Sant Ian 10:9 - Bibl Koad 21: Ar Bibl e Brezhoneg evit ar Vretoned Me eo an nor. Mar deu e-barzh unan bennak drezon, e vo salvet. Dont ha mont a raio hag e kavo peurvan. Testamant Nevez 1897 (Jenkins) Me eo an nor; mar deu unan‐benag da antren dreizoun‐me, e vezo salvet; antren a rai, ha mond a rai er meaz, hag e kavo peuri. |
Peuriñ a raio e zeñved evel ur mesaer, dastum a raio e oaned gant e zivrec'h, dougen a raio anezho en e varlenn, ren a raio a re a ro da zenañ.
Ar c'hêrioù gwastet a vo leun a engroezioù tud, heñvel ouzh tropelloù santel, heñvel ouzh tropelloù Jeruzalem e-pad ar gouelioù, hag e ouezint ez on me an AOTROU.
E gwirionez, e gwirionez, me a lavar deoc’h, an hini na ya ket e kraou an deñved dre an nor, met a bign dre ul lec’h all, a zo ul laer hag ur brigant.
Ar porzhier a zigor dezhañ an nor hag an deñved a glev e vouezh. Gervel a ra e zeñved e-unan dre o anv hag e kas anezho er-maez.
Neuze Jezuz a lavaras dezho c’hoazh: E gwirionez, e gwirionez, me a lavar deoc’h, me eo dor an deñved.
Jezuz a lavaras dezhañ: Me eo an hent, ar wirionez hag ar vuhez. Den ne zeu d’an Tad nemet drezon.