq, angam thun kra, atiijai thun kra, kiimaq apukji thun kra, ramwe man na wiita wa na chaq baiq chang.