Adlezenn 26:13 - Bibl Koad 21: Ar Bibl e Brezhoneg evit ar Vretoned Hag e lavari dirak an AOTROU da Zoue: Lamet em eus ar pezh a zo santelaet eus va zi, roet em eus anezhañ d'al Leviad, d'an diavaeziad, d'an emzivad ha d'an intañvez, hervez an holl c'hourc'hemennoù ac'h eus kemennet din, ne'm eus torret netra na ankounac'haet hini eus da c'hourc'hemennoù, |
Dianket on evel un dañvad kollet: klask da servijer, rak ne'm eus ket ankounac'haet da c'hourc'hemennoù.
Abalamour da gement-se eo e labouran evit kaout atav ur goustiañs divlam dirak Doue ha dirak an dud.
Rak ar pezh a ra hor gloar eo en testeni-mañ eus hor c’houstiañs penaos omp en em renet er bed, ha dreist-holl en ho keñver, gant eeunder ha gwirionded dirak Doue, nann gant ur furnez kigel, met gant gras Doue.
An Doue ha Tad eus hon Aotrou Jezuz-Krist, benniget ra vo da virviken, a oar ne lavaran ket a c’hevier.
Dont a raio al Leviad, n'en deus na lodenn na hêrezh ganit, an diavaeziad, an emzivad hag an intañvez a vo e-barzh da zorojoù, hag e tebrint hag o devo o gwalc'h, evit ma vennigo ac'hanout an AOTROU da Zoue e kement labour a ri gant da zaouarn.
Pa ez po echu da zastum an holl zeog eus da leve d'an trede bloaz, bloaz an deog, e roi anezhañ d'al Leviad, d'an diavaeziad, d'an emzivad ha d'an intañvez, hag e tebrint e-barzh da zorojoù hag o devo o gwalc'h.
ne'm eus debret netra pa oan e kañv, ne'm eus lamet netra evit un implij dic'hlan, ne'm eus roet netra evit ur marv, sentet em eus ouzh mouezh an AOTROU va Doue, graet em eus hervez ar pezh ac'h eus gourc'hemennet din.
Testoù oc’h ha Doue ivez, pegen santel, pegen reizh ha pegen didamall ez omp en em renet en ho keñver-c’hwi ar re a gred.