Jobo 26:8 - Sesotho 1909/1961 (SO)

O thibela metsi marung a wona, mme maru ha a phatlohe ka boima ba wona.

BIBELE

O phuthetse metsi kahara maru a hae; ha ho leru le phatlolwang ke boima ba metsi!

Jobo 26:8 Referencias Cruzadas

Jobo 36:29

Ke mang ya utlwisisang ho otlana ha maru, le modumo oo tente ya wona e dumang ka wona?

Jobo 38:37

Ke mang ya fihletseng palo ya maru ka bohlale ba hae, mme ke mang ya ka tshelang makuka a mahodimo,

Jobo 38:9

ha ke tla le fa maru ho ipopa ka wona, le mehodi e metenya ho iphutela ka yona;

Dipesaleme 135:7

Ke yena ya tsosang maru dipheletsong tsa lefatshe, ya nesang dipula ka diaduma, ya ntshang meya dipolokelong tsa hae;

Dipesaleme 147:8

O thiba lehodimo ka maru, o lokisa pula ho na lefatsheng; o medisa jwang dithabeng;

Diproverbia 30:4

Ke mang ya nyolohetseng lehodimong, a ba a theoha a etswa teng? Ke mang ya fuparetseng moya letsohong la hae? Ya bokeletseng mawatle kobong ya hae ke ha e le mang? Ke mang ya tiisitseng dipheletso tsa lefatshe? Lebitso la hae ke mang? Ke mang lebitso la mora hae, ha o fela o tseba?

Diproverbia 8:28

mohla a tiisang maru hodimo; mohla a bilosang mehlodi ya madiba;

Isaia 5:6

ke tla e senya, e se hlole e hlaholwa, e lengwa, mme e mele dibajwa le meutlwa; mme ke tla laela maru hore a se hlole a nesetsa pula ho yona.

Jeremia 10:13

Ha o phahamisa lentswe, modumo wa metsi o ye o be teng mahodimong; o nyolosa mehodi dipheletsong tsa lefatshe; ka lehadima o nesa pula, o ntsha moya matlotlong a wona.