Eksoda 17:2 - BIBELE

Yaba setjhaba se ipelaetsa ho Moshe, se re: “Re fe metsi, re nwe!” Moshe a re ho sona: “Ke hobaneng ha le ipelaetsa? Le lekelang Morena?”

Sesotho 1909/1961 (SO)

Yaba setjhaba se tsekisa Moshe, sa re: Re feng metsi, re nwe! Moshe a re ho bona: Le ntsekisetsang? Le lekelang Jehova?

Eksoda 17:2 Referencias Cruzadas

Dipesaleme 106:13

Empa ba phakisa ho lebala, ho lebala diketso tsa hae, ba tlohela ho batla keletso ho yena.

Dipesaleme 106:14

Ba mpa ba laolwa ke ditakatso tsa bona lefeelleng, ba leka Modimo ba le lehwatateng.

Dipesaleme 78:18

Pelong tsa bona ba leka Modimo, ba batla dijo tseo ba di lakatsang.

Dipesaleme 78:41

Ba nna ba leka Modimo kgafetsa, ba utlwisa Ya Halalelang bohloko, Ya Halalelang wa Iseraele!

Dipesaleme 78:56

Empa ba leka Modimo Ya Hodimodimo, ba mo leka ka ho mo fetohela, ba se ke ba mamela ditemoso tsa hae;

Dipesaleme 95:8

se thatafatseng dipelo tsa lona jwaloka mohla Meriba, jwaloka mohla Masa, lehwatateng;

Dipesaleme 95:9

moo bo-ntata lona ba ileng ba nteka teng, ba nnonya leha ba ne ba bone diketso tsa ka.

Eksoda 15:24

Setjhaba sa korotlela Moshe, sa re: “Re tla nwa eng?”

Eksoda 16:8

Moshe a re: “Ke Morena ya tla le fa nama mantsiboya, hore le je; le bohobe hoseng, hore le kgore, hobane o utlwile kamoo le mo korotlelang kateng. Rona re bo-mang? Ha le korotlele rona, le korotlela Morena.”

Eksoda 17:7

Sebaka seo sa rewa lebitso la Masa le Meriba , ka baka la ho ipelaetsa ha bana ba Iseraele, le ka baka la hobane ba ne ba leka Morena, ha ba re: “Na Morena o teng hara rona, kapa tjhe?”

Eksoda 5:21

mme ba re ho bona: “Morena a ke a le bone, a le ahlole, hobane le entse hore re be batho ba kgopo mahlong a Faro, le mahlong a bahlanka ba hae, la ba nea sabole matsohong, hore ba re bolaye!”

Isaia 7:12

Empa Akase a re: “Nke ke ka kopa letho, nke ke ka bea Morena tekong.”

Malakia 3:15

Rona re re ya ikgohomosang ke yena ya lehlohonolo; ba etsang bokgopo ke bona ba atlehang. Ba ile ba phephetsa Modimo, empa ba se ke ba hlahelwa ke letho.’ ”

Numere 14:2

Bana ba Iseraele bohle ba korotlela Moshe le Arone, mme setjhaba sohle sa re ho bona: “Hoja re hlile ra shwella naheng ya Egepeta, kapa ebe re shwetse lehwatateng lena!

Numere 14:22

batho bohle ba boneng tlotla ya ka le dipontsho tsa ka tseo ke di entseng Egepeta le lehwatateng, empa ba ntekileng ka makgetlo ana a leshome, ba hana ho mamela lentswe la ka;

Numere 21:5

Setjhaba sa nyatsa Modimo le Moshe, sa re: “Ke hobaneng ha le re nyolotse Egepeta, hore re tlo shwela moo lehwatateng? Mona ha ho na dijo, ha ho na le metsi, re tenehile le ke dijo tsena tse mpe!”

Mattheu 4:7

Jesu a re ho yena: “Le teng ho ngotswe, ho thwe: ‘O se ke wa leka Morena Modimo wa hao.’ ”

Luka 15:12

E monyenyane a re ho ntatae: ‘Ntate, mphe karolo ya leruo eo e leng ya ka.’ A ba arolela leruo la hae.

Luka 4:12

Jesu a araba, a re ho yena: “Ho itswe: O se ke wa leka Morena Modimo wa hao!”

Diketso 15:10

Jwale ekaba le lekelang Modimo ka ho jarisa barutuwa joko eo rona le bo-ntata rona re sitilweng ho e jara?

Diketso 5:9

Petrose a re ho yena: “Ke ka baka lang le dumellaneng ho leka Moya wa Morena? Utlwa diqi tsa ba tswa epela monna wa hao di monyako, le wena ba tla o nkela kantle.”

1 Bakorinthe 10:9

Re se ke ra leka Morena, jwalokaha ba bang ba bona ba ile ba mo leka, mme ba bolawa ke dinoha.

Deuteronoma 6:16

“O se ke wa leka Morena Modimo wa hao, jwalokaha o ile wa mo leka ha o le Masa.

Deuteronoma 9:22

“Hape ha le le Tabera, le Masa, le Kiborote-Hatafa, le teng le ne le halefise Morena.

BaHebheru 3:9

moo bo-ntata lona ba ileng ba nteka teng, ba nnonya, leha ba ne ba bone diketso tsa ka

1 Samuele 8:6

Empa ntho ena ya se ke ya thabisa Samuele, ha ba re: “Re nee kgosi e tla re busa.” Yaba Samuele o rapela Morena.