Eksoda 26:1 - Sesotho 1909/1961 (SO)

¹ O tla etsa tabernakele ka masela a leshome a lene e ntle e lohilweng, a purepera, a sekarelata, a krimsone; o tla homela dikerubime ho wona, e be mosebetsi o etswang ka masene.

BIBELE

¹ “Hape o tla etsa leaho ka masira a leshome, a entsweng ka lesela la lene, a loehileng, le a maputswa, le a perese, le a mafubedu; setsebi se lohelle ditshwantsho tsa dikerubime ho wona.

Eksoda 26:1 Referencias Cruzadas

2 Samuele 7:2

morena a re ho moporofeta Nathane: Bona hle, nna ke ahile tlung ya dikedare, athe areka ya Modimo e dutse tlasa masela.

1 Marena 6:29

A ntoo betlela maboteng wohle a ntlo ditshwantsho tsa dikerubime, le tsa dipalema, le tsa dipalesa tse thuntseng, ho qala kahare, ho isa kantle.

1 Dikronike 17:1

Eitse Davida ha a se a kene tlung ya hae, Davida a re ho moporofeta Nathane: Bona hle, nna ke ahile tlung ya dikedare, athe areka ya selekane sa Modimo e dutse tlasa masela.

1 Dikronike 21:29

Motsotsong oo, tabernakele ya Jehova, e na beng e entswe ke Moshe nahathothe, le aletare ya ditjheso, di ne di le nqalong e phahameng ya Gibeone;

Eksoda 25:18

Hape, o etse dikerubime tse pedi tsa kgauta: o tle o di etse ka kgauta e teilweng, o di bee dintlheng tse pedi tsa sekwahelo.

Eksoda 25:4

purepera, sekarelata, krimsone, lene e ntle le boya ba podi;

Eksoda 25:8

Ba tla nketsetsa nqalo e halalelang, ke tle ke dule hara bona.

Eksoda 26:2

Bolelele ba lesela le leng e tla ba ditswe tse mashome a mabedi a metso e robileng meno e le mmedi, bophara ba lona e be ditswe tse nne; masela wohle a etswe ka tekanyo e tshwanang.

Eksoda 26:31

O tla etsa lesira le purepera le sekarelata le krimsone le lene e ntle e lohilweng; le tle le etswe ka mokgwa wa mosebetsi o etswang ka masene, mme ho homelwe dikerubime ho lona.

Eksoda 26:36

O tle o etsetse monyako wa tente lesela la la purepera le sekarelata le krimsone le lene e ntle e lohilweng, e be mosebetsi o homilweng.

Eksoda 31:7

ke ho re tente ya pokano, le areka ya bopaki, le sekwahelo se bewang hodima yona, le mesebetsi yohle ya tabernakele;

Eksoda 35:11

e le tabernakele le tente ya yona, le sekgurumetso sa yona, le mahokelo a yona, le dipolanka tsa yona, le maballo a yona, le ditshiya tsa yona, le didulwana tsa yona;

Eksoda 35:35

O ba tlatsitse ka bohlale, hore ba tle ba sebetse mesebetsi yohle e sebetswang ke dibetli, le diqapi, le dihomi tsa purepera le sekarelata le krimsone le lene e ntle, le dilohi, hore ho etswe mesebetsi yohle e ka sebetswang le e ka qapuwang.

Eksoda 35:6

purepera, sekarelata, krimsone, lene e ntle le boya ba podi;

Eksoda 36:35

Yaba ho etswa lesira la purepera le sekarelata, le krimsone, le lene e ntle e lohilweng, ka mokgwa wa mosebetsi o homilweng ka dikerubime;

Eksoda 39:3

Ha otlollwa maleme a kgauta, a sehwa ho etsa dikgole tsa ho lohanngwa le purepera, le sekarelata, le krimsone, le lene e ntle e lohilweng, ka mokgwa wa mosebetsi o etswang ka masene.

Eksoda 40:2

Ka tsatsi la ho qala la kgwedi ya pele, o tle o hlome tabernakele ya tente ya pokano.

Numere 3:25

Tseo bara ba Gershone ba neng ba di baballa, tseo e leng tsa tente ya pokano, e ne e le tabernakele le tente, le sekgurumetso sa yona, le lesira la monyako wa tente ya pokano,

Numere 4:25

Ba tla jara masela a tabernakele le tente ya pokano, le sekwahelo sa yona, le sekgurumetso sa matlalo a diqibi se bewang kahodima sona,

Johanne 1:14

Lentswe le ne le etswe nama, mme la aha hara rona le tletse mohau le nnete, mme re bohile kganya ya lona, e kang kganya ya Mora a nnotshi ya tswang ho Ntate.

Johanne 2:21

Athe yena o ne a bolela tempele ya mmele wa hae.

BaHebheru 8:2

eo e leng mosebeletsi wa sehalalelo, le wa tabernakele ya sebele e hlomilweng ke Morena, e seng ke motho.

BaHebheru 9:2

Hobane mohla tabernakele e emiswang, ho ne ho etswe sebaka sa pele, moo ho beilweng kandelare, le tafole, le mahobe a pontsha, mme baka seo se ne se bitswa sehalalelo.

BaHebheru 9:9

Empa e ne e le setshwantsho se etse ditsweng mehla ena, ha ho ne ho ntse ho hlahiswa dinyehelo le mahlabelo a sitwang ho hlatswa matswalo a ya etsang tshebe letso ya teng,

Tshenolo 19:8

mme o neilwe ho ikapesa ka lene e ntle, e kganyang, e hlwekileng; hobane lene e ntle eo ke ho loka ha bahalaledi.

Tshenolo 21:3

Ka utlwa lentswe le phahameng le etswa teroneng, le re: Bonang tabernakele ya Modimo e hara batho; o tla aha le bona; e tla ba ditjhaba tsa wona, mme Modimo o tla ba le bona ka sebele sa wona, e be Modimo wa bona.