1 SAMUEL 4:3 - ASII LAKDAP Bible (BSI)

³ Rewati abung atiichong ka piitiip na jang wan raüta, Israilnok welabi raq nguto, “Ümchaü ranaiq nashiq ka Tatiwe raq Philistainnok ma jam nguto tiitangta? Nashiq Shilo na walaita Tatiwe Tongshong Tek ka ana piwa rong i. Kra riihaila, apaiq ka nashiq rai mikidam. Raüla, nashiq ka renok jaq wa mitiiwongkuq.”

Hawa Naga Bible 2001

³ Tvraungx luenx wvnc tueq hez kuex jerak nuex yek koq tueq, Israel vyungx vlaungx bix rueq, “Majuiuc raungnuiyq Yehowa rueq yvmx ngoz tueq lac Philistin miqsaz muex tvtaungx gay phvnx? Vpiq kuex naungshiq rulc vdvmz kaz vtueq ralx yauk wawc naungshiq kuex palc wvnc tvkoc Shilo ghaq wawc Yehowa Bomkhvrc Jep kuex lvmz kaz ix,” ngoz tueq rvjungc wuez tueq.

1 SAMUEL 4:3 Referencias Cruzadas

2 SAMUEL 15:25

Kiijiishe hokhamwe raq Jadok ma chongto, “Tongshong Tek ka chela na hali tiijang piwan nong laq. Tatiwe ngi raq ngi miitu ahea thapthi tlaq jiika, akhing ashi na apaiq raq ngi ka ara Tongshong Tek tochang hiqba kiijaq hali mitiijang shea wan nong. Raüta Tek sham liiwanong miitu kiimaq apaiq sichang hiq ba kra liiwa nong miitu akhing mikuq.

1 KAÜWA WERAÜ 17:1

Hokhamwe Dawit ka ümchaü apaiq hokham jam niishe sitlo. Ranaiqshi apaiq raq shammiwe Nathan ka tiihea wato. Raüta apaiq ma akha nguto, “Liilaq ngi ka ümchaü maisak pe maq ahaiha jam na chamtraq sitiikang. Shatmaq Tatiwe Tongshong Tek ka tombutiip niili sitlo!”

Tvtsvmc 74:1

Naishiq ka akha jam nguto tiishaübaiqlaü, O Shiikeawe lei? Ümniika ümsenginok rai pattup pat-sa khiqruqli shea mikhiq haü?

Tvtsvmc 74:11

Ümniiraq naishiq ka jam nguto khrumkuq maü? ümjaq ka ümjai nü na jam nguto paüho laü?

ISAIA 50:1

Tatiwe raq ngutlo, “Ümniinga Ngi raq isenginok ka jobaiqkang maiq weshi raq achak miimbaiqtlaq ikha ngutiisha tiima tlaü? Ikhiijiika, amiim lak ka ümbano? Ümniinga Ngi raq ümniika maiq jaq na shumwi ma shabaiqto, awe raq asetiim ka di ma shaphatlaq ikha ngutiisha tiima tlaü? Riimak, ümniika ümngarai tang kha na shumwi ma maiqjaq khon na wawan laü. Ümnaq maiqdi ma tiiwabaiqtaq kriika ümniiraq kha pahea tang khana tiiwa baiqto.

ISAIA 58:3

Mungmaiqse raq waitlo, “Nashiq raq atu na amang maq achu jaramli wa mijaü, Tatiwe raq chhimak jiika? Nashiq ka dung seahü amang maq jaramli wa misi i, apaiq raq atsantsii kuqmak jiika?” Tatiwe raq tsangshiq ma ngutlo, “Riikhaq tengteng bomtsi ka ara. Namshiq raq amang maq achujaü tlan akhing na, namshiq riika maiqmii miitu kli tiimatlan. Kiimaq namshiq jaqshamtibi ka ahaihii riitlan.

ISAIA 59:1

Tatiwe ka ningkun jomhea namshiq tiichhiilot mak, riimakla nitang biila namshiq raq apaiq jaq wa khrum jaütlan ka trelot mak nguta namshiq raq naq tiima rongkiq!

ISAIA 59:2

Namshiq ngarai asi khana tiina apaiq raq namshiq achujaü trekuq mak. Namshiq ngarai raq namshiq ka Shiikeawe shomnoqtlan akhing na apaiq phana walot man ashang riibaiqtlo.

JEREMIA 3:16

Kiitiikaq namshiq ka kra mung na maiq pahea she mipuchi wan han. Kra akhing mungmaiqse raq ngi raq akuqha tongshong tek miitu ka riibom man she mirhan. Tsangshiq raq kra miitu ka tiimara mak she miraq. Riimakla tsan niimin tiitsang kong mak she miraq. Tsangshiq ma kriika raamak she miraq. Kiimaq anye ashi haiwan nong min rarai mak she miraq.

JEREMIA 7:4

‘Naishiq ka hansang! Arka Tatiwe Shomjam, Arka Tatiwe Shomjam!’ nguta laopha bomtsi chongtlaq kriima naqkam rongkiq she.

WEAWEA 10:33

Riita Israilnok ka asii Sinai pum wa tiido wanto, raüta tsangshiq ka ranaiqtsam tinkhit wawanto. Tatiwe Tongshong Tek ka jang wrapshe tsangshiq ma lam shea sinkhu na wawan lili riitlo. Raüta tsangshiq ma lamjap chang piitiip tei wan chang hiq ba kra rit wan litlo.

