Joel 2:7 - Bibl Koad 21: Ar Bibl e Brezhoneg evit ar Vretoned

Redek a raint evel brezelerien, pignat a raint war ar mogerioù evel tud a vrezel, kerzhout a raint pep hini en e renk, ne bellaint ket diouzh o hent.

Joel 2:7 Referencias Cruzadas

2 Samuel 1:23

Saül ha Jonatan, hegarat ha plijus en o buhez, n'int ket bet disrannet en o marv. Skañvoc'h e oant eget an erered, ha nerzhusoc'h eget al leoned.

2 Samuel 5:8

David en doa lavaret en deiz-se: Piv bennak a skoio war ar Jebuziz, ra dapo ar ganol hag ar re gamm-se hag ar re dall-se a zo enebourien David. Setu perak e vez lavaret: Na dall na kamm ne zeuio en ti-mañ.

1 Danevelloù 12:36

eus Aser, daou-ugent mil o vont d'an arme ha doareet evit an emgann;

Levr Job 16:14

Va freuzañ a ra gant freuz war freuz, redek a ra warnon evel ur brezelour.

Salmoù 19:5

O mouezh en em skuilh war an douar holl, o gerioù a ya betek pennoù ar bed. Eno en deus savet un deltenn evit an heol,

Krennlavarioù 30:27

ar c'hilheien-raden, n'o deus ket a roue hag ez eont er-maez holl dre vandennoù,

Jeremiaz 5:10

Pignit war he mogerioù ha diskarit anezho, met na gasit ket an distruj da benn, lamit ar brankoù-se rak n'int ket d'an AOTROU.

Joel 2:8

An eil ne vounto ket egile, pep hini a ya gant e hent, en em deurel a raint a-dreuz ar goafioù hep bezañ gloazet.

Joel 2:9

Hag en em strewint e kêr, o redek war ar mogerioù, o pignat war an tiez, hag o vont dre ar prenestroù evel laeron.