Nwatî arûme acio nîmaaugire atîrî, “Twererekere, we ûrî mûgeni gûkû! We ûrî û wa gûtwîra ûrîa tûgwîka? Twererekere kana tûgwîke naaî kûmakîra.” Nao nîmaatindîkire Loti na vuva na makîîvarîria gûtua mûrango.
Nthi 5:12 - ÎVUKU RÎA ÛVORO MWARO na uge atîrî, “Ûûi, na ûrîa nathûrîte gûkaanua, ndiendaga kûrûngwa! |
Nwatî arûme acio nîmaaugire atîrî, “Twererekere, we ûrî mûgeni gûkû! We ûrî û wa gûtwîra ûrîa tûgwîka? Twererekere kana tûgwîke naaî kûmakîra.” Nao nîmaatindîkire Loti na vuva na makîîvarîria gûtua mûrango.
Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”
Nwatî andû a Juda nîmaathiîre na mbere kûthekerera anjaama ake na kwira ndûmîrîri yake na kûnyûrûria arathi ake nginya Ngai-Mûnene akîrakara nî andû ake mûno ûndû atangîamarekeere.
“Mue irimû ino! Mûrenda gwîkara mûrî irimû nginya rî? Mûrenda gwîkara mûkînyararaga ûmenyo, mûkaamenya maûndû rî?
Gwîtigîra Ngai-Mûnene nîkîo Kîammbîrîria gîa kûgîa na ûmenyo. Andû arîa aritu nîmanyararaga ûûgî na kîrîra.
Mûndû ûrîa wîtîkagîra ûtaaro nîatûûraga waro, nwatî mûndû ûrîa ûreganaga na ûtaaro ethagîrwa arî njîrarî ya kûûra.
Mûndû ûrîa ûkenaga rîrîa akûrutwa mavîtia nî mûûgî, nwatî mûndû ûrîa ûthûrîte kûrutwa mavîtia nî kîrimû.
Ûthîni na gîconoko inyitaga mûndû ûrîa ûregaga kîrîra. Mûndû ûrîa ûthikagîrîria akîrutwa mavîtia nî atîîagwa.
Mûndû kîrimû nîareganaga na kîrîra Kîam îthe; nwatî mûndû ûrîa wîtîkagîra rîrîa akûrutwa mavîtia nî ethagîrwa arî mûûgî.
Rîrîa ûkethîrwa ûrî vakuvî gûkua nîûgacaa, rîrîa mwîrî waku ûkaavûrûrûka na ûthire vinya;
Nîûndû maathani mekariî ta taa, na kîrîra gîkariî ta ûtheri, gûkaanua na mîtugo mîaro nîcio itûmaga mûndû agîe na ûtûûro mwaro.
Mavinda meengî nînatûmire arathi ndungata ciakwa kûrî mue, ngîmwîra atî, ‘Mûtigeke maûndû mama macûku ûguo nthûrîte!’