1 Peter 3:1 - ASII LAKDAP Bible (BSI) Akhiisii hali, Phungmaiqse ta-nyungre lei, namshiq min maiqmii we asetiim wokhong na saksi minmi maq shongnga raa tlo. Namshiq rong arai athuk atsom maq siwan kra chhi raüta, tsangshiq phong wa, weshi ra ka Tsütsa Ahea ma kam makti li siraü min, mikam wan. Akha shonga han jiika, namshiq raq tsangshiq ma kamwan ronglaq, nguta chongke rea ngo min rarai mak li. Hawa Naga Bible 2001 Kvrulc rv-ngvlc vnyuiuz tamx lex, miqmac taungwaz rueq shunshvlx yaq kvkhoc phvnx wuez shuinz, kvkhoc phvnx vtueq nuimshiq nuex Tishox bomjungc muex kvmluimx muq shauk vtaungx waz lomx ruiux kuex, nuimshiq rueq phvnx shuinx honc vyaungc kvraq tsuingshiq kuex kvmluimx wvnc tuex, nuimshiq rueq nuix maq jungc kuy muinz rac muq, Muklom Irimal hun himteynu tang, nim ni nim himteywa jaktáng o tong inn, irimal ang ajo ning wang chamtey Shkewa raaq han moq ang ajo himteynu tang aa ning sha tho uhan eq ma jin solna. Iri raaq raa raaq eq ang moq etharin himteynu tang dangjang wang, |
Kiimaq apaiq raq jechak nyung ma nguto, “Ngi raq ümsewok hotlaü liipan na chamchao mitiipaha. Kiimaq nowüchhi na tsihea mitiitsiha. Atinkhan chamchao taü miimin, ümwese ma roriitsi ka ümtsan na tsi ruqli miraq. Li jiimin ümniika apaiq wokhong na misi haü.”
Kechu jaqsham tsingo ka rilung, shatmaq matsaü tsase jaqsham riika, maiq miisaq mithum.
Phunaino ka khrum laq; apaiq raq ümnaq mikhrum kuq. Chela kiitelong ruk ikha miraq, shatmaq apaiq rai riitso haüla, apaiq raq kilü ashaq miraq.
“Üm phuno we raq ümniima ashut klo kiiphaü la ümniika apaiq phana kilaüta riihum laq. Laüta, apaiq raq jamlai phan no shuttaq kra achong riikuq laq. Kriika namnai honhon liipan niili riichong ronglaq. Apaiq raq ümbom kra tai raüla, namnai liipan na kiq ram lan she ngushat.
Shatmaq, ara chong wan tiikai, Tsütsa Ahea chongkuq wantaq arma, tsangshiq wiitarü raq kamwan mak dea riito. Tsangshiq wiitarü raq kamwan mak dea riito nguta arka, Shammi Isaia raq hali, “Tatiwe, naishiq raq chongkuq wankai tsütsa ahea kiima maiq ümchuro kamwan ta?” nguta waitlaq arwa sap tiikai.
Shatmaq nashiq raq Shiikeawe ma kechutum chang jonghea sitlo! Akhing ashi na, namshiq ka namshiq tsan na ngarai tsii raq jaü tlaq, kra bom tai lanta, ngarai disetiim ma jawan lanta silan. Shatmaq, ümchaü sanha, namshiq raq tsan atsii kunli kiinong kuq lanta, namshiq ma achongkuq tengteng bomtsi kra lang tlan.
Akhiisii hali, maiq ma waje jechak nyungshi sitlaq kriika, awese rai maiqlam thungtri wokhong na, ata-nyung ashi jamkha sichang wa kiikha siwan raa tlo. Atawe atra siruq wiiwii ka, maiqlam tri wokhong na sichang. Shatmaq, awese tsaikai jai she riiwe kla, apaiq ka kra tri mong wa adongho milot.
Shatmaq namshiq raq ara bomtsi ara tiina atsaü maq sap ronglaq. Khristo ka maiqse angu wiitarü thaq na ajong akhupo. Kiimaq awese ka tsang-nyung thaq na ajong akhupo. Kiimaq Shiikeawe ka Khristo thaq na ajong akhupo.
jechakre riika noqku liipan bala, kaiqshakshak maq nga raütli tai chang. Jehudinok thungtri na chongtlaq krai mren, tsangshiq raq bomchong kai ka ang mak. Tsangshiq raq shunshea kiimin raa mak.
Phungmaiqse tanyung lei, ümniiraq ümtawe ka mitiichhii wan lot haü nguta riikhaqli saplot maü. Phungmaiqse tawe lei, ümniiraq ümtanyung ka mitiichhii wan lot haü nguta riikhaqli saplot maü.
Shatmaq, ara liichum arka namshiq miitu min chong tlo. Awesetek raq ata-nyung ka apaiq maiqmii khum mangchan tlaq kiikha mangchan raa tlo. Kiimaq ata- nyungtek riimin, awese ka kai shreng raüta shongnga raa tlo.
Ata-nyungre lei, namwetiim wokhong na sirong laq. Phungmaiqse rilung ngutiikai ka ara nangnga ngutiikai.
Thatsang maiqsetiim rai riibom lam maq, tsiilam shat maq sirong laq. Tsangshiq rai riihum tlan akhingtek na, nambom namsa na Phungmaiqse rilung angu asi maq bom ronglaq. Lanta kra riihum akhing ka amiinu asi ma tiija ronglaq.
Tati Jesuq ka, kra akhing na, walüli rai tlaq ikha misaüho. Raüta apaiq raq Shiikeawe bomtsi shisheti thun nai nashiq Tati Jesuq bomtsi, Tsütsa Ahea kra lang makti thun ka, wiita mitiichamchao wan.
Shiikeawe raq Abraham ma, mung ashi mikuq kang nguta kiqkham kuqto. Krai mren, Abraham raq Shiikeawe ma kamtsantsii thüto. Raüta, apaiq ka ümba na saüho chang wa, kriimin sap mak miili, ahiqshong arahai kra miimthü raüta, Shiikeawe raq shunshea tlaq kra phanphan, Shiikeawe raq akuq tachong hiqshong mung kiina kihoto.
Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.
Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.
Namshiq raq tsangshiq shreng lanta, rong arai asii, kiimaq athuk atsom maq, shongnga tlan kra chhi raütli she, tsangshiq tsiitsii maq, Tsütsa Ahea ma mikam wan.
Phungmaiqse awesetiim lei, namshiq raq namnyungre ka samhea wiq lungwii lanta, shongnga rong laq. Tsangshiq jechakre ngutlaq ka, maiqwe nam ma tsan nin. Ata-nyungre ma jamlai phan wa rong raa tlaq kra, ahea wiq maq shreng lanta, shiikum pan kuq ronglaq. Tsangshiq min la, namshiq awere rai Shiikeawe kongphiq asak tsitsü rilung kra lap damti. Namshiq awesere raq akha namnyungre rai shongnga han jiika, Shiikeawe raq namshiq achu jaü ka mitre kuq.
Phangthum Khapho ranaiq saüho miika ajeli she. Shiikeawe raq asengi kha ka kongkhu mipho phaho. Shiikeawe raq nashiq kha ka kongkhu mipho. Ikhiijiika, Shiikeawe raq atiichongki Tsütsa Ahea ma kam wan makti ka Shiikeawe raq ümtinkhan she wa tiichamchao jiiq riila! Kra chamchao ngutlaq kriika, achonglot mai phiiptsi chang!