Nthi 6:23 - ÎVUKU RÎA ÛVORO MWARO

²³ Nîûndû maathani mekariî ta taa, na kîrîra gîkariî ta ûtheri, gûkaanua na mîtugo mîaro nîcio itûmaga mûndû agîe na ûtûûro mwaro.

Nthi 6:23 Referencias Cruzadas

Kîam 39:8

Nwatî Josefu nîwaregire na agîcokeria mûka wa mwathi wake atîrî, “Nîwîcî atî mwathi wakwa ndarûmbûyanagia na ûndû wana ûrîkû wa mûciî nîûndû nîrî kuo. Nîanduîte mûmenyereri wa indo ciake cionthe.

Thaburi 119:105

Kiugo gîaku nî taa îrîa îmûrîkagîra kûrîa ngûthiîra, na ûtheri wa njîra yakwa.

Thaburi 119:130

Ciugo ciaku itaûrîtwe nîiretaga ûtheri; nîivecaga ûmenyo andû arîa mataicî ûndû.

Thaburi 141:5

Mûndû mûthingu nwa amverithie kana akangania arî na wendo mwîngî, nwatî ndingîtîkîra gûkumua nî andû arîa aganu, nîûndû vîndî cionthe mvoyaga matigane na ciîko ciao cia waganu.

Thaburi 19:8

Mawatho ma Ngai-Mûnene nî ma ma, na arîa mamavingagia methagîrwa marî akenu. Maathani ma Ngai-Mûnene nî matheru, na nî mathomithagia mûndû.

Nthi 10:17

Mûndû ûrîa wîtîkagîra ûtaaro nîatûûraga waro, nwatî mûndû ûrîa ûreganaga na ûtaaro ethagîrwa arî njîrarî ya kûûra.

Nthi 15:24

Njîra ya andû arîa aûgî îmaviraga mwoyorî, nîguo maûrîre gûtonya kwa arîa akuû.

Nthi 15:31

Mûndû ûrîa ûthikagîrîria rîrîa akûrutwa mavîtia nîekaranagia na andû arîa aûgî.

Nthi 29:15

Kûverithua na gûkaanua nî gûtûmaga mûndû aûvîge, nwatî mwana ûrîa ûrekagîrîrua eke wa ûrîa akwenda nîaconorithagia ng'ina.

Nthi 3:18

Ûûgî nîta mûtî wa mwoyo kûrî arîa magîcaga naguo, arîa megwatîrîte guo na kinyi marî gîkeno.

Nthi 4:13

Rûmagîrîra kîrîra, na ndûgatigane nakîo; kîvingagie na kinyi, nîûndû nîkîo ûtûûro waku.

Nthi 4:4

vava nîwanthomithagia akambîra atîrî, “Igaga na kinyi maûndû marîa nîrakûthomithia ngororî yaku; vingagia maathani makwa, na nîûgûtûûra mwoyo.

Nthi 5:12

na uge atîrî, “Ûûi, na ûrîa nathûrîte gûkaanua, ndiendaga kûrûngwa!

Mûvunjia 7:26

Ûndû ûrîa namenyire mûcûku mûno gûkîra gîkuû nî mûndûmûka ûrîa ngoro yake îkariî ta mûtego na njara ciake nîta mvîngû cia kûnyita mûndû. Mûndû ûrîa wîtigîrîte Ngai nwa etheme mûndûmûka ûcio, nwatî mûndû ûrîa wîvagia nîanyitagwa nîke.

Mûvunjia 7:5

Kava kûthikîrîria ûgîkanua nî mûndû mûûgî, gûkîra kûthikîrîria irimû ikiina nyîmbo.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Jeremia 21:8

Nawe Jeremia nîûgacoka wîre andû aya atî Ngai-Mûnene arauga atîrî, “Taroria, nîmbigîte mbere yaku gûtûûra mwoyo na gûkua.

Ezek 20:11

Nînaamavere irîra ciakwa na ngîmamenyithia mawatho makwa nîguo mûndû amarûmîrîra atûûre mwoyo.

Alawi 19:17

“Mûtikamenane na andû arîa engî, nwatî îgucanagani nîguo mûtikevie.

2Pet 1:19

Na tûrî na ûma makîrîa wa ndûmîrîri îrîa yanîrîrwe nî arathi. Nîmwagîrîrwe nî kûthikîrîria ndûmîrîri îo, nîûndû yo îkariî ta taa yakanîte vandû ndumarî nginya gûkîe, na ûtheri wa njata ya kîraûko ûgakengaga ngororî cienyu.

Kûguû 2:5

Taririkanani kûrîa mwarî mbere ya mûgwe! Îrireni na mwîke ciîko irîa mwekaga mbere. Na mwarega kwîrira nie nîngûka kûrî mue na ndute kîndû gîa kwigîrîrwa taa varîa kîthagîrwa kîrî.