Joele 2:7 - Sesotho 1909/1961 (SO)

Ba matha jwaloka dinatla, ba hlwella lerako jwaloka banna ba ntwa; e mong le e mong o ya ka tsela ya hae, ha ba fapanyetsane ditsela.

BIBELE

Le kgoroha jwaloka bahale, le hlwa marako sa bahlabani. Le tsamaya le tobile pele feela, theko ya lona e entse lekaka.

Joele 2:7 Referencias Cruzadas

2 Samuele 1:23

Saule le Jonathane ba ne ba rateha, ba kgahleha ho pheleng ha bona; le ho shweng ha bona ha ba ka ba kgaohanngwa; ba ne ba le lebelo ho feta dintsu, ba le matla ho feta ditau.

2 Samuele 5:8

Davida a re tsatsing leo: Ya tla qhala Bajebuse, a be a fihle forong ya metsi ho dihole le difofu tse hloilweng ke pelo ya Davida, o tla hlohonolofala. Ke ka baka leo ho thweng: Difofu le dihole ke tseo, a ke ke a kena hae ha tsona.

1 Dikronike 12:36

Ho Baasere, ha tla ba dikete tse mashome a mane, ba lemaletseng ho futuha, ba tsebang ntwa.

Jobo 16:14

wa nntsha leqeba hodima leqeba, wa mphallela jwaloka mohale.

Dipesaleme 19:5

le tloha jwaloka monyadi ha a tloha tlung ya hae, le thaba jwaloka mohale ya mathelang lephallong;

Diproverbia 30:27

ke ditsie, leha di se na marena, di tsamaya ka makgotla;

Jeremia 5:10

Hlwellang marakong a hae, le ripitle, empa e se be ho a fedisetsa ruri; fotholang merara ya hae, hobane hase ya Jehova.

Joele 2:8

Ha ba sututsane, e mong le e mong o ya ka tsela ya hae, ba itihela hara dibetsa, mme ha ba hlajwe.

Joele 2:9

Ba matha le motse, ba matha hodima lerako, ba hlwella matlung, ba kena ka difenstere jwaloka leshodu.