Numere 1:1 - Sesotho 1909/1961 (SO)

¹ Ka selemo sa bobedi sa ho tloha ha bona lefatsheng la Egepeta, ka tsatsi la pele la kgwedi ya bobedi, Jehova a bua le Moshe, lefeelleng la Sinai, ka tenteng ya pokano, a re:

BIBELE

¹ Ka letsatsi la pele la kgwedi ya bobedi, selemong sa bobedi bana ba Iseraele ba tlohile naheng ya Egepeta, ha Moshe a le ka Tenteng ya Morena, lehwatateng la Sinai, Morena a bua ho Moshe, a re:

Numere 1:1 Referencias Cruzadas

1 Marena 6:1

Ya be e se e le dilemo tse makgolo a mane a nang le mashome a robileng meno e le mmedi bana ba Iseraele ba tswile naheng ya Egepeta, ha Salomone a qala ho haha ntlo ya Jehova, e le ka selemo sa bone sa ho busa ha hae Iseraeleng, ka kgwedi ya Sife, e leng kgwedi ya bobedi.

Eksoda 19:1

Ka kgwedi ya boraro hobane bana ba Iseraele ba tswe lefatsheng la Egepeta, ka lona letsatsi leo, ba kena lefeelleng la Sinai.

Eksoda 19:2

Eitse ha ba tloha Refidime, ba fihla lefeelleng la Sinai, ba hloma ditente lefeelleng; Iseraele a hloma ditente malebana le thaba.

Eksoda 25:22

Ke hona moo ke tla teana le wena, ke bue le wena ke le hodima sekwahelo, pakeng tsa dikerubime tse hodima areka ya bopaki, hore ke tle ke o bolelle tsohle tseo ke tla o laela tsona bakeng sa bana ba Iseraele.

Eksoda 40:17

Ka kgwedi ya ho qala ya selemo sa bobedi, ka tsatsi la pele la kgwedi, tabernakele ya hlongwa.

Eksoda 40:2

Ka tsatsi la ho qala la kgwedi ya pele, o tle o hlome tabernakele ya tente ya pokano.

Levitike 1:1

Jehova a bitsa Moshe, a bua le yena a le tenteng ya pokano, a re:

Levitike 27:34

Ke yona melao eo Jehova a e neileng bana ba Iseraele ka Moshe, thabeng ya Sinai.

Numere 1:18

ba mema phutheho yohle ka tsatsi la pele la kgwedi ya bobedi; e mong le e mong a bolela lesika la hae, ka ntlo ya hae, le ka ntlo ea bontatae; ha ngolwa ka bonngwe mabitso wohle a bona, ho qala ka ba dilemo tse mashome a mabedi ho isa ho ba fetang moo.

Numere 12:4

Hang Jehova a re ho Moshe le Aarone le Miriame: Lona ba bararo, tlohang, le ye tenteng ya pokano. Ba tloha ba bararo, ba ya.

Numere 9:1

Ka kgwedi ya pele ya selemo sa bobedi hobane Baiseraele ba tlohe Egepeta, Jehova a bua le Moshe feelleng la Sinai, a re:

Deuteronoma 1:3

Ka selemo sa mashome a mane, ka tsatsi le qalang kgwedi ya leshome le motso o mong, Moshe a bolella bana ba Iseraele tsohle tseo Jehova a neng a mo laetse hore a ba bolelle tsona.

Deuteronoma 2:14

Haele dilemo tseo re nnileng ra tsamaya ka tsona, ho tloha Kadeshe-Barnea, ho isa tsatsing leo re tshetseng nokana ya Serede ka lona, ya eba dilemo tse mashome a mararo a metso e robileng meno e le mmedi, mofuta wohle wa bana ba ntwa o be o fele diahelong, kamoo Jehova a neng a ba hlapanyeditse kateng.

Deuteronoma 2:7

Hobane Jehova, Modimo wa hao, o o hlohonolofaditse mesebetsing yohle ya matsoho a hao; o lemohile ho tsamaya ha hao lefeelleng leno le leholo; e se e le dilemo tse mashome a mane Jehova, Modimo wa hao, a leng ho wena, mme ha o a ka wa hloka letho.