Sant Ian 13:17 - Bibl Koad 21: Ar Bibl e Brezhoneg evit ar Vretoned

Mar gouzoc’h an traoù-se, ez oc’h eürus, gant ma sentot outo.

Testamant Nevez 1897 (Jenkins)

Mar gouzoc’h an traou‐ze, ez oc’h eürus, gant m’ho lakeot en pratic.

Sant Ian 13:17 Referencias Cruzadas

Geneliezh 6:22

Noe a reas kement-se, pep tra en doa gourc'hemennet Doue dezhañ.

Salmoù 19:11

Muioc'h c'hoantek int eget an aour, eget aour fin e-leizh, dousoc'h int eget ar mel, eget an hini a zeu eus an terennoù.

Ermaeziadeg 40:16

Moizez a reas hervez kement en doa gourc'hemennet an AOTROU dezhañ; ober a reas evel-se.

Krennlavarioù 29:18

Pa n'eus ket a weledigezh, ar bobl a zo direol, met eürus eo an hini a vir al lezenn!

Jeremiaz 11:6

Hag an AOTROU a lavaras din: Embann an holl gomzoù-se dre gêrioù Juda ha dre straedoù Jeruzalem, o lavarout: Selaouit komzoù an emglev-mañ ha grit hervezo.

Ezekiel 36:27

Lakaat a rin va Spered en ho tiabarzh, hag e rin deoc'h kerzhout em reolennoù ha mirout va barnedigezhioù, evit ober diouto.

Mazhev 12:50

Rak piv bennak a ra bolontez va Zad a zo en neñvoù, hennezh eo va breur ha va c’hoar ha va mamm.

Sant Lucas 11:28

Met eñ a lavaras: Nann, eürus eo kentoc’h ar re a selaou ger Doue hag a sent outañ!

Sant Ian 15:14

C’hwi a zo va mignoned, mar grit kement a c’hourc’hemennan deoc’h.

Romaned 2:13

Rak n’eo ket ar re a selaou al lezenn a zo reizh dirak Doue, met ar re a vir al lezenn eo ar re a vo reishaet.

Galated 5:6

Rak e Jezuz-Krist an amdroc’h ne servij da netra, nag an diamdroc’h, met ar feiz o labourat dre ar garantez.

S. Jakes 1:25

Met an hini en devo sellet ouzh al lezenn beurvat, lezenn ar frankiz, hag en devo kendalc’het hep bezañ ur selaouer ankounac’haus met o vezañ un oberour eus al labour, hennezh a vo benniget er pezh en devo graet.

S. Jakes 4:17

Hennezh eta a anavez ar mad a dlefe d’ober ha n’henn gra ket, a bec’h.

Apocalyps 22:14

Eürus ar re a vir e c’hourc’hemennoù, evit m’o devo lod er wezenn a vuhez hag e c’hellint mont e-barzh kêr dre an dorojoù.