Acts 1:1 - ASII LAKDAP Bible (BSI)

Lungwii Kongti we Theophilas: Ngi raq awaiqha apha shaqshaq lakdap na, ngi raq Jesuq jaqsham manphan ka, apaiq raq ajaqsham phaho ranaiq maq süpha wan lata,

Hawa Naga Bible 2001

Lungwawx vtueq Theophilu muex: Yesu rueq yauk shuimc phaungc wvnc tueq raungnuiyq maq phaungc vtueq,

Muklom

Theophilus: Jesu tha mungtan náng tunsol náng thula piq aa chamlilang somlo ta etho chamlang tatal kot ta eshi tang sha, nga jakho wit táng.

Acts 1:1 Referencias Cruzadas

Matthew 11:5

Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Luke 1:24

Kra jai maq, tsang-nyung Elijabeth ka wiihan she riito. Kiimaq jipi lübiingi na saüli, apaiq ka jam niili she ngato.

Luke 1:3

Mungtu we le, riita, ija, ngi raq ara manphan arka, apha maq tiichap wan lata, atiisup na saüli tiitho tiipha sidi wan kang she. Lata, aheawiq, bomkhu bommai thun kra, tri tsi wan latiishe, arka ümniima ahea miraq nguta waiq tiikang.

Luke 14:22

Krai mren, ajaqshi se raq jaqlo liipan niili atijong we aming kra phan phan, maiq thun kra heakito. Raüta, ‘Tijong we loi, ümniiraq jamlai wa thaü laü, irka lot kang she. Shatmaq, ümchaü min, wanwe ngachang ka abinli wiqli ahata,’ nguta atijong we ma bom ka chong nongto.

Luke 24:19

Kiijiishe, “Jamlai mra thun wiita?” nguta Jesuq raq apaiq ma waito. “Najareth hiqti we Jesuq ma mra pintaq thun kra chongla,” nguta tsangnai raq treto. “Arwe ka shammi jong we riito. Apaiq raq ümtinkhan wa awang chang jaqshamto. Kiimaq bom chongkuq wanto. Kiimahali, apaiq ka Shiikeawe raq ashong nguta tiisapshat riito. Kiimaq mungmaiqse tarü raq, apaiq ka tingting maiqse dea nguta lang wanto.

Luke 3:23

Jesuq raq apaiq traho jaqsham phaho akhing na, apaiq rawii ka wiiroqtsam tin she riito. Apaiq ka nanok raq, Joseph se nguta tiima wanto. Joseph ka Heli se.

Acts 2:22

“I nok i hiq Israilnok lei, ara chong tiikang bomtsi ara, samhea tiitsang tai ronglaq! Najareth hiqti Jesuq ka, Shiikeawe raq apaiq jaqsham ma ashong wan maiqse dea nguta, namshiq makki na apaiq pum lümaq, ümtinkhan wa awang chang nai amao chang jaqsham pahea shamkuq wan raüta, namshiq ma khangriri hea tiichhikuq wanto. Arka namshiq tarü raq asap han siisaq. Arthun jaqsham wantaq arka, namshiq man na sham wanto.