Nthi 15:5 - ÎVUKU RÎA ÛVORO MWARO

⁵ Mûndû kîrimû nîareganaga na kîrîra Kîam îthe; nwatî mûndû ûrîa wîtîkagîra rîrîa akûrutwa mavîtia nî ethagîrwa arî mûûgî.

Nthi 15:5 Referencias Cruzadas

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

Thaburi 141:5

Mûndû mûthingu nwa amverithie kana akangania arî na wendo mwîngî, nwatî ndingîtîkîra gûkumua nî andû arîa aganu, nîûndû vîndî cionthe mvoyaga matigane na ciîko ciao cia waganu.

Nthi 1:23

Tathikîrîriani ngîmûkaania. Nîngaamûmenyithia meciria makwa, na nîngaamwîcûria ûûgî wakwa.

Nthi 1:7

Gwîtigîra Ngai-Mûnene nîkîo Kîammbîrîria gîa kûgîa na ûmenyo. Andû arîa aritu nîmanyararaga ûûgî na kîrîra.

Nthi 10:1

Ino nî nthimo cia Solomoni. Mwana mûûgî atûmaga îthe akene, nwatî mwana mûritu atûmaga ng'ina agîe na kîeva.

Nthi 13:1

Mwana mûûgî nîathikagîrîria rîrîa agûtaarwa nî îthe, nwatî mûndû mwîtîi ndathikagîrîria rîrîa akûrutwa mavîtia.

Nthi 13:18

Ûthîni na gîconoko inyitaga mûndû ûrîa ûregaga kîrîra. Mûndû ûrîa ûthikagîrîria akîrutwa mavîtia nî atîîagwa.

Nthi 15:4

Ciugo cia ûvoreri nîta mûtî wa mwoyo, nwatî ciugo cia waganu nîitûmaga mûndû akue ngoro.

Nthi 15:6

Andû arîa athingu nîmaigaga ûtonga wao, nwatî indo cia andû arîa aganu nîithiraga rîrîa thîna yaûka.

Nthi 19:20

Thikagîrîria ûgîtaarwa na ûrûmagîrîre ûrîa ûkûthomithua, nîguo vuvarî ûkaagîa na ûûgî.

Nthi 25:12

Mûndû mûûgî akaanîtie mûndû ûkûthikîrîria, ekariî ta gîcûvî Kîam thaavu kana mathaga ma thaavu ntheri.

Nthi 6:23

Nîûndû maathani mekariî ta taa, na kîrîra gîkariî ta ûtheri, gûkaanua na mîtugo mîaro nîcio itûmaga mûndû agîe na ûtûûro mwaro.

Tito 1:13

Arathi maarîtie ûvoro wa ma. Kwoguo nwa nginya ûmakaanie na vinya mûno nîguo magîe na wîtîkio mûkinyanîru,

Tito 2:15

Thomithagia andû maûndû mama, makanagie na ûmekagîre vinya ûgîtûmagîra wathani waku. Ndûkanareke mûndû wana ûrî kû akwire.