1 SAMUEL 4:4 - ASII LAKDAP Bible (BSI) Krai mren, tsangshiq raq Shilo na tsütsa chongwati maiq tiiwato. Kiimaq Tatiwe Tati Rakaü Hiqwe, cherubim thaq na ngatlaq Tongshong Tek kra piwa rongkiq nguta tiiwato. Kiimaq Eli senai Hophni nai Phinehas kiimin Tongshong Tek krai kidamto. Hawa Naga Bible 2001 Kvkhoc rvtueq tsuinghez rueq Shilo ghaq nuex kamx waz hez tvkaz vtueq kherubim htauk nuex ngaungc yaq Tvphaungc Tvsuip Yehowa Bomkhvrc Jep kuex tvlvmz kaz tueq. Eli saz nueyc Hophani nuiyc Phineha muinz Bomkhvrc Jep rulc vdvmz kaz naungx tueq. |
Ramwe Jadok min kiijaq riito. Kiimaq apaiq rai Lewinok kriimin, asii Tongshong Tek kra piraü wato. Tsangshiq raq Tongshong Tek ka kiijaq tiibumto. Raüta maiqkong wiitarü raq chela ka mibaiqthü shaq wiiwii kriiba miili kheto. Kiimaq ramwe Abiathar kiimin kiijaq riito.
Raüta apaiq raq tsangshiq ka sheaho raüta Juda mung na Bala chela na kito. Kriika Ajong Pinthum Shiikeawe mangpon kra hoti wrakong sumla khuthaq na ngatlaq Tongshong Tek kaü kra pikai miitu sheahoto.
Raüta akha achu jaüto, “O Tatiwe, Israilnok Shiikeawe lei, seraphim thun thaq na ngatiwe lei, ümniikli she Shiikeawe ka, mangjong hiq na maiq mungtan ümchuwa sitlaq kra rümtiwe. Ümniiraq ara mangjong hiq nai ra ka tiiq laü.
Naishiq achujaü tailaq, O Israilnok Rümtiwe lei; naishiq achujaü tailaq, naishiq ka ümskukong, ümniika naishiq pengti. Üm hokham ngacho ka cherubim rasetiim thaq na, ümniika kiijaq ngatiwe.
Ümsham ka Ephraim phan ma, Benjamin phan ma, kiimaq Manase phan ma tiichhi kuqlaq. Naishiq ma ümningkun jonglu ka tiichhikuqlaq; kiimaq ana kira laüta naishiq ara tiiwonglaq!
Tatiwe ka hokham; kiimaq mungmaiqse thun tiikhaitlo. Abaiq ngacho cherubimkaü thun thaq na ato kiijaq ngatlo kiimaq hiq ka tiikhai banban mutlo.
“Ajong Pinthum Tatiwe, Israilnok Shiikeawe lei, seraphim thaq na hokham ngacho na ngatiwe lei, ümniili she kata Shiikeawe ka. Mangjong hiqraikhü na maiqmungtan thun kra pengti ka ümniili. Ümniiraq ra nai hiq ara tiiqlaü.
Ümchaü, ramwebi lei. Namshiq raq Shiikeawe jaq wa, apaiq ka nashiq ma tsii ahea mithü laq, nguta apaiq jaq wa achu jaü rong liishaq. Apaiq raq namshiq achu jaü ka tremak miraq. Kriika namshiq jiq.
Ümtiikiiwa piitiip ka arun wan cho akhing she saüjiiq, Aron nai asetiim raq asii hupsam thun nai krai lang chang hupsam thun kra wiita apang chang maq pangbaiq lottoshe angu niitiq, Kohath weraü phan ka waraüta arthun asii ta awii thun kra mipi wan. Kohath weraü phan raq ara chongtiikai asii hupsam thun ka tsangshiq jaq maq shamwa maimak. Riimakla tsangshiq ka atsai miraq. Kohath weraü phan raq Tombutiip kra tiisot wantlaq akhing na jaqsham chang ka arthun ara.
Tatiwe raq Mosheq ma tsii ka akha chong kuqto. Ümtiikiiwa piitiip thun kra siiq wan akhing saütlaq, Aron nai asetiim ka Tombutiip mong na nyap wa chang. Raüta Tongshong Tek kaü khaki na chantlaq khea thum kra lamchang. Raüta kriimaq Tek kra pang chang.
Ümtiikiiwa Mosheq ka Tombutiip mong na Tatiwe rai riibom wa wawantaq, apaiq raq Tatiwe ka Tongshong Tek pang chang hap kriithaq maq cherubim kaü nai chaptlaq heawea maq apaiq rai riibomdam ka taito.
Apaiq raq no ma pünyang ka tiipan lot jai she, apaiq raq no ka Shilo na sheahoto. No rai wiitsam minsaü pongse ashi, kiimaq bunwong wongwin tok roqshi kiimaq spiqtai ka ngamkhü khiiq ashi mali hoho raüta kito. Apaiq raq Samuel ka nonose niili Tatiwe jam Shilo na sitlaq kiijaq shea thükito.
(Asii kheaphu shamti ramwe ka Ahija riito. Apaiq ka Ikabod ma anowe Ahitub se riito. Ahitub ka Phinehas se. Kiimaq Eli ramwe Shilo na sitiwe miika asaü she riito.) Kiijaq siti nokwe riika Jonathan kaiho ka hemak dea riito.
Eli ka tikii kiikaiq she. Asenai raq Israilnok ma jamlai wa ashut kiimung tlaq thun bom ka tairuqli taitlo, kiimaq tsangnai raq Tatiwe sichang jam, kilamchong na jaqshamti jechakre sitlaq krai min kiichamtlo nguta taitlo.