Jeremiaz 7:5 - Bibl Koad 21: Ar Bibl e Brezhoneg evit ar Vretoned Adreizhit, ya adreizhit hoc'h hentoù hag hoc'h oberoù, grit ar reizhder an eil e-keñver egile, |
Kemer ali, seven an diviz, astenn e-kreiz an deiz da skeud heñvel ouzh an noz, kuzh ar re gaset kuit, na drubard ket an dec’hidi.
Ti David, evel-henn e komz an AOTROU: Roit gwir adalek ar beure, dieubit an hini gwasket eus daouarn ar mac'homer, gant aon na zeufe va c'hounnar da darzhañ evel un tan, ha na entanfe hep ma vefe den d'e vougañ, en abeg da zrougiezh hoc'h oberoù.
Daoust hag e reni dre ma en em veulez da implijout sedrez? Ha n'en deus ket da dad evet ha debret? Met ober a rae hervez ar varnedigezh hag ar reizhder, hag ez ae mat an traoù gantañ.
evel-henn e komz an AOTROU: Grit hervez ar varnedigezh hag ar reizhder, dieubit an hini gwasket eus daouarn ar mac'homer, na vac'hit ket an diavaeziad nag an emzivad nag an intañvez, na vezit ket taer, na skuilhit ket ar gwad didamall el lec'h-mañ.
Bremañ eta adreizhit hoc'h hentoù hag hoc'h oberoù, selaouit ouzh mouezh an AOTROU ho Toue, hag an AOTROU en devo keuz d'an droug a lavaras en hoc'h enep.
Evel-henn e komz AOTROU an armeoù, Doue Israel: Adreizhit hoc'h hentoù hag hoc'h oberoù, hag ho lakain da chom el lec'h-mañ.
a zistro e zorn diouzh ar paour, na gemer ket kampi nag en tu all d'ar pezh a zo dleet dezhañ, a vir va barnedigezhioù hag a gerzh hervez va reolennoù, an den-se ne varvo ket en abeg da zireizhder e dad, a-dra-sur e vevo.
na brest ket gant kampi, na gemer ket en tu all d'ar pezh a zo dleet dezhañ, a zistro e zorn diouzh an direizhder, a varn gant wirionez etre un den hag unan all,
Hini ac’hanoc’h ne raio gaou ouzh unan all, doujañ a ri da Zoue. Me eo an AOTROU ho Toue.
Ha n'eo ket ar c'homzoù en deus lavaret an AOTROU dre ar brofeded kentañ, pa oa tud e Jeruzalem ha pa oa sioul, hi hag he c'hêrioù en-dro dezhi, ha pa oa tud o chom er c'hreisteiz hag er blaenenn?
Hag e kavjont e-touez annezidi Jabez e Galaad pevar c'hant gwerc'h yaouank n'o doa anavezet den ha n'o doa kousket gant gwaz ebet, hag o degasjont d'ar c'hamp, da Silo a zo e bro Ganaan.