Joshua 19 - Sesotho 1909/1961 (SO)

Naha ya leloko la Simeone.

¹ Karolo ya bobedi ya laolelwa Simeone, ke ho rea, leloko la bana ba Simeone ka matlo a bona; lefa la bona la eba hara lefa la bana ba Juda.

² Lefeng la bona ha eba Beerseba, Sheba, Molada;

³ Hatsare-Shuale, Bala, Atseme;

⁴ Eltholade, Bethule, Horma;

⁵ Tsiklage, Bethe-Markabothe, le Hatsare-Susa;

⁶ Bethe-Lebaothe, le Sharuhene: ke metse e leshome le metso e meraro, le metsana ya yona.

⁷ Aine, Rimmone, Ethere, le Ashane: ke metse e mene le metsana ya yona.

⁸ Le metsana yohle e teetseng metse eo hare kahohle ho isa Baalathe-Beere, e leng Rama wa borwa. Ke leo lefa la leloko la bana ba Simeone, ka matlo a bona.

⁹ Lefa la bana ba Simeone la arolwa karolong ya bana ba Juda; hobane karolo ya bana ba Juda e ne e ba sita; ebile ke moo bana ba Simeone ba abetsweng lefa la bona lefeng la bao.

Naha ya leloko la Sabulone.

¹⁰ Karolo ya boraro ya laolelwa bana ba Sabulone ka matlo a bona.

¹¹ Moedi wa lefa la bona o fihla Saride; moedi wa bona hape o leba Mareala, nqa bophirimela, o fihla Dabbeshethe, o ya le nokeng e pela Jokneame.

¹² Ha o tloha Saride, o pota ka nqa botjhabatsatsi naheng ya Kislothe-Thabore, o ntoo fetela Dabrathe, o nyolosetsa Jafia;

¹³ teng o fetela pele nqa botjhabela ho ya fihla Gittha-Hefere, le Ittha-Katsine, o ya le Rimmone, o ntoo pota ho isa Nea.

¹⁴ Moedi o boela o pota ka nqa leboya ho Hannathone, o ya fella sekgutlong sa Jiftha-Ele.

¹⁵ Hape, ke Katthathe, Nahalale, Shimrone, Jideala, le Bethlehema: ke metse e leshome le metso e mmedi le metsana ya yona.

¹⁶ Ke leo lefa la bana ba Sabulone ka matlo a bona; ke eo metse le metsana ya yona.

Naha ya leloko la Issaskare.

¹⁷ Karolo ya bone ya laolelwa Issaskare, ke ho re, bana ba Issaskare ka matlo a bona.

¹⁸ Moedi wa bona o lebile Jisreele le Kesullothe, le Shuneme;

¹⁹ le Hafaraime, le Shione, le Anaharathe,

²⁰ le Rabbithe, le Kishione, le Abetse,

²¹ le Remethe, le Ene-Gannime, le Ene-Kadda, le Bethe-Patsetse.

²² Moedi o ntoo fihla Thabore, le Shakatsima, le Bethe-Shemeshe; hape moedi wa bona o ya fella Jordane: ke metse e leshome le metso e tsheletseng le metsana ya yona.

²³ Ke leo lefa la leloko la bana ba Issaskare ka matlo a bona; ke eo metse le metsana ya yona.

Naha ya leloko la Asere.

²⁴ Karolo ya bohlano ya laolelwa leloko la bana ba Asere ka matlo a bona.

²⁵ Moedi wa bona ke Helkathe, le Hali, le Bethene, le Aksafe;

²⁶ le Allammeleke, le Ameade, le Misheale; nqa bophirimela o ya fihla Karmele le Shikore-Libnathe.

²⁷ Nqa botjhabatsatsi, o pota Bethe-Dagone, o fihla Sabulone, le sekgutlong sa Jiftha-Ele, nqa leboya ho Bethe-Emeke, le Nejele; o ntoo fetela Kabule ka ho le letshehadi;

²⁸ le Ebrone, le Rehobe, le Hammone, le Kana, ho isa Sidone e moholo.

²⁹ Moedi o ntoo leba Rama, ho isa le motseng o morako wa Tire; moedi o ya le Hosa, mme o ya fella lewatleng, ho tloha Helebe, ho isa Aksibe.

³⁰ Hape, ke Umma le Afeke, le Rehobe: ke metse e mashome a mabedi a metso e mmedi le metsana ya yona.

³¹ Ke leo lefa la leloko la Asere ka matlo a bona; ke eo metse le metsana ya yona.

Naha ya leloko la Nefthali.

³² Karolo ya botshelela ya laolelwa bana ba Nefthali, ke ho re, bana ba Nefthali ka matlo a bona.

³³ Moedi wa bona o tloha Helefe, eikeng e pela Tsaanannime, le Adami-Nekebe, le Jabneele, ho isa Lakkume, o ntoo fella Jordane.

³⁴ Moedi o boela o leba nqa bophirimela ho isa Asnothe-Thabore; o tloha teng ho ya fihla Hukkoke, o ya le Sabulone nqa borwa, mme o ya le Asere nqa bophirimela, le Juda, le Jordane nqa botjhabatsatsi.

³⁵ Hape, metse e marako ke Tsiddime, Tsere, Hammathe, Rakkathe, le Kinnerethe;

³⁶ Adama, Rama, Hatsore;

³⁷ Kedeshe, Edrei, le Ene-Hatsore;

³⁸ Jireone, Migdale-Ele, Horeme, Bethe-Anathe, le Bethe-Shemeshe: ke metse e leshome le metso e robileng mono o le mong le metsana ya yona.

³⁹ Ke leo lefa la leloko la bana ba Nefthali ka matlo a bona; ke eo metse le metsana ya yona.

Naha ya leloko la Dane.

⁴⁰ Karolo ya bosupa ya laolelwa leloko la bana ba Dane, ka matlo a bona.

⁴¹ Moedi wa lefa la bona ke Tsorea, le Eshthaole, le Ire-Shemeshe,

⁴² le Shaalabbine, le Ajalone, le Jithla,

⁴³ le Elone, le Thimnatha, le Ekrone,

⁴⁴ le Eltheke, le Gibbethone, le Baalathe;

⁴⁵ le Jehude, le Bene-Berake, le Gathe-Rimmone,

⁴⁶ le Me-Jarkone le Rakkone, hammoho le naha e mabapa le Jafo.

⁴⁷ Naha ya bana ba Dane ya boela ya tswela kantle ho moo e neng e le ha bona; hobane bana ba Dane ba ile ba futuhela Lesheme, ba o kena, ba bolaya ba teng ka bohale ba lerumo, ba o rua, mme ba aha teng, ba bitsa Lesheme Dane ka lebitso la ntata bona, Dane.

⁴⁸ Ke leo lefa la leloko la bana ba Dane ka matlo a bona; ke eo metse le metsana ya yona.

Motse wa Thimnathe-Sera o newa Joshua.

⁴⁹ Eitse hobane ba qetelle ho arola naha ho e etsa lefa la bona, ka meedi ya bona, bana ba Iseraele ba nea Joshua, mora Nune, lefa hara bona.

⁵⁰ Ka taelo ya Jehova, ba mo nea motse oo a o kopileng, Thimnathe-Sera, thabeng ya Efraime; mme a haha motse, a dula teng.

⁵¹ Ke ao mafa ao moprista Eleasare, le Joshua, mora Nune, le dihlooho tsa bontata meloko ya bana ba Iseraele ba a abileng ka lotho, Silo, pela Jehova, monyako wa tente ya pokano. Ba phetha jwalo ho aba naha.