Numere 23:10 - Sesotho 1909/1961 (SO)

A ke mang ya ka balang lerole la Jakobo, ya ka bolelang karolo ya bone ya palo ya Iseraele? A nke ke shwe lefu la ba lokileng, mme bofelo ba ka bo tshwane le jwa bona!

BIBELE

Ke mang ya ka balang ditloholo tsa Jakobo? Ke mang ya ka balang karolo ya bone ya Baiseraele? A nke ke shwe lefu la ba lokileng! Pheletso ya ka e ke e tshwane le ya hae.”

Numere 23:10 Referencias Cruzadas

Genese 13:16

Ke tla atisa ditloholo tsa hao jwaloka lerole la lefatshe, hore ha motho a ka tseba ho bala lerole la lefatshe, le ditloholo tsa hao a tsebe ho di bala.

Genese 22:17

ho hlohonolofatseng ke tla o hlohonolofatsa, mme ho atiseng ke tla atisa moloko wa hao, o be ka ka dinaledi tsa mahodimo le lehlabathe le lebopong la lewatle, mme moloko wa hao o tla rua dikgoro tsa dira tsa wona.

Genese 28:14

Ditloholo tsa hao di tla ba ka ka lerole la lefatshe; o tla namela bophirimela le botjhabela, le leboya le borwa, mme mefuta kaofela ya lefatshe e tla hlohonolofalla ho wena le ho mofuta wa hao.

Dipesaleme 116:15

Ho leng thata mahlong a Jehova, ke lefu la bakgethehi ba hae.

Dipesaleme 37:37

Lemoha ya lokileng, o tadime motho wa toka; hobane motho wa kgotso o sa tla bona ditloholo,

Diproverbia 14:32

Moetsadibe o kgoholwa ke bobe ba hae; empa motho ya lokileng o na le tshepo le lefung.

Numere 2:16

Bongata jwa ba ngodilweng, ba diahelo tsa ntlo ya Rubene, ya eba dikete tse lekgolo le le leng le nang le mashome a mahlano a motso o mong, tse nang le makgolo a mane a nang le mashome a mahlano, ka palo ya makgotla a bona. Ke bona ba tlang ho tloha ba bobedi.

Numere 2:24

Bongata jwa ba ngodilweng, ba diahelo tsa ntlo ya Efraime, ya eba dikete tse lekgolo le le leng le metso e robileng meno e le mmedi, tse nang le lekgolo le le leng, ka palo ya makgotla a bona. Ke bona ba tlang ho tloha ba boraro.

Numere 2:31

Ke bona ba tlang ho tloha ba ho qetella le difolaga tsa bona.

Numere 2:9

Bongata jwa ba ngodilweng, ba diahelo tsa ntlo ya Juda, ya eba dikete tse lekgolo le le leng le nang le mashome a robileng meno e le mmedi a metso e tsheletseng, tse nang le makgolo a mane, ka palo ya makgotla a bona. Ke bona ba tla tloha pele.

Numere 31:8

Ba bolaya marena a Midiane; boEvi, le Rekeme, le Tsure, le Hure, le Reba, marena a mahlano a Midiane, le yena Balaame, mora Beore, ba mmolaya ka lerumo.

2 Bakorinthe 5:1

Efela re a tseba hoba mohla ntlo ena ya rona ya lefatshe, e kang motlotlwane, e senyehang, re na le leaho mahodimong le tswang ho Modimo, e leng ntlo e sa kang ya etswa ka matsoho, e sa feleng.

Tshenolo 14:13

Yaba ke utlwa lentswe le tswang lehodimong, le re ho nna: Ngola: Ho lehlohonolo bafu ba shwelang Moreneng ho tloha jwale! Moya o re: E, hoba ba ya phomola mesebetsing ya bona; hobane mesebetsi ya bona e a ba latela.