WEAWEA 10:35

Riita ümtiikiiwa Tongshong Tek ka wawantlaq, kra akhing na Mosheq raq akha ngutlo, “Tiidolaq, Tatiwe lei; laüta ümjaqtinok thun ka tiipin baiqlaq. Laüta ümnaq ngengtibi ka tiipin miijin jobaiqlaq!”

WEAWEA 31:6

Mosheq raq tsangshiq ka rekhat kaiti rewe thun ka Eleajar se ramwe Phinehas, asii hupsam thun arang hotiwe kiimaq lerong thun kra tsüho ma atiichhiketi arang hotiwe wokhong na tiikito.

TRI CHONGKE 29:24

Kiijiishe mangjong hiq raikhü na siti maiqse tlotli raq miwai, ‘Tatiwe raq atinkhan tsang mung ka jam nguto tiithen baiqta? Apaiq tsan atinkhan khiq chang ka jamlai wa riita?’

TRI CHONGKE 31:26

“Ara Shiikeawe Thungtri lakdap ara jaülaq. Laüta Tatiwe üm Shiikeawe Tongshong Tek siim kiijaq thülaq. Krai mren, ara lakdap ka arnok khuthaq na tsangshiq tiishutti saqse ma mijalaq.

2 Timothy 3:5

Tsangshiq ka rakhütsiri na Phungmaiqse nguta mitiingo. Shatmaq, tsangshiq rilung na, tsangshiq chap anga maq, tsangshiq kamasham ka hiqtili ikhli mitiija baiq. Ümniika akhnok maiq rai ümtiikiimin naq lom damkiq. Ümniika alu na hailaq.

Hebrews 9:4

Kra khok mong niika, chaq ngam maq lo raüta ajop, homseng win honglu chaq chang beongwacha asi. Kiimaq kiijaq Tongshong Tek kra thü tlo. Tongshong Tek kriimin chaq ngam maq ajop raüta ahai. Kra Tongshong Tek mong niika, chaq ngam maq ahai tsabum chü ashi asi. Tsabum mong niika man niiwa, mana athü asi. Kiimaq Aron nyeakii acham arki ka wiijaq tam maq athü asi. Kiimaq longpen kiimin anai asi. Kra longpen kaü nai niika, Shiikeawe raq akuq Aming Roqshi kra waiq raüta athü asi.

JOSHUA 4:7

Namshiq raq tsangshiq ma, Tatiwe Tongshong Tek raq Jordan rai jin wan kiita, Jordan rai kham ka süroq rükito nguta michongkuq han. Ara longkaü phong arka Israilnok ma pattup miitu ümchaü akhing na Jordan rai ka jamkho jin wantaq kra manphan tiitsang chang manphan miraq.”

JOSHUA 6:6

Raüta Joshua raq ramwebi ka heato. Raüta tsangshiq ma akha chongto, “Tongshong Tek pironglaq, lanta kra khaki na wemiishi lamshea lerong doraq maq khum ronglaq.”

JOSHUA 7:7

Raüta Joshua raq akhiishe achu jaüto, “Ajong Pinthum Tatiwe le! Riita, ümniiraq naishiq ka ara Jordan rai reko na jaramli wa sheawan laü? Naishiq ka Amoraiqnok jaq na kiinongkebaiq miishea shea wan laü? Naishiq ka ashthen baiq miitu shea? Riita, naishiq ka Jordan rai reko niili jamto simai riikai?

JOSHUA 7:8

O, Tatiwe lei, ngi raq jamlai she wa michong? Israilnok ri rekhat tang mak dea jangkitaq?

1 Peter 3:21

Kra rathup jüjang wantaq liichum ka, ümchaü namshiq raq kham lam tlan kra lümaq, namshiq khum tiichhii kuq tlaq kra tiiji shi kuqto. Kriika han-ngam khum wa ashe ashi maqraiq hebaiq riimak. Shatmaq Shiikeawe ma tsantsii siirairai maq kiqkham raüpot khake wan achu jaü bomtsi. Ara lümq namshiq ka Jesuq Khristo amaa wa dongwantaq ningkun maq chhiito.

Jude 1:5

Riita, ija, namshiq riimin la arthun arka asap han dongdii ngutiika, ngi riimin asap ha. Li jiimin, ngi raq namshiq ma thongshi ri hali bliiq chongke nong ro tiikang. Namshiq raq asap han, Tatiwe raq Israilnok ka Ejip mung wa tiichhii kuq wanto. Shatmaq, kra jai miishe, tsangshiq phong wa, maiq ümchu riiwa Shiikeawe ma kamwan mak riitaq, kriiti thun ka Shiikeawe raq wiita tsatbaiq wanto.

1 SAMUEL 1:24

Apaiq raq no ma pünyang ka tiipan lot jai she, apaiq raq no ka Shilo na sheahoto. No rai wiitsam minsaü pongse ashi, kiimaq bunwong wongwin tok roqshi kiimaq spiqtai ka ngamkhü khiiq ashi mali hoho raüta kito. Apaiq raq Samuel ka nonose niili Tatiwe jam Shilo na sitlaq kiijaq shea thükito.

1 SAMUEL 14:18

Kiijiishe Saul raq ramwe Ahija ma, “Asii kheaphu ka lamwakiq,” nguta thaüto. (Kra ranaiq Ahija raq asii kheaphu ka Israilnok makki na pi raüta khumto.)

1 SAMUEL 4:2

Philistainnok raq Israilnok ka khatto. Kiimaq henghea riikhat jai tsangshiq raq Israilnok ka tangto, kiimaq maiq hingblai tin rekhat chang binjü na jiipbaiqto.