Nthi 13:3 - ÎVUKU RÎA ÛVORO MWARO Mûndû ûrîa ûmenyagîrîra mîario yake nîagitagîra mwoyo wake. Mûndû ûrîa ûtamenyagîrîra mîario yake ecûkangagia ke mwene. |
Nînaugire atîrî, “Ngaamenyagîrîra mîthiîre yakwa, nîguo rûrîmî rwakwa rûtigatûme njîvie. Ndikaavingûra kanyua gakwa, rîrîa andû arîa aganu marî vakuvî.”
Andû arîa aûgî maragia maûndû mavarîrîrîtie, nwatî mûtûkatûko wa irimû nîûtûmaga kûgîe na thîna.
Andû arîa marî ûûgî wa ngoro nîmavingagia maathani, nwatî andû arîa maragia ûrimû mecûkangagia o ene.
Andû arîa aganu manyitagwa nî ciugo ciao o ene, nwatî andû arîa athingu nîmaûragîra thîna.
Kîgûûta kîîriragîria kîndû na gîtikîonaga, nwatî mûndû ûrî kîîo nîagîcaga na indo nyîngî.
Maûndû marîa mûndû aragia nwa matûme akue kana atûûre mwoyo; kwoguo andû arîa mendete kwaria nîmonaga maciaro ma mîario yao.
Kîrimû gîîcûkangagia na mîario yakîo kîo kîene, kîînyitithagia na mîario yakîo kîo kîene.
Mûndû wa wonthe wîciragia nî wa ndini na ndamenyagîrîra rûrîmî rwake, ndini yake nî ya mana na nî kwîveenia eveenagia.
Nake Samusoni nîwerire Delila atîrî, “Mangînthaîkania na mîkanda îno îtaanavûthîrwa rîngî, nîngîthîrwa ndarî na vinya wata andû acio engî.”
Mûthiiarî, nîwamwîrire ûma. Aamwîrire atîrî, “Njuîrî ciakwa itianenjwa. Naamûrîrwe Ngai nîrî Mûnazari kuuma rîrîa naaciarirwe. Nîngîenjwa njuîrî ciakwa cia kîongo, nîngîthirwa nî vinya wakwa na ngekara ta andû acio engî.”