Joshua 19:48 - BIBELE Ena ke yona naha ya morabe wa bana ba Dane, le metse le metsana ya yona, ho ya ka malapa abo bona. Sesotho 1909/1961 (SO) Ke leo lefa la leloko la bana ba Dane ka matlo a bona; ke eo metse le metsana ya yona. |
“Ana ke mabitso a merabe. Moedi wa naha ya Dane o tla tloha ka leboya, o ye lebopong la lewatle, ka tsela e lebang Hetelone, ha motho a eya Hamate le Hasere-Enane, o yo fihla moeding o ka leboya wa Damaseka, lekgalong la Hamate. Ho tloha botjhabela ho ya bophirimela Dane o tla abelwa karolo e le nngwe ya naha.
Bana ba Dane ba ne ba haellwa ke naha ya bona, mme ba nyoloha, ba futuhela Lesheme. Ba e hapa, ba bolaya baahi ba yona ka sabole, ya eba ya bona. Ba aha ho yona, yaba Lesheme ba se ba e bitsa Dane ka ho e reella ntata bona Dane.
Ha Baiseraele ba qetile ho aba naha eo e leng lefa, ka ho seha meedi ya yona, yaba bana ba Iseraele ba nea Joshua, mora wa Nune, naha ya hae kahara ya bona.