Sant Ian 13:18 - Bibl Koad 21: Ar Bibl e Brezhoneg evit ar Vretoned

¹⁸ Ne gomzan ket ac’hanoc’h holl. Gouzout a ran ar re am eus dibabet. Met ret eo d’ar Skritur bezañ peurc’hraet: An hini a zebr bara ganin en deus savet e droad em enep.

Testamant Nevez 1897 (Jenkins)

¹⁸ Ne gomzan ket ac’hanoc’h holl; gouzoud a ran pere em euz choazet; mes red eo e vez accomplisset ar Scritur: An hini a zebr bara ganen, hen deuz savet he droad a‐enep d’in.

Sant Ian 13:18 Referencias Cruzadas

Salmoù 41:9

Ur gwall bennak a bouezh warnañ, setu eñ gourvezet, emezo, ha ne adsavo ken.

Jeremiaz 41:2

Hag Ismael mab Netania a savas, kenkoulz hag an dek den a oa gantañ, hag e skojont gant ar c'hleze war C'hedalia mab Ahikam mab Shafan, hag e lazhjont an hini en doa roue Babilon lakaet da c'houarnour war ar vro.

Mazhev 10:36

hag an den en devo evit enebourien tud e diegezh.

Mazhev 26:21

E-pad ma tebrent, e lavaras dezho: Me a lavar deoc’h e gwirionez, unan ac’hanoc’h am droukroio.

Mazhev 26:23

Eñ a respontas: An hini en deus lakaet e zorn ganin er plad, hennezh eo am droukroio.

Sant Marc 14:17

Pa voe deuet an abardaez, e teuas gant an daouzek.

Sant Marc 14:18

Evel ma oant ouzh taol ha ma tebrent, Jezuz a lavaras: Me a lavar deoc’h e gwirionez, unan ac’hanoc’h, unan a zebr ganin, am droukroio.

Sant Marc 14:20

Eñ a respontas dezho: Unan eus an daouzek eo ha lakaat a ra e zorn er plad ganin.

Sant Lucas 22:21

Koulskoude setu, dorn an hini am droukro a zo ouzh an daol-mañ ganin.

Sant Ian 13:21

P’en doe Jezuz lavaret kement-se, e voe trubuilhet en e spered hag e roas an testeni-mañ: E gwirionez, e gwirionez, me a lavar deoc’h, unan ac’hanoc’h am droukroio.

Sant Ian 13:22

An diskibien a sellas an eil ouzh egile o vezañ ne ouient ket a biv eo e komze.

Sant Ian 13:26

Jezuz a respontas: An hini a roin dezhañ an tamm soubet. Hag, o vezañ soubet un tamm, e roas anezhañ da Judaz Iskariod mab Simon.

Sant Ian 15:16

N’eo ket c’hwi hoc’h eus va dibabet, met me eo am eus ho tibabet hag am eus ho lakaet, evit ma’z eot ha ma tougot frouezh, ha ma vo ho frouezh kendalc’hus, hag evit ma roio va Zad deoc’h kement a c’houlennot em anv digantañ.

Sant Ian 15:19

Ma vijec’h eus ar bed, ar bed a garje ar pezh a vije dezhañ. Met abalamour ma n’oc’h ket eus ar bed ha ma em eus ho tibabet a-douez ar bed, abalamour da-se eo e kasa ar bed ac’hanoc’h.

Sant Ian 15:25

Met kement-se a zo evit ma vo peurc’hraet ar ger a zo skrivet en o lezenn: Va c’hasaet o deus hep abeg.

Sant Ian 17:12

E-pad ma oan ganto er bed, e tiwallen anezho en da anv. Miret em eus ar re ac’h eus roet din, hag hini ebet anezho n’eo en em gollet, nemet mab ar gollidigezh, evit ma vije peurc’hraet ar Skritur.

Sant Ian 18:32

Kement-mañ a c’hoarvezas evit ma vije peurc’hraet ar pezh en doa Jezuz lavaret, o verkañ dre beseurt marv e tlee mervel.

Sant Ian 19:24

Lavarout a rejont eta etrezo: Na lodennomp ket anezhi met taolomp ar sord da biv e vo. Evel-se e voe evit ma vije peurc’hraet ar gomz-mañ eus ar Skritur: Lodennet o deus va dilhad ha taolet o deus va sae d’ar sord. Setu ar pezh a reas ar soudarded.

Sant Ian 19:36

Kement-se a erruas evit ma vije ar Skritur peurc’hraet: E eskern ne vint ket torret.

Sant Ian 21:17

Lavarout a reas dezhañ an deirvet gwech: Simon mab Jona, hag ec’h eus karantegezh evidon? Pêr a voe glac’haret eus m’en doa lavaret an deirvet gwech: Hag ec’h eus karantegezh evidon? Eñ a lavaras dezhañ: Aotrou, anavezout a rez an holl draoù, gouzout a rez em eus karantegezh evidout. Jezuz a lavaras dezhañ: Mesa va deñved.

Sant Ian 6:70

Jezuz a respontas dezho: Ha ne’m eus ket ho tibabet, ho taouzek? Hag unan ac’hanoc’h a zo un diaoul.

Actou an Ebestel 1:16

Tud breudeur, ret e oa ma vije peurc’hraet ar pezh en doa lavaret ar Spered-Santel er Skritur en a-raok dre c’henoù David, diwar-benn Judaz, hag a zo bet rener ar re o deus kemeret Jezuz.

Actou an Ebestel 1:2

betek an deiz ma voe savet en neñv, goude bezañ roet e urzhioù, dre ar Spered-Santel, d’an ebestel en doa dibabet.

2 Korintiz 4:5

Ne brezegomp ket ac’hanomp hon-unan, met Krist Jezuz evel an Aotrou, hag ez omp ho servijerien abalamour da Jezuz.

Hebreed 4:13

N’eus krouadur ebet hag a vefe kuzhet dirazañ, met an holl draoù a zo en noazh ha dizolo da zaoulagad an hini e tleomp rentañ kont dezhañ.

Apocalyps 2:23

Lakaat a rin he bugale da vervel eus ar marv, hag an holl Ilizoù a ouezo penaos ez on an hini a furch al lounezhi hag ar c’halonoù. Reiñ a rin da bep hini ac’hanoc’h hervez e oberoù.