Romaned 5:19 - Bibl Koad 21: Ar Bibl e Brezhoneg evit ar Vretoned Rak evel dre disentidigezh un den hepken kalz a zo bet lakaet da vezañ pec’herien, evel-se ivez dre sentidigezh unan hepken kalz a vo lakaet da vezañ reizh. Testamant Nevez 1897 (Jenkins) Rag, evel dre dizentidigez eun den hep‐ken kalz a zo bet lakeat da veza pec’herien, evel‐se ive dre zentidigez unan hep‐ken kalz a vezo lakeat da veza just. |
Dek sizhunvezh ha tri-ugent a zo divizet war da bobl ha war da gêr santel evit terriñ an disentidigezh, evit lakaat termen d'ar pec'hedoù, evit ober dic'haou evit an direizhder, evit degas ar reizhder peurbadus, evit siellañ ar weledigezh hag ar brofediezh, evit oleviñ Sant ar sent.
Dre-se, evel ma’z eo dre un den hepken ez eo deuet ar pec’hed er bed ha dre ar pec’hed ar marv, evel-se ivez ar marv a zo deuet d’en em astenn war an holl dud, rak holl o deus pec’het.
Met n’emañ ket eus donezon ar c’hras evel eus ar pec’hed. Rak mar d-eo marvet tud e-leizh dre bec’hed unan hepken, kalz muioc’h gras Doue ha donezon ar c’hras deuet eus un den hepken, Jezuz-Krist, a zo en em skuilhet war galz a dud.
Evel-se eta, mar en deus ur pec’hed hepken talvezet ar gondaonidigezh d’an holl dud, evel-se ivez dre un ober a reizhder hepken an holl dud o deus ar reizhadur a ro ar vuhez.
Rak lakaet eo bet gantañ da vezañ pec’hed abalamour deomp an hini n’en deus ket anavezet ar pec’hed, evit ma teuimp da vezañ reizhder Doue ennañ.
da veuleudigezh gloar e c’hras, en deus roet deomp drezi da vezañ degemeret er C’haret-mat.
hag, o vezañ kemeret stumm un den, eo en em izelaet e-unan, oc’h en em ober sentus betek ar marv, zoken betek ar marv war ar groaz.