Eksoda 40:2 - Sesotho 1909/1961 (SO)

Ka tsatsi la ho qala la kgwedi ya pele, o tle o hlome tabernakele ya tente ya pokano.

BIBELE

“Ka letsatsi la pele, la kgwedi ya pele, o tla hloma Leaho, Tente ya Morena.

Eksoda 40:2 Referencias Cruzadas

1 Dikronike 17:5

Athe ha ke eso ho dule tlung, haesale ke nyolla Iseraele Egepeta ho fihlela jwale, ke mpa ke nnile ka tswa tenteng e nngwe ka kena ho e nngwe, ka tloha tulong se seng ka kena ho se seng.

2 Dikronike 29:3

Ka selemo sa ho qala sa ho busa ha hae, ka kgwedi ya pele, a bula mamati a ntlo ya Jehova, mme a a lokisa.

Eksoda 13:4

Le tswile ka tsatsi lena, ka kgwedi ya Abibe.

Eksoda 19:1

Ka kgwedi ya boraro hobane bana ba Iseraele ba tswe lefatsheng la Egepeta, ka lona letsatsi leo, ba kena lefeelleng la Sinai.

Eksoda 26:1

O tla etsa tabernakele ka masela a leshome a lene e ntle e lohilweng, a purepera, a sekarelata, a krimsone; o tla homela dikerubime ho wona, e be mosebetsi o etswang ka masene.

Eksoda 26:30

O hlome tabernakele ka mokgwa oo o o bontshitsweng thabeng.

Eksoda 26:7

O tlo o etse masela a boya ba podi ho etsa tente ya tabernakele; o tle o etse masela a jwalo a leshome le motso o mong.

Eksoda 27:21

Aarone le bara ba hae ba tla e qhatsa ka tenteng ya pokano, kantle ho lesira le pela bopaki, hore e bonese ho tloha mantsiboya ho isa hosasa, pela Jehova. Hoo e tla ba taelo e sa feleng ho bana ba Iseraele melokong ya bona.

Eksoda 30:36

O di tudisise haholo, o di bee pela bopaki, tenteng ya pokano, moo ke tla teana le wena teng; ho lona e tla ba ntho e kgethehileng haholo.

Eksoda 35:11

e le tabernakele le tente ya yona, le sekgurumetso sa yona, le mahokelo a yona, le dipolanka tsa yona, le maballo a yona, le ditshiya tsa yona, le didulwana tsa yona;

Eksoda 36:18

Hape, ha etswa dikgoketsane tsa koporo ho kopanya tente, hore e etse ntho e le nngwe.

Eksoda 40:1

Yaba Jehova o bolella Moshe, a re:

Eksoda 40:6

Aletare ya ditjheso yona o tla e bea pela monyako wa tabernakele ya tente ya pokano.

Ezekiele 40:1

Selemong sa mashome a mabedi a metso e mehlano sa kgoleho ya rona, qalong ya selemo, ka la leshome la kgwedi, ho se ho le dilemo tse leshome le metso e mene motse o sentswe, ka lona tsatsi leo, letsoho la Jehova la eba ho nna, mme a ntlisa mona.

Ezekiele 45:18

Morena Jehova o re: Kgweding ya pele, ka tsatsi la ho qala la kgwedi, o tla nka pohwana e se nang sekodi, ka yona o hlatswe sehalalelo.

Numere 1:1

Ka selemo sa bobedi sa ho tloha ha bona lefatsheng la Egepeta, ka tsatsi la pele la kgwedi ya bobedi, Jehova a bua le Moshe, lefeelleng la Sinai, ka tenteng ya pokano, a re:

Numere 7:1

Ka letsatsi leo Moshe a qetang ho emisa tabernakele, a e tlotsa, a e halaletsa le mesebetsi yohle ya yona, le aletare, le mesebetsi yohle ya yona; a di tlotsa, mme a di kgetha.

Numere 9:1

Ka kgwedi ya pele ya selemo sa bobedi hobane Baiseraele ba tlohe Egepeta, Jehova a bua le Moshe feelleng la Sinai, a re:

Numere 9:15

Ka tsatsi leo ho emisitsweng tabernakele ka lona, leru la kgurumetsa tabernakele, e leng tente ya bopaki; mantsiboya ha eba hoo e kang mollo hodima tabernakele ho fihlela hosasa.