O kaout truez outañ, mestr ar servijer-se en lezas da vont hag a bardonas dezhañ e zle.
Sant Lucas 7:43 - Bibl Koad 21: Ar Bibl e Brezhoneg evit ar Vretoned Simon a respontas: Me a gav din ez eo an hini en deus bet ar brasañ diskarg. Eñ a lavaras dezhañ: Barnet mat ec’h eus. Testamant Nevez 1897 (Jenkins) Simon a respontaz: Me a gav d’in ez eo an hini hen deuz bet ar brassa diskarg. Jesus a lavaraz dezhan: Barnet mad ec’h euz. |
O kaout truez outañ, mestr ar servijer-se en lezas da vont hag a bardonas dezhañ e zle.
Jezuz, o welout en doa respontet gant furnez, a lavaras dezhañ: N’out ket pell diouzh rouantelezh Doue. Ha neuze den ne gredas mui ober goulenn ebet outañ.
Evel n’o doa ket peadra da baeañ, e tiskargas anezho o-daou eus o dle. Lavar din eta pehini anezho en karo ar muiañ?
Neuze, o tistreiñ ouzh ar wreg, e lavaras da Simon: Gwelout a rez ar wreg-mañ? Deuet on en da di ha ne’c’h eus ket roet dour din evit gwalc’hiñ va zreid, met hi he deus douret va zreid gant he daeroù hag he deus o sec’het gant he blev.
Dre-se e lavaran dit, he fec’hedoù niverus a zo bet pardonet dezhi, rak karet he deus kalz. Met an neb a bardoner nebeut dezhañ, a gar nebeut